وزیر اعظم نریندر مودی نے آج مغربی بنگال کے ضلع ہگلی کے سنگور میں 830 کروڑ روپے سے زائد مالیت کے مختلف ترقیاتی منصوبوں کا افتتاح کیا، سنگ بنیاد رکھا اور لانچ  کیا۔ اس موقع پر شرکا سے خطاب کرتے ہوئے جناب مودی نے کہا کہ کل وہ مالدہ  میں تھے اور آج انھیں  ہگلی کے لوگوں کے درمیان ہونے کا شرف  حاصل ہوا ہے۔ انھوں نے کہا کہ وکست بھارت کے لیے مشرقی بھارت کی ترقی ضروری ہے، اور اس مقصد کے ساتھ مرکزی حکومت مسلسل کام کر رہی ہے۔ انھوں نے کہا کہ کل اور آج کے پروگرام اس عزم کو مضبوط کرتے ہیں۔ وزیر اعظم نے کہا کہ اس دوران انھیں مغربی بنگال کی ترقی سے متعلق سینکڑوں کروڑ مالیت کے منصوبوں کی بنیاد رکھنے اور افتتاح کرنے کا موقع ملا۔

وزیر اعظم مودی نے کہا کہ کل ملک کی پہلی وندے بھارت سلیپر ٹرین مغربی بنگال سے لانچ کی گئی۔ انھوں نے مزید کہا کہ بنگال کو بھی تقریباً نصف درجن نئی امرت بھارت ایکسپریس ٹرینیں ملی ہیں۔ انھوں نے کہا کہ آج مزید تین امرت بھارت ایکسپریس ٹرینیں شروع کی گئی ہیں۔ انھوں نے نشاندہی کی کہ ان میں سے ایک ٹرین ان کے پارلیمانی حلقہ وارانسی اور بنگال کے درمیان رابطے کو مزید مضبوط کرے گی۔ انھوں نے مزید کہا کہ امرت بھارت ایکسپریس ٹرینیں دہلی اور تمل ناڈو کے لیے بھی شروع کی گئی ہیں۔ وزیر اعظم نے  زور دیا کہ گذشتہ 24 گھنٹے مغربی بنگال کی ریل کنیکٹیویٹی کے لیے بے مثال رہے ہیں۔

وزیر اعظم مودی نے کہا  کہ بنگال میں آبی گزرگاہوں کے لیے بے پناہ صلاحیت ہے اور مرکزی حکومت اس پر بھی کام کر رہی ہے۔ انھوں نے نشاندہی کی کہ بندرگاہ کی قیادت میں ترقی کے لیے ضروری انفراسٹرکچر کی تعمیر کے لیے مدد فراہم کی جا رہی ہے۔ انھوں نے کہا کہ کچھ عرصہ پہلے بندرگاہوں اور دریائی آبی گزرگاہوں سے متعلق منصوبے بھی افتتاح کیے گئے اور سنگ بنیاد رکھے۔ انھوں نے زور دیا کہ یہ مغربی بنگال اور بھارت کی ترقی کے لیے بہت اہم ہیں۔ انھوں نے کہا کہ یہی وہ ستون ہیں جن پر مغربی بنگال کو مینوفیکچرنگ، تجارت اور لاجسٹکس کا بڑا مرکز بنایا جا سکتا ہے۔ وزیر اعظم نے ان منصوبوں پر سب کو مبارکباد دی۔

مرکزی  وزیر سربانندا سونوال نے اس موقع پر کہا کہ ’’830 کروڑ روپے مالیت کے انفراسٹرکچر منصوبے مغربی بنگال میں آبی گزرگاہوں اور ریل پر مبنی نقل و حمل کو بڑھانے میں ایک بڑا قدم ہے۔ یہ منصوبے کارگو کی نقل و حرکت کو نمایاں طور پر بہتر بنائیں گے، ملٹی موڈل کنیکٹیویٹی کو مضبوط کریں گے اور جدید، محفوظ اور توانائی بچانے والے ٹرانسپورٹ سسٹمز کے ذریعے مسافروں کے سفر کو ہموار بنائیں گے، جبکہ خطے میں معاشی سرگرمی اور روزگار کے مواقع کو تیز کریں گے‘‘ 

