کیمیائی صنعتوں اور کھاد کی وزارت: کھاد سے متعلق محکمہ
حکومت نے 2025 میں ریکارڈ 73 فیصد گھریلو فراہمی کے ساتھ کھاد کی سیکورٹی کو فروغ دیا
آتم نربھر بھارت مہم کے تحت ریکارڈ گھریلو پیداوار کے ساتھ کھاد کی سیکورٹی کو مزید مضبوط کیا گیا
प्रविष्टि तिथि:
09 JAN 2026 4:44PM by PIB Delhi
آتم نربھر بھارت کے وژن کو مضبوط کرتے ہوئے، حکومت ہند نے ملک کی کھاد کی درآمدات پر انحصار میں نمایاں کمی کی ہے۔ سال 2025 میں ملک کی کل کھاد کی ضرورت کا تقریباً 73 فیصد گھریلو پیداوار کے ذریعے پورا کیا گیا، جو خود کفالت کے حصول میں ایک اہم سنگ میل کی نمائندگی کرتا ہے۔ حکومت مسلسل محنت کر رہی ہے تاکہ کسانوں کو بااختیار بنایا جا سکے، خود کفالت کو فروغ دیا جا سکے اور ملک بھر میں کھاد کی قابل اعتماد اور بلا تعطل فراہمی کو یقینی بنایا جا سکے۔
کھاد کی سیکورٹی اور کسانوں تک غذائی اجزاء کی بروقت دستیابی پر مضبوط توجہ کے ساتھ، حکومت نے اہم خام مال کے لیے طویل مدتی سپلائی معاہدوں کو ترجیح دی ہے اور غیر یقینی عالمی صورتحال اور سپلائی میں خلل سے بچاؤ کے لیے حکمت عملی کے طور پر اسٹریٹجک تنوع اپنانے کو اہمیت دی ہے۔
ان مسلسل کوششوں کے نتیجے میں پچھلے پانچ سالوں کے دوران گھریلو کھاد کی پیداوار میں مسلسل اور مستحکم اضافہ دیکھنے میں آیا ہے۔ یوریا، ڈی اے پی، این پی کے اور ایس ایس پی سمیت کھاد کی کل گھریلو پیداوار 2021 میں 433.29 لاکھ ٹن سے بڑھ کر 2022 میں 467.87 لاکھ ٹن ہو گئی، جس کے بعد 2023 میں نمایاں اضافہ دیکھنے میں آیا اور پیداوار 507.93 لاکھ ٹن تک پہنچ گئی۔ یہ بڑھتے ہوئے رجحان 2024 میں بھی جاری رہے، جب پیداوار 509.57 لاکھ ٹن رہی، اور 2025 میں مزید تیز رفتار سے بڑھ کر اب تک کی بلند ترین سطح 524.62 لاکھ ٹن تک پہنچ گئی ہے۔ یہ مسلسل ترقی بھارت کے کھاد سازی کے ماحولیاتی نظام کی مضبوطی اور حکومت کی مداخلت کے موثر ہونے کی عکاسی کرتی ہے۔ یہ تاریخی کامیابی حکومت کی فعال اور مؤثر پالیسی اقدامات کا براہِ راست نتیجہ ہے، جس کا مقصد کھاد کے شعبے کو مضبوط بنانا اور زرعی معیشت کی حمایت کرنا ہے۔
گھریلو پیداوار میں اضافہ نئے کھاد کے پلانٹس کے قیام، پہلے بند شدہ یونٹس کی بحالی، ملکی مینوفیکچرنگ کو فروغ دینے، اور خام مال کی دستیابی کو یقینی بنانے سے ممکن ہوا ہے۔ ان اقدامات نے مجموعی طور پر کھاد کی صنعت کی مضبوطی، پیداوار کی صلاحیت اور پائیداری کو تقویت دی ہے۔
حکومت کھاد کی سیکورٹی کو مزید مستحکم کرنے، کسانوں کو بروقت اور سستے کھاد کی فراہمی کو یقینی بنانے اور آتم نربھر بھارت کے وژن کے مطابق زرعی ترقی کو پائیدار بنانے کے لیے پرعزم ہے۔
‘بھارت نے 2025 میں کھاد کی پیداوار کی بلند ترین سطح حاصل کی’
*********
ش ح۔ش ت ۔م الف
U. No-370
(रिलीज़ आईडी: 2212990)
आगंतुक पटल : 14