ٹیلیکام ریگولیٹری اتھارٹی آف انڈیا (ٹرائی) نے آج ایک مشاورتی پیپر جاری کیا ہے جس کا عنوان ہے ’’ڈومیسٹک لیزڈ سرکٹس کے لیے ٹیرف کا جائزہ‘‘۔

ٹیلیکام ریگولیٹری اتھارٹی آف انڈیا ایکٹ، 1997 کی دفعہ 11(2) ٹی آر اے آئی کو مختلف ٹیلی کمیونی کیشن خدمات کے لیے ریٹس نوٹیفائی کرنے کا اختیار دیتی ہے۔ ان اختیارات کے استعمال میں، ٹرائی نے ڈی ایل سیز کے لیے سیلنگ ٹیرف کی اطلاع دی ہے، جس میں آخری نوٹیفکیشن  ٹی ٹی او (57ویں اور 58ویں ترمیم) 2014 تھی۔

موجودہ مشاورتی پیپر کا بنیادی مقصد موجودہ  ڈی ایل سی سیلنگ ٹیرف فریم ورک کے جائزے کے حوالے سے اسٹیک ہولڈروں سے رائے لینا ہے، جو موجودہ مارکیٹ کی صورتِ حال اور تکنیکی ترقیات کے مطابق ہے، جس کا مجموعی مقصد  ڈی ایل سی مارکیٹ میں شفافیت اور مقابلے کو فروغ دینا اور تمام خطوں اور صارفین کی کیٹیگریز میں ڈیل ایل سیز  تک منصفانہ اور سستی رسائی کو آسان بنانا ہے۔ یہ تجویز کردہ سیلنگ ٹیرف جائزہ ڈی ایل سیز  کی ترقی کو بھی مدنظر رکھتا ہے، جن میں پی ٹو پی اور وی پی این پر مبنی ڈی ایل سیز شامل ہیں، جو ایک منظم سروس کے طور پر مختلف سروس کی ذمہ داریاں جیسے بینڈوڈتھ، اپ ٹائم، تاخیر وغیرہ فراہم کرتی ہے۔

اس حوالے سے، 29 اپریل 2025 کو ایک پری کنسلٹیشن پیپر جاری کیا گیا تھا تاکہ متعلقہ فریقین کے خیالات جمع کیے جا سکیں۔ پری کنسلٹیشن پیپر پر اسٹیک ہولڈروں کی رائے اور ٹرائی کے مزید تجزیے کی بنیاد پر، ’’ڈومیسٹک لیزڈ سرکٹس (ڈی ایل سیز) کے لیے ٹیرف کے جائزے پر مشاورتی  پیپر‘‘ ٹرائی  کی ویب سائٹ (www.trai.gov.in) پر رکھا گیا ہے۔ اسٹیک ہولڈروں سے درخواست کی گئی ہے کہ وہ 22 فروری 2026 تک اپنے تحریری تبصرے فراہم کریں۔ تبصرے الیکٹرانک طور پر جناب ڈی منوج، پرنسپل ایڈوائزر (فنانشل اینڈ اکنامک اینالیسس)، TRAI کو pradvfea@trai۔gov۔in پر بھیجے جا سکتے ہیں۔

کسی بھی وضاحت/معلومات کے لیے، پرنسپل ایڈوائزر (F&EA) سے ٹیلیفون نمبر 011-26701474 پر رابطہ کیا جا سکتا ہے۔

***

(ش ح – ع ا)

U. No. 1000

(रिलीज़ आईडी: 2217814) आगंतुक पटल : 8