ای-کمیٹی ، سپریم کورٹ آف انڈیا کی طرف سے فراہم کردہ معلومات کے مطابق ، ای-کورٹس پروجیکٹ کے تحت تیار کردہ ای-کورٹس سافٹ ویئر ایپلی کیشنز میں مصنوعی ذہانت (اے آئی) اور اس کے ذیلی آلات مشین لرننگ (ایم ایل) آپٹیکل کیریکٹر ریکگنیشن (او سی آر) نیچرل لینگویج پروسیسنگ (این ایل پی) جیسی جدید ترین ٹیکنالوجیز کا استعمال کیا جا رہا ہے ۔ مصنوعی ذہانت (اے آئی) کو ترجمہ، پیش گوئی اور اندازہ لگانے جیسے شعبوں میں شامل کیا جا رہا ہے، جس سے انتظامی کارکردگی میں بہتری آ رہی ہے۔ اس کے علاوہ خودکار فائلنگ، انٹیلی جینٹس شیڈولنگ، کیس انفارمیشن سسٹم کو بہتر بنانے اور چیٹ بوٹس کے ذریعے فریقین سے رابطے جیسے امور میں بھی مصنوعی ذہانت کا استعمال کیا جا رہا ہے۔

ججوں کو قانونی تحقیق ، دستاویز کے تجزیے اور عدالتی فیصلے کی حمایت میں مدد کرنے کے لیے ای کمیٹی ، سپریم کورٹ آف انڈیا کی رہنمائی میں لیگل ریسرچ اینالیسس اسسٹنٹ (لیگ آر اے اے) کے نام سے ایک مصنوعی ذہانت پر مبنی سافٹ ویئر ٹول تیار کیا گیا ہے ۔  اس کے علاوہ ، ڈیجیٹل کورٹس 2.1 ایپلی کیشن کو عدالتی افسران کی مدد کے لیے تیار کیا گیا ہے تاکہ انٹیگریٹڈ ججمنٹ ڈیٹا بیس ، اینوٹیشن کے ساتھ ڈاکیومنٹ مینجمنٹ اور خودکار ڈرافٹنگ ٹیمپلیٹس تک رسائی فراہم کی جا سکے ۔  ڈیجیٹل عدالتیں 2.1 حکم اور فیصلہ سنانے میں ججوں کی مدد کرنے کے لیے وائس ٹو ٹیکسٹ فیچر (اے ایس آر-شروتی) اور ٹرانسلیشن (پانینی) سے لیس ہیں ۔

سپریم کورٹ نے آئی آئی ٹی مدراس کے ساتھ مل کر نقائص کی شناخت کے لیے الیکٹرانک فائلنگ سافٹ ویئر کے ساتھ مربوط اے آئی اور ایم ایل پر مبنی ٹولز تیار اور تعینات کیے ہیں ۔  نقائص کو دور کرنے کے لیے اے آئی اور ایم ایل ٹولز کے پروٹو ٹائپ ، میٹا ڈیٹا نکالنے اور الیکٹرانک فائلنگ ماڈیول اور کیس مینجمنٹ سافٹ ویئر کے ساتھ انضمام ، یعنی انٹیگریٹڈ کیس مینجمنٹ اینڈ انفارمیشن سسٹم (آئی سی ایم آئی ایس) کی جانچ جاری ہے ۔ اس کے علاوہ اے آئی پر مبنی ٹول یعنی سپریم کورٹ پورٹل اسسٹنس ان کورٹ ایفیشنسی (ایس یو پی اے سی ای) ترقی کے تجرباتی مرحلے میں ہے ۔  اس ٹول کا مقصد معاملات کی شناخت کے علاوہ مثالوں کی سمجھ پر مبنی تلاش کے ساتھ معاملات کے حقائق پر مبنی میٹرکس کو سمجھنے کے لیے ایک ماڈیول تیار کرنا ہے۔

اے آئی پر مبنی حل کا موجودہ دائرہ کار ذمہ دارانہ ، محفوظ اور عملی طور پر اپنائے جانے کو یقینی بنانے کے مقصد سے کنٹرول شدہ تجرباتی تعیناتی تک محدود ہے،  جب کہ ای-کمیٹی ، سپریم کورٹ آف انڈیا ، ان تجرباتی اقدامات کا جائزہ لینے کے عمل میں ہے ، اس سلسلے میں آپریشنل فریم ورک کی تشکیل اور ضابطے متعلقہ ہائی کورٹس کے کاروبار کے قواعد اور پالیسیوں کے تحت ہوں گے ۔

عدالتی عمل کو زیادہ شفاف ، بروقت اور قابل رسائی بنانے کے لیے ای-کورٹس پروجیکٹ کے فیز3 کے تحت کچھ کامیابیاں درج ذیل ہیں:

 

