زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان گجرات کے بھاو نگر ضلع کے پالیتانہ تعلقہ کے ہنول گاؤں میں منعقد ہونے والے ’آتم نربھر ہنول مہوتسو-2026‘میں شرکت کے لیے 13 جنوری ، منگل کو گجرات کا دورہ کریں گے۔ یہ گاؤں مرکزی وزیر ڈاکٹر من سکھ مانڈویہ کی مسلسل کوششوں کے ذریعے محترم باپو کے ’گرام سوراج‘ کے وژن اور وزیر اعظم جناب نریندر مودی جی کے ’آدرش گرام‘ کے عزم کی زندہ مثال کے طور پر ابھرا ہے ۔

ڈاکٹر منسکھ مانڈویہ کا ہنول کے ساتھ گہرا روحانی اور ذاتی تعلق ہے ، کیونکہ یہ ان کی جائے پیدائش ہے ۔ انہوں نے یہاں ترقیاتی کاموں کا مسلسل جائزہ لیا اور گاؤں کو ایک ماڈل گاؤں کے طور پر تیار کیا ۔ ڈاکٹر مانڈویہ کی رہنمائی میں وزیر اعظم جناب نریندر مودی کے ’ڈریم ولیج‘ کے وژن کو پورا کرنے کے لیے بنیادی سہولیات ، صفائی ستھرائی ، تعلیم ، صحت ، زراعت اور دیہی صنعتوں کے شعبوں میں متعدد اختراعی منصوبے نافذ کیے گئے ہیں۔

مرکزی وزیر جناب شیوراج سنگھ چوہان کا یہ دورہ ڈاکٹر مانڈویہ کے تیار کردہ ہنول ماڈل کو ملک بھر میں خود کفیل اور مثالی گاؤں کے طور پر فروغ دینے کے مشترکہ عزم کو تقویت بخشے گا۔ دونوں مرکزی وزراء ہنول کو گرام سوراج ، عوامی شرکت اور خود انحصاری کی ایک متاثر کن مثال کے طور پر دیکھتے ہیں ، جو دیہی ہندوستان کی ترقی کے لیے ایک نئی سمت طے کر سکتا ہے ۔

آتم نربھر ہنول مہوتسو-2026 کے دوران ، جناب چوہان کسانوں ، خواتین کے سیلف ہیلپ گروپوں ، نوجوانوں اور مقامی نمائندوں کے ساتھ بات چیت کریں گے تاکہ قومی سطح پر ہنول کے تجربات کو شیئر کرنے کے فریم ورک پر تبادلہ خیال کیا جا سکے ۔ اس پروگرام میں ڈاکٹر منسکھ مانڈویہ اور دیگر معزز مہمانوں کی موجودگی میں دیہی ترقی، زرعی اختراع، آتم نربھر گاؤں کی معیشت اور سماجی طور پر تفویض  اختیار ات سے متعلق سیشن اور سرگرمیاں پیش کی جائیں گی ۔

طے شدہ پروگرام کے مطابق ، جناب شیوراج سنگھ چوہان 13 جنوری کو دہلی سے احمد آباد روانہ ہوں گے اور وہاں سے ہیلی کاپٹر کے ذریعے ہنول گاؤں پہنچیں گے۔ دوپہر سے شام تک وہ آتم نربھر ہنول مہوتسو-2026 کے مختلف پروگراموں، نمائشوں میں شرکت کریں گے اور مقامی برادری کے ساتھ بات چیت کریں گے ۔

*************

 

ش ح ۔ ا ک۔ ر ب

U. No.511

 

(रिलीज़ आईडी: 2214131) आगंतुक पटल : 4