اس موقع پر وزیر اعظم نریندر مودی کی ان لینڈ واٹر ویز کی بحالی کے لیے فیصلہ کن قیادت کے بارے میں بات کرتے ہوئے،  بندرگاہوں،  جہاز رانی اور آبی گزرگاہوں کے مرکزی وزیرنے کہا، ’’دہائیوں تک، بھارت کی اندرونی آبی گزرگاہیں اپنی بے پناہ صلاحیت کے باوجود زیادہ تر غیر استعمال شدہ رہیں۔ وزیر اعظم نریندر مودی کی بصیرت افروز قیادت میں، یہ شعبہ جامع طور پر ایک جدید، مؤثر اور اقتصادی نقل و حمل کے ذریعہ میں تبدیل ہو چکا ہے۔ آج، اندرون ملک آبی گزرگاہیں  بھارت کے ملٹی موڈل لاجسٹکس نیٹ ورک کے ایک اہم ستون کے طور پر ابھر رہی ہیں، جو سڑکوں اور ریلوے پر بھیڑ کو کم کر رہی  ہیں، لاجسٹکس کے اخراجات کم کر رہی ہیں اور ملک بھر میں پائیدار ترقی کو فروغ دے رہی ہیں۔‘‘

دریا پر مبنی لاجسٹکس کو مضبوط بنانے اور پائیدار اندرون ملک آبی نقل و حمل کو فروغ دینے کے لیے 552 کروڑ روپے کے منصوبے بندرگاہوں اور اندرون ملک آبی گزرگاہوں کے شعبے کے تحت شروع کیے گئے، جو روایتی کارگو راستوں کی بھیڑ کم کرنے اور ملٹی موڈل کنیکٹیویٹی کو بڑھانے کی طرف ایک اہم قدم ہے۔

ایک اہم بات بالاگرہ میں توسیعی پورٹ گیٹ سسٹم کا افتتاح تھا، جو سیاما پرساد مکھرجی پورٹ اتھارٹی (SMPA) نے تیار کیا تھا۔ کولکتہ سے تقریباً 45 ناٹیکل میل اوپر واقع، یہ سہولت کولکتہ ڈاک سسٹم میں بھیڑ کو کم کرنے کے ساتھ ساتھ اندرون ملکآبی گزرگاہوں کے ذریعے کارگو کی مؤثر نقل و حرکت کو ممکن بنانے کے لیے رکھی گئی ہے۔

بالاگار کی سہولت میں ایک جدید بارج ٹرمینل شامل ہے جس میں دو برتھ ہیں جو کنٹینرائزڈ اور کوئلے کے کارگو کو سنبھالنے کی صلاحیت رکھتے ہیں، جس کی متوقع صلاحیت سالانہ 2.7 ملین ٹن ہے۔ یہ ٹرمینل نیشنل واٹر وے-1 (گنگا–بھاگیراتی– ہگلی) کے ساتھ بغیر کسی رکاوٹ کے مربوط ہے اور سڑک اور ریل کنیکٹیویٹی کی مدد سے مشرقی خطے میں ملٹی موڈل لاجسٹکس کو مضبوط کرتا ہے۔

سائٹ پر معاون انفراسٹرکچر میں نیا تعمیر شدہ روڈ اوور برج اور جدید ڈریجنگ سہولیات شامل ہیں، جو سال بھر بغیر تعطل نیویگیشن اور مال بردار جہازوں کے لیے بہتر ٹرن اراؤنڈ ٹائم کو ممکن بناتی ہیں۔

صاف ستھرے نقل و حمل کے منصوبے کے تحت، وزیر اعظم نے 50 مسافروں کے لیے ایک ہائبرڈ الیکٹرک ایلومینیم کیٹاماران بھی لانچ کیا، جو سبز اندرون ملک پانی کی نقل و حمل کی طرف منتقلی میں ایک اہم سنگ میل ہے۔  12 کروڑ کی لاگت سے تیار کیا گیا، یہ جہاز جدید لیتھیم-ٹائٹینیٹ بیٹری ٹیکنالوجی سے چلتا ہے، جو کولکتہ کے اندرون ملکآبی گزرگاہوں پر مسافروں کی نقل و حمل کے لیے توانائی کی بچت اور ماحولیاتی طور پر پائیدار آپشن فراہم کرے گا۔

