نئی دہلی، 14 جنوری 2026: سائنسی اور صنعتی ریسرچ کی کونسل – سائنسی مواصلات اور پالیسی ریسرچ کے قومی انسٹی ٹیوٹ (سی ایس آئی آر–این آئی ایس سی پی آر) نے اپنا پانچواں یومِ تاسیس منایا۔ اس موقع پر این آئی ایس سی پی آر کے علاقائی زبانوں میں ابلاغ کے لیے مصنوعی ذہانت (اے آئی) کے استعمال اور عالمی سطح پر بھارت کی سائنس پالیسی تحقیق کو آگے بڑھانے کے عزم کو اجاگر کیا گیا۔

 

ڈاکٹر گیتھا وانی رایاسم، ڈائریکٹر، سی ایس آئی آر–این آئی ایس سی پی آر نے اپنے استقبالیہ خطاب میں ادارے کی مضبوط سائنسی ابلاغی وراثت کو اجاگر کیا۔ انہوں نے کہا:“ہمیں عالمی اداروں کے ساتھ اشتراک بڑھانے کی ضرورت ہے۔ ہم اس بات پر کام کر رہے ہیں کہ علاقائی زبانوں میں ابلاغ کے لیے مصنوعی ذہانت (اے آئی) سے کس طرح فائدہ اٹھایا جائے۔”

ڈاکٹر وشواجنانِی جے۔ ستیگیری، سربراہ، سی ایس آئی آر–روایتی علم ڈیجیٹل لائبریری (ٹی کے ڈی ایل) یونٹ نے ٹی کے ڈی ایل کی عالمی سطح پر شناخت پر زور دیا۔ انہوں نے مزید کہا:“روایتی علم نہایت اہم ہے، اور ہم واحد لیبارٹری ہیں جو روایتی علم کی توثیق کرتی ہے۔ این آئی ایس سی پی آر میں پالیسی تحقیق کے بے پناہ امکانات ہیں—اس سے قبل ہماری پالیسی دستاویز کا اجرا بھارت کے سابق صدر جمہوریہ نے کیا تھا۔ اب ٹی کے ڈی ایل مکمل طور پر ڈیجیٹل ہو چکی ہے، جس سے ہم مزید مؤثر اور متعلقہ تحقیقی ذرائع پر کام کر سکتے ہیں۔”

ڈاکٹر شیوکمار کلیانارمن، سی ای او، اے این آر ایف، سی ایس آئی آر- این آئی ایس سی پی آر کے یوم تاسیس کے پروگرام میں خطاب دیتے ہوئے

 

اس تقریب میں مہمانِ خصوصی ڈاکٹر شیو کمار کلیانارمن، سی ای او، انوسندھان نیشنل ریسرچ فاؤنڈیشن (اے این آر ایف)، حکومتِ ہند کے ایک خصوصی خطبے کو بھی شامل کیا گیا۔ انہوں نے این آئی ایس سی پی آر کی اُس ہم آہنگی کو سراہا جو بھارت کو تحقیق اور اختراع کی ایک طاقتور عالمی قوت بنانے کے اے این آر ایف کے وژن سے مطابقت رکھتی ہے۔ انہوں نے کہا:“میں این آئی ایس سی پی آر کے عالمی سطح پر جانے کے تصور کی تعریف کرتا ہوں—ہمیں عالمی سوچ اپنانی ہوگی۔ این آئی ایس سی پی آر سماجی مسائل کے حل کے لیے پالیسی کو استعمال کرتا ہے، اور ہمیں عالمی معیار کا بننا ہوگا؛ ادارے میں اس کی بھرپور صلاحیت موجود ہے۔ ہمارے سائنس دانوں اور انجینئروں کو اے آئی ماہرین کے ساتھ مل کر کام کرنا چاہیے، اور ہم نئے اور اختراعی فارمیٹس کی راہ ہموار کرنے کے لیے این آئی ایس سی پی آر کے ساتھ شراکت داری کر سکتے ہیں۔”

ڈاکٹر کلیانارمن نے این آئی ایس سی پی آر کو تحقیق کو سادہ بنانے اور سوشل میڈیا کے ذریعے اثر پذیری بڑھانے کے لیے اے این آر ایف کے سارل اے آئی ٹول کے استعمال کی بھی دعوت دی۔

اسی موقع پر مہمانِ خصوصی ڈاکٹر شیو کمار کلیانارمن، سی ای او، اے این آر ایف کے ہاتھوں سواستک ویب پورٹل کا افتتاح کیا گیا۔ سواستک (سائنسی طور پر مستند سماجی روایتی علم) ایک قومی اقدام ہے، جسے سی ایس آئی آر–این آئی ایس سی پی آر نے معزز وزیر اعظم جناب نریندر مودی کی پُرزور اپیل پر نافذ کیا ہے۔ اس کا مقصد بھارت کے سائنسی طور پر توثیق شدہ روایتی علم کو سماج تک مؤثر انداز میں پہنچانا ہے۔ اس کی اشاعت سواستک چینلوں کے ذریعے انگریزی اور 19 بھارتی زبانوں کے علاوہ 5 غیر ملکی زبانوں میں کی جا رہی ہے۔

یہ ویب پورٹل نہ صرف سواستک کے تمام مواد تک ایک ہی جگہ رسائی فراہم کرے گا بلکہ بھارت کے سائنسی طور پر مستند روایتی علم کے حوالے سے مختلف شراکت داروں تک رسائی، دستیابی اور مسلسل رابطے کو بھی مضبوط بنائے گا۔

این آئی ایس سی پی آر کے پی ایچ ڈی طلباء اور ایس اینڈ ٹی پروجیکٹ کا عملہ پوسٹر پریزنٹیشن سیشن کے دوران اپنے مطالعے کی وضاحت کرتے ہوئے

 

ڈاکٹر کنیکا ملک، سینئر پرنسپل سائنس دان اور سی ایس آئی آر–این آئی ایس سی پی آر فاؤنڈیشن ڈے پروگرام کی چیئرپرسن نے اظہارِ تشکر پیش کیا۔ پروگرام میں سی ایس آئی آر–این آئی ایس سی پی آر کے پی ایچ ڈی طلبہ اور سائنس و ٹیکنالوجی (ایس اینڈ ٹی) منصوبوں کے عملے کی جانب سے پوسٹر پریزنٹیشنز بھی شامل تھیں۔

سی ایس آئی آر–این آئی ایس سی پی آر سائنسی ابلاغ، پالیسی تحقیق اور روایتی علم کی توثیق میں مسلسل پیش رفت کر رہا ہے، اور اس طرح بھارت کو عالمی سطح پر اختراع اور جدت کا ایک نمایاں رہنما بنانے میں اپنا کردار ادا کر رہا ہے۔

 

************

 

ش ح ۔   م  د ۔  م  ص

(U :  594  )

(रिलीज़ आईडी: 2214730) आगंतुक पटल : 4