چار رکنی بھارتی وفد، جس کی قیادت سکریٹری (دفاعی پیداوار) شری سنجیو کمار کریں گے، 19 سے 21 جنوری 2026 تک کینیا کے سرکاری دورے پر ہوگا۔ سکریٹری (دفاعی پیداوار) 19 جنوری 2026 کو نیروبی میں منعقد ہونے والی برانڈ انڈیا اسکیم کے تحت محکمۂ دفاعی پیداوار کے زیرِ اہتمام تیسری بھارت–کینیا دفاعی نمائش و سیمینار میں بھارت کے دفاعی مینوفیکچرنگ اور برآمدی نظامِ کار کی نمائندگی کریں گے۔

اس پروگرام میں سرکاری اور نجی شعبے کی 20 بھارتی دفاعی کمپنیوں کی شرکت متوقع ہے، جو دفاعی مصنوعات اور خدمات کی ایک وسیع رینج کی نمائش کریں گی۔ کینیا میں بھارت کے ہائی کمشنر ڈاکٹر آدرش سوائیکا بھی اس تقریب میں شرکت کریں گے۔ یہ دورہ دفاعی صنعتی تعاون اور برآمدات کو مستحکم بنانے کے لیے حکومتِ ہند کے وژن کی عکاسی کرتا ہے۔

دورے کے دوران سکریٹری (دفاعی پیداوار) حکومتِ کینیا اور کینیا ڈیفنس فورسز کے عہدیداروں سے ملاقاتیں بھی کریں گے۔ دو طرفہ ملاقاتوں کا محور بھارت کی مقامی دفاعی مینوفیکچرنگ صلاحیتوں کو فروغ دینا اور باہمی تعاون کے مواقع تلاش کرنا ہوگا۔

 

***

UR-725

(ش ح۔اس ک  )

(रिलीज़ आईडी: 2215708) आगंतुक पटल : 10