1. 99.5 فیصد کورٹ کمپلیکس کو وائیڈ ایریا نیٹ ورک سے منسلک کیا گیا ہے جس کی بینڈوتھ اسپیڈ 10 ایم بی پی ایس سے لے کر 100 ایم بی پی ایس تک ہے ۔
2. کیس انفارمیشن سسٹم (سی آئی ایس) 4.0 کو تمام عدالتوں میں  یکساں طور پر اپنائے جانےکے لئے آن لائن شائع یوزر مینوئل کے ساتھ نافذ کیا جاتا ہے۔
3. ریئل ٹائم ڈیجیٹل خدمات میں نمایاں توسیع ہوئی ہے ، جس میں روزانہ 4 لاکھ سے زیادہ ایس ایم ایس اور 6 لاکھ سے زیادہ ای میلز جاری کیے جاتے ہیں اور ای-کورٹس پورٹل پر روزانہ 35 لاکھ ہٹ ہوتے ہیں ۔  عدالتوں نے مدعیوں اور وکلاء کو 14 کروڑ سے زیادہ ایس ایم ایس بھیجے ہیں ۔
4. 30.09.2025 تک 29 ورچوئل عدالتیں قائم کی گئی ہیں ۔  ان ورچوئل عدالتوں کو 8.96 کروڑ چالان موصول ہوئے ہیں ، جن میں سے 7.84 کروڑ چالان کا نپٹارا کردیاگیا ہے اور 895.59 کروڑ روپے کے 86.59 لاکھ چالان  کی ادائیگی کی جاچکی ہے۔
5. ای-کورٹس سروسز موبائل ایپ (3.38 کروڑ ڈاؤن لوڈ) وکلاء اور مدعیوں کو کیس کی صورتحال ، کاز لسٹ وغیرہ کے بارے میں متعلقہ معلومات فراہم کرتا ہے ۔
6. جسٹ آئی ایس ایپ (21,955 ڈاؤن لوڈ) ججوں کے لیے ایک انتظامی ٹول ہے جو انہیں اپنے عدالتی کاروبار کو مؤثر طریقے سے منظم کرنے اور نگرانی کرنے میں مدد کرتا ہے ۔
7. ہائی کورٹس اور ضلعی عدالتوں نے پہلے ہی عدالتی ریکارڈ کو ڈیجیٹلائزڈ کرلیا ہے جس میں بالترتیب 224.66 کروڑ صفحات اور 354.87 کروڑ صفحات شامل ہیں ۔
8. 3240 عدالتوں اور 1272 جیلوں میں ویڈیو کانفرنسنگ کی سہولیات دستیاب ہیں  اور 30.09.2025 تک 3.81 کروڑ مقدمات کی آن لائن سماعت کی جا چکی ہے ۔
9. 11 ہائی کورٹس میں عدالتی کارروائی کی لائیو اسٹریمننگ چل رہی ہے ۔
10. 5, 187 عدالتی ادارے ای فائلنگ پورٹل پر فعال ہیں ، جن میں سے 92.08 لاکھ مقدمات 30.09.2025 تک ای فائل کیے گئے ہیں ۔
11. ای-پیمنٹ سسٹم نے  1,215.98  کروڑ روپے کی عدالتی فیس کے 49.2 لاکھ ٹرانزیکشنز اور 61.97 کروڑ  روپےکے جرمانے کے 4.86 لاکھ ٹرانزیکشنز پر کارروائی کی ہے ۔
12. عدالتوں نے ای کورٹس پروجیکٹ کے تحت دستیاب آن لائن خدمات کے حوالے سے مدعیوں اور وکلاء کو سہولت فراہم کرنے کے لیے 1,987 ای سیوا کیندروں کو فعال کیا ہے ۔
13. نیشنل سروس اینڈ ٹریکنگ آف الیکٹرانکس پروسیسز (این ایس ٹی ای پی) نظام کے تحت عدالتوں نے 6.21 کروڑ ای-پروسیسز پر کارروائی کی ہے ، جن میں سے 1.61 کروڑ ای-پروسیسز کو کامیابی سے ڈیلیور کیا جا چکا ہے ۔
14. ججمنٹ سرچ پورٹل پر 1.69 کروڑ فیصلے موجود ہیں۔

• xv. ’ایس3واس‘ پلیٹ فارم پر 730 ڈسٹرکٹ کورٹ ویب سائٹس کی موجودگی ہے ، جو محفوظ اور قابل رسائی ویب انفرااسٹرکچر کو یقینی بناتا ہے ۔

16. عدالتوں کو پیپر لیس بنانے کے لیے تیار کردہ ڈیجیٹل کورٹس 2.1 ایپلی کیشن کی پائلٹ ٹیسٹنگ کا کام شروع کر دیا گیا ہے ۔
17. نیشنل جوڈیشل ڈیٹا گرڈ (این جے ڈی جی) پورٹل عدالتوں میں کیس مینجمنٹ اور عدالتی کارکردگی کی ریئل ٹائم نگرانی کے لیے بنیادی پلیٹ فارم کے طور پر کام کرتا ہے ۔

اس کے علاوہ ، ملزم افراد ، گواہوں ، پولیس اہلکاروں ، استغاثہ ، سائنسی ماہرین ، قیدیوں وغیرہ کی ورچوئل پیشی اور گواہی کی سہولت کے لیے انٹر آپریبل کرمنل جسٹس سسٹم (آئی سی جے ایس) کے تحت 2024 میں نیائےشروتی ایپ لانچ کیا گیا ہے ۔ ویڈیو کانفرنسنگ کے ذریعے ، معاملات کے حل میں تیزی آتی ہے، نیز وقت اور وسائل دونوں کی بچت ہوتی ہے ۔  اس کے علاوہ ، درستگی اور شفافیت کو بڑھانے کے لیے ای ساکشیہ ڈیجیٹل پلیٹ فارم پرگواہی کی ڈیجیٹل ریکارڈنگ کی سہولت متعارف کرائی گئی ہے ۔  عدالتی نوٹسوں اور سمن کے تیز تر اور زیادہ قابل اعتماد مواصلات کے لیے ای-سمن پلیٹ فارم متعارف کرایا گیا ہے ۔

یہ معلومات آج راجیہ سبھا میں قانون اور انصاف کی وزارت کے وزیر مملکت (آزادانہ چارج) اور پارلیمانی امور کی وزارت میں وزیر مملکت جناب ارجن رام میگھوال نے فراہم کیں ۔

******

 (ش ح –م م – ص ج)

U.No:577

(ریلیز آئی ڈی: 2214554) وزیٹر کاؤنٹر : 25