جناب سونووال نے مزید کہا’’مغربی بنگال ہمیشہ بھارت کی سمندری تجارت کا دروازہ رہا ہے، اور وزیر اعظم مودی جی کی قیادت میں یہ ریاست ایک بار پھر مشرقی بھارت کے لیے ترقی کے انجن کے طور پر ابھر رہی ہے۔ مضبوط بندرگاہوں، اندرون ملک آبی گزرگاہوں اور ریلوے کنیکٹیویٹی کے ساتھ، بنگال ملک کے باقی حصے اور شمال مشرق کے درمیان ایک اہم رابطہ بنتا جا رہا ہے، جو وزیر اعظم کے اس وژن کو مضبوط کرتا ہے کہ مشرقی بھارت کو بھارت کی اگلی ترقی کے سفر کا مرکز بنایا جائے۔‘‘

یہ اقدامات حکومت کے وسیع تر وژن کے ساتھ ہم آہنگ ہیں جس میں اندرون ملک آبی گزرگاہوں کو ایک کم لاگت، ماحول دوست اور قابل اعتماد نقل و حمل کے ذریعہ کے طور پر استعمال کیا جا رہا ہے، جبکہ بندرگاہ کی قیادت میں ترقی کو بہتر بنایا جا رہا ہے اور سڑکوں اور ریل نیٹ ورکس پر دباؤ کم کیا جا رہا ہے۔

ریل کنیکٹیویٹی کو مضبوط کرتے ہوئے، وزیر اعظم نے 280 کروڑ روپے مالیت کے ریلوے انفراسٹرکچر منصوبوں کا افتتاح کیا اور علاقائی اور طویل فاصلے کے سفر کو بہتر بنانے کے لیے نئی مسافر خدمات کا افتتاح کیا۔ اہم اقدامات میں 15 کلومیٹر کے جے رمبتی–باروگوپیناتھ پور–میناپور ریلوے سیکشن کا آغاز، جو 83 کلومیٹر تارکیشور–بشنوپور ریلوے منصوبے کا حصہ ہے،  شامل تھا، جس سے بنکورا ضلع میں سماجی و اقتصادی ترقی کی توقع ہے۔ جے رمبتی اور میناپور کے درمیان ایک نئی مسافر ٹرین بھی روانہ کی گئی، جس سے روزانہ کے مسافروں اور طلبا کو فائدہ ہوگا۔ اس کے علاوہ، قومی رابطے کو بہتر بنانے کے لیے تین امرت بھارت ایکسپریس سروسز شروع کی گئی

ں — جو سنتراگچی کو تمبرم سے، ہاورہ کو آنند وہار ٹرمینل سے، اور سیالدہ کو بنارس سے جوڑتی ہیں — یہ ملک بھر میں معاشی، ثقافتی اور مذہبی راہداریوں کو مضبوط کریں گی۔

افتتاح، جو سنگور سے ورچوئل طور پر منعقد ہوا، بھارت سرکار کی مغربی بنگال اور مشرقی خطے میں لاجسٹکس، نقل و حمل اور علاقائی رابطے کو مضبوط بنانے کے عزم کا غماز ہے۔ مغربی بنگال کے گورنر جناب سی وی آنند بوس، مرکزی وزراء جناب سربانند سونووال، جناب شانتنو ٹھاکر، جناب سکنتا مجمدار سمیت دیگر معززین اس تقریب میں موجود تھے۔

یہ منصوبے مودی حکومت کے انفراسٹرکچر کی ترقی کے لیے مربوط اور مستقبل پر مبنی نقطہ نظر کے غماز ہیں، جو پائیدار اندرون ملک آبی نقل و حمل کو جدید ریل کنیکٹیویٹی کے ساتھ جوڑتے ہیں۔ مل کر، ان سے توقع کی جاتی ہے کہ وہ لاجسٹکس کے اخراجات کو کم کریں گے، بھیڑ کو کم کریں گے، مسافروں کی نقل و حرکت کو بہتر بنائیں گے اور مغربی بنگال کے بھارت کے مین لینڈ اور شمال مشرقی خطے کے درمیان تجارت اور رابطے کے لیے ایک اہم گیٹ وے کے طور پر کردار کو مضبوط کریں گے۔

 

***

(ش ح – ع ا)

U. No. 743

(रिलीज़ आईडी: 2215890) आगंतुक पटल : 9