غیر مرئی  ثقافتی ورثے کی قومی فہرست (آئی سی ایچ) جس میں ریاستوں اور مرکز کے زیر انتظام علاقوں سے موصول ہونے والے اہل آئی سی ایچ عناصر شامل ہیں ، کو وزارت ثقافت کے تحت سنگیت ناٹک اکادمی (ایس این اے) کے ذریعے مرکزی طور پر برقرار رکھا جاتا ہے ۔  مقررہ رہنما خطوط کے مطابق پسماندہ ، قبائلی اور مقامی روایات سے متعلق عناصر سمیت ریاستوں/مرکز کے زیر انتظام علاقوں اور دیگر فریقین کی طرف سے پیش کردہ مطلوبہ دستاویزات کی بنیاد پر فہرست کو باقاعدگی سے اپ ڈیٹ کیا جاتا ہے ۔  آئی سی ایچ عنصر کی قومی فہرستhttps://www.sangeetnatak.gov.in/sections/ICH پر دستیاب ہے ۔

وزارت ثقافت کے زونل کلچرل سینٹر (زیڈ سی سی) کی گرو ششیہ پرمپرا اسکیم کے تحت ، شاگردوں کو تجربہ کار فنکاروں کے ذریعے نایاب اور معدوم ہونے والی آرٹ کی شکلوں سمیت مختلف آرٹ کی شکلوں میں تربیت دی جاتی ہے ۔

گرو کے لیے ماہانہ معاوضہ 7, 500روپے ،  معاون  کو 3750اور  شاگردوں کو 1, 500  ماہانہ اعزازیہ دیا جاتا ہے۔ یہ اعزازیہ ہر فن کے لئے کے لیے چھ ماہ کی مدت سے لے کر زیادہ سے زیادہ 1 سال تک کے لئے ہوتا ہے ۔  گروؤں کے ناموں کی سفارش ریاستی ثقافتی امور کے محکمے کرتے ہیں ۔

زیڈ سی سی ابھرتے ہوئے فنکاروں کے لیے فن کے مظاہرے کے لئے پلیٹ فارم بنا کر ، طلبہ اور نوجوانوں کے گروپوں کی شرکت کو فروغ دے کر ، تعلیمی اداروں اور مقامی برادریوں کو شامل کر کے علم کی مختلف نسلوں میں منتقلی کو یقینی بناتے ہیں ۔  یہ کوششیں نوجوانوں کی شمولیت میں اضافہ کرکے ، سماجی وقارمیں  اضافہ اور روایتی ثقافتی تاثرات میں مستقل عوامی دلچسپی پیدا کرکے خطرے سے دوچار فنون کو زندہ کرنے میں موثر ثابت ہوئی ہیں ۔

چھٹھ مہاپرو  کا نامزدگی کا دستاویز سنگیت ناٹک اکادمی (وزارت ثقافت کے تحت ایک خود مختار ادارہ) نے تیار کیا ہے جو علاقائی اداروں اور دیگر فریقین کی فعال شمولیت کے ساتھ غیر مرئی ثقافتی ورثے (آئی سی ایچ) سے متعلق معاملات کے لیے نوڈل ایجنسی ہے ۔  یہ دستاویز یونیسکو کو 27-2026 مرحلے کے لیے غیرمرئی  ثقافتی ورثے کی نمائندہ فہرست میں شامل کرنے کے لیے پیش کی گئی ہے ۔

حکومت ہند کے ذریعہ قائم کردہ تمام زونل کلچرل سینٹر (زیڈ سی سی) نوجوانوں پر مبنی پروگراموں کو تشکیل دیتے   ہیں جو خطرے سے دوچار  فنون کی شکلوں کے تحفظ میں نمایاں کردار ادا کرتے ہیں ۔  ان اقدامات میں راشٹریہ سنسکرتی مہوتسو (آر ایس ایم) ثقافتی تہواروں اور بین ریاستی تبادلے کے پروگراموں کا انعقاد شامل ہے جو نوجوانوں کو متنوع روایتی طریقوں ، ورکشاپ ، تربیتی کیمپوں اور دستکاری کے مظاہروں کے تعلق سے روشناس کرایا جاتا ہےجو انہیں لوک رقص ، موسیقی ، تھیٹر اور دستکاری کی مہارتوں سے آراستہ کرتے ہیں ۔

زونل کلچرل سینٹر (زیڈ سی سیز) اپنے پروگراموں ، سرگرمیوں اور پرفارمنگ آرٹس کو ڈیجیٹل طور پر دستاویزی شکل دینے میں مصروف ہیں ۔  اس میں خطرے سