پی ایچ ڈی چیمبر آف کامرس اینڈ انڈسٹری (پی ایچ ڈی سی سی آئی) نے ہوٹل مینجمنٹ اینڈ کلنری آرٹس کی فیکلٹی، ڈاکٹر ایم جی آر ایجوکیشنل اینڈ ریسرچ انسٹی ٹیوٹ، چنئی میں نیشنل ینگ شیف کمپیٹیشن (این وائی سی سی) کے ساؤتھ زون راؤنڈ کا انعقاد کیا، جس میں جنوبی ہندوستان کے معروف ہوٹل مینجمنٹ انسٹی ٹیوٹ کے اعلیٰ صلاحیت کے حامل طلباء کو اکٹھا کیا گیا۔

سیاحت کی وزارت، حکومت ہند کے اشتراک سے منظم؛ انڈین فیڈریشن آف کلنری ایسوسی ایشنز (آئی ایف سی اے)؛ اور ٹورازم اینڈ ہاسپیٹلیٹی اسکل کونسل (ٹی ایچ ایس سی)، ساؤتھ زون راؤنڈ نے علاقائی روایات میں جڑے رہتے ہوئے، نوجوان طباخوں کو عصری تکنیکوں کا استعمال کرتے ہوئے کلاسیکی ہندوستانی ذائقوں کی دوبارہ تشریح کرنے کی ترغیب دے کر این وائی سی سی کے قومی مشن ’’بھارت کے فن طباخی کے ورثے کا جشن: روایت اور اختراع کا امتزاج‘‘ کو جاری رکھا۔

چھ ماہ پر محیط، این وائی سی سی نے نئی دہلی میں ایک گرینڈ فائنل میں اختتام پذیر ہونے سے پہلے چار زونل راؤنڈز کے ذریعے پورے ملک کا سفر کیا۔ چندی گڑھ، کولکاتا اور ممبئی میں بالترتیب کامیاب نارتھ، ایسٹ اور ویسٹ زون راؤنڈز کے بعد، فائنل زونل اسپاٹ لائٹ چنئی منتقل ہو گیا، جہاں سات اداروں نے تخلیقی صلاحیتوں، جدت طرازی اور مضبوط تکنیکی مہارت کا مظاہرہ کرتے ہوئے ایک انٹینس لائیو کک آف میں مقابلہ کیا۔

ایک قریبی مقابلے کے بعد، کلنری اکیڈمی آف انڈیا، حیدرآباد کی تین ٹیمیں؛ ایشین کرسچن کلینری اینڈ ایگریکلچرل سائنس انسٹی ٹیوٹ، ہوسور اور آئی ایچ ایم، حیدرآباد فاتح بن کر ابھریں اور گرینڈ فینالے میں ساؤتھ زون کی نمائندگی کریں گے۔ آئی ایچ ایم شری شکتی، حیدرآباد کی ٹیم کو رنر اپ قرار دیا گیا۔

اپنے پہلے ایڈیشن میں، این وائی سی سی خصوصی طور پر مہمان نوازی اور ہوٹل مینجمنٹ میں مہارت رکھنے والے سرکاری، نجی، خودمختار اداروں اور یونیورسٹی کے محکموں کے آخری سال کے مہمان نوازی کے طلباء کے لیے کھلا ہے۔ اس اقدام کا مقصد ہندوستانی کھانوں کے لیے ایک مرکوز قومی پلیٹ فارم بنانا ہے، اس کی گہرائی، تنوع اور علاقائی تکنیکوں کو اجاگر کرتے ہوئے، انٹرن شپ، رہنمائی اور طویل مدتی کیرئیر کے مواقع کے لیے خواہشمند باورچیوں کو صنعت سے جوڑنا ہے۔

ساؤتھ زون راؤنڈ میں حصہ لینے والے اداروں میں ایشین کرشچن کلینرے اینڈ ایگریکلچر سائنس انسٹی ٹیوٹ، ہوسور؛ چنئیز امرتا انٹرنیشنل انسٹی ٹیوٹ آف ہوٹل مینجمنٹ؛ کلینری اکیڈمی آف انڈیا، حیدرآباد؛ ہندوستان کالج آف آرٹس اینڈ سائنس، کوئمبٹور؛ آئی ایچ ایم شری شکتی، حیدرآباد؛ انڈین کلینر انسٹی ٹیوٹ، تروپتی؛ اور انسٹی ٹیوٹ آف ہوٹل مینجمنٹ، حیدرآباد شامل ہیں۔ ہر حصہ لینے والی ٹیم نے ڈھائی گھنٹے کے اندر تین کورس کا ہندوستانی کھانا تیار کیا جس میں اسٹارٹر، مین کورس اور میٹھا کھانہ شامل تھا۔

ساؤتھ زون راؤنڈ کے لیے جیوری کی صدارت شیف انیل گروور، سرٹیفائیڈ ورلڈ شیفس جج نے کی اور اس میں شیف اجیت جناردھن، کُلنری ڈائریکٹر، دی ریزیڈنسی ٹاورز؛ شیف پریم کمار مہندرن، ایگزیکٹو شیف، ویلکم ہوٹل چنئی؛ شیف نٹیسن کنن، چیف کوآرڈینیٹر، SICA جونیئر فورم؛ اور شیف ناگیشورن کے، ایگزیکٹو سوس شیف، جی آر ٹی ہوٹلز اینڈ ریزورٹس، شامل تھے۔ ۔

معروف ہندوستانی سلیبرٹی شیف کے دامودھرن (شف دامو)نے شرکاء کے ساتھ بات چیت کرتے ہوئے تبصرہ کیا، "ہندوستانی کھانوں کی جڑیں ثقافت، یادداشت اور جذبات سے گہری ہیں اور نوجوان شیفس کے لیے ضروری ہے کہ وہ اس کی دوبارہ تشریح کرنے سے پہلے اس کی روح کو سمجھیں۔ آج جس چیز نے مجھے متاثر کیا وہ خلوص تھا جس کے ساتھ طلباء نے روایتی انداز میں تخلیقی صلاحیتوں کو اپنایا۔ این وائی سی سی جیسی پہل قدمیاں ان باورچیوں کی پرورش میں اہم کردار ادا کرتی ہیں جو روایت کا احترام کرتی ہیں، اور اس کے ساتھ ہی ہندوستانی کھانوں کو عالمی پلیٹ فارمز تک لے جانے کی جسارت رکھتی ہیں۔

مقابلے پر تبصرہ کرتے ہوئے، شیف گروور نے کہا، "ساؤتھ زون راؤنڈ اپنی مضبوط تکنیکی بنیادوں اور ہندوستانی ذائقوں کے پراعتماد اظہار کے لیے نمایاں تھا۔ این وائی سی سی جیسے پلیٹ فارم شیفوں کی تشکیل میں اہم ہیں جو نہ صرف یہ سمجھتے ہیں کہ کھانا پکانا ہے، بلکہ ہم اپنے طریقے سے کیوں پکاتے ہیں۔"

محترمہ سلگنا گھوش، سکریٹری، پی ایچ ڈی سی سی آئی  نے مزید کہا، "این وائی سی سی کا ساؤتھ زون راؤنڈ اس بے پناہ ٹیلنٹ اور ڈسپلن کی عکاسی کرتا ہے جو جنوبی ہندوستان میں مہمان نوازی کی تعلیم پیش کرتا ہے۔ این وائی سی سی مستقل طور پر ایک قومی تحریک میں تبدیل ہو رہا ہے جو تعلیم، صنعت اور نوجوانوں کو جوڑتا ہے، اور ہندوستان کے پاک وراثت پر فخر کو تقویت دیتا ہے۔"

این وائی سی سی کا گرینڈ فینالے 19 جنوری 2026 کو انسٹی ٹیوٹ آف ہوٹل مینجمنٹ پوسا، نئی دہلی میں منعقد ہوگا اور اس میں مہمان خصوصی کے طور پر حکومت ہند کے سیاحت اور ثقافت کے وزیر جناب گجیندر سنگھ شیخاوت شرکت کریں گے۔

این وائی سی سی کو صنعتی شراکت داروں کے ایک مضبوط گروپ کا تعاون حاصل رہا ہے، جس میں ٹاٹا کنزیومر پروڈکٹس، لی کم کی، نیسلے پروفیشنل، کریمیکا فوڈ انڈسٹریز، وینس انڈسٹریز، ہاسپٹیلٹی اینڈ کچن سالیوشنز (ایچ اے کے ایس)، واگھ بکری ٹی گروپ، ویل بلٹ انڈیا (میری شیف اور کنوورتھم)، میک کین فوڈس، شیفس ان لمیٹڈ، ڈاکٹر ایم جی آر ایجوکیشنل اینڈ ریسرچ انسٹی ٹیوٹ، ساؤتھ انڈیا شیفس ایسو سی ایشن (ایس آئی سی اے) اور پرچیزنگ پروفیشنل فورم – انڈیا (پی پی ایف آئی) شامل ہیں۔

این وائی سی سی کے بارے میں مزید معلومات کے لیے، برائے مہربانی پی ایچ ڈی سی سی آئی کے ایونٹس پیج پر جائیں: https://phdccitourismhospitality.in/upcoming-events/phdcci-national-chef-competition/

******

 (ش ح –ا ب ن)

U.No:3835

(ریلیز آئی ڈی: 2207927) وزیٹر کاؤنٹر : 49