કેન્દ્રીય મંત્રી સર્બાનંદ સોનોવાલના કાર્યાલયે મીડિયાના અમુક વર્ગોમાં ફેલાયેલા અહેવાલોને ગંભીરતાથી લીધા છે કે આસામ ભાજપમાં આંતરિક મતભેદો નવી દિલ્હી પહોંચ્યા છે. આ અહેવાલો શ્રી સર્બાનંદ સોનોવાલ દ્વારા પાર્ટીના રાષ્ટ્રીય અધ્યક્ષને લખેલા પત્ર પર આધારિત હોવાનું કહેવાય છે.

કાર્યાલય સ્પષ્ટ કરે છે કે આ પત્ર, જેમાં આસામમાં નેતૃત્વ પરિવર્તનની માંગ કરવામાં આવી છે અને વર્તમાન મુખ્યમંત્રી હિમંતા બિસ્વા શર્મા સામે આરોપો મૂકવામાં આવ્યા છે, તે સંપૂર્ણપણે નકલી, પાયાવિહોણા અને બનાવટી છે. તેમાં બનાવટી સત્તાવાર લેટરહેડનો ઉપયોગ કરવામાં આવ્યો છે અને તેમાં કેન્દ્રીય મંત્રી સર્બાનંદ સોનોવાલની નકલી સહી છે.

આવી છેતરપિંડીભરી સામગ્રીનો પ્રસાર એ એક ગંભીર ગુનો છે, જેમાં બનાવટી, નકલી ઓળખ ઊભી કરવી અને સરકારી દસ્તાવેજોનો દુરુપયોગ સામેલ છે. તેનો મુખ્ય હેતુ ખોટી માહિતી ફેલાવવાનો અને બંધારણીય સત્તાની છબીને કલંકિત કરવાનો છે.

આ બાબતે FIR નોંધવામાં આવી છે, અને કાયદો અમલીકરણ એજન્સીઓને આ કેસની પ્રાથમિકતાના ધોરણે તપાસ કરવા અને જવાબદારો સામે કડક કાયદેસરની કાર્યવાહી કરવા વિનંતી કરવામાં આવી છે.

કેન્દ્રીય મંત્રીનું કાર્યાલય ફરતા અહેવાલોમાં કરવામાં આવેલા દાવાઓને સખત શબ્દોમાં રદિયો આપે છે અને સ્પષ્ટતા કરે છે કે શ્રી સર્બાનંદ સોનોવાલને સંડોવતા કોઈપણ આંતરિક દુશ્મનાવટ અથવા પત્રવ્યવહારના આરોપો સંપૂર્ણપણે પાયાવિહોણા છે.

જનતા અને મીડિયાને સલાહ આપવામાં આવે છે કે તેઓ આવી નકલી અને વણચકાસાયેલ સામગ્રી પર વિશ્વાસ ન કરે અથવા તેને ફેલાવે નહીં અને માહિતીની ચકાસણી માત્ર સત્તાવાર અને અધિકૃત સ્ત્રોતો દ્વારા જ કરે.

SM/BS/GP/JD