زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان 13 جنوری،بروز منگل  گجرات کے بھاؤ نگر ضلع کے پالیتانہ تعلقہ کے ہنول گاؤں میں منعقد ہونے والے ‘‘آتم نر بھر ہنول مہوتسو-2026’’  میں شرکت کے لیے گجرات کا دورہ کریں گے۔ یہ گاؤں قابل احترام باپو کے ‘گرام سوراج’ کے وژن اور مرکزی وزیر ڈاکٹر منسکھ مانڈویہ کی مسلسل کوششوں کے ذریعے ‘آدرش گرام’ کے لیے وزیر اعظم جناب نریندر مودی جی کے عزم کی زندہ مثال کے طور پر ابھرا ہے۔

ڈاکٹر منسکھ مانڈویہ کا ہنول سے گہرا روحانی اور ذاتی تعلق ہے، کیونکہ یہ ان کی جائے پیدائش ہے۔ انہوں نے یہاں کے ترقیاتی کاموں کا مسلسل جائزہ لیا اور گاؤں کو ایک ماڈل گاؤں  کی شکل میں ترقی دی ۔ ڈاکٹر مانڈویہ کی رہنمائی میں، وزیر اعظم جناب نریندر مودی کے ‘ڈریم ولیج’ ویژن کو عملی جامہ پہنانے کے لیے بنیادی سہولیات، صفائی ستھرائی، تعلیم، صحت، زراعت اور دیہی صنعتوں کے شعبوں میں متعدد اختراعی منصوبے نافذ کیے گئے ہیں۔

مرکزی وزیر جناب شیوراج سنگھ چوہان کا یہ دورہ ڈاکٹر مانڈویہ کے ذریعہ تیار کردہ ہنول ماڈل کو ملک بھر میں خود انحصاری اور مثالی گاؤں کے طور پر فروغ دینے کے مشترکہ عزم کو مضبوط کرے گا۔ دونوں مرکزی وزراء ہنول کو گرام سوراج، عوامی شراکت اور خود انحصاری کی ایک متاثر کن مثال کے طور پر دیکھتے ہیں، جو دیہی ہندوستان کی ترقی کے لیے ایک نئی سمت کا تعین کر سکتی ہے۔

آتم نربھر  ہنول مہوتسو-2026 کے دوران، جناب  چوہان کسانوں، خواتین کے سیلف ہیلپ گروپس، نوجوانوں اور مقامی نمائندوں کے ساتھ بات چیت میں حصہ لیں گے تاکہ قومی سطح پر ہنول کے تجربات اور مشاہدات کومشترک کرنے کے فریم ورک پر تبادلۂ خیال کیا جا سکے۔ اس پروگرام میں ڈاکٹر منسکھ مانڈویہ اور دیگر معزز مہمانوں کی موجودگی میں دیہی ترقی، زرعی اختراع، آتم نربھر گاؤں کی معیشت اور سماجی تفویض اختیارات  سے متعلق سیشن اور سرگرمیاں پیش کی جائیں گی۔

طے شدہ پروگرام کے مطابق، جناب شیوراج سنگھ چوہان 13 جنوری کو دہلی سے احمد آباد کے لیے روانہ ہوں گے اور وہاں سے ہیلی کاپٹر کے ذریعے ہنول گاؤں پہنچیں گے۔ دوپہر سے شام تک، وہ آتم نربھرہنول مہوتسو-2026 کے مختلف پروگراموں، نمائشوں میں حصہ لیں گے اور مقامی کمیونٹی کے ساتھ بات چیت کریں گے۔

***

 ش ح۔ م م۔ ج ا

U.No. 496

(रिलीज़ आईडी: 2214036) आगंतुक पटल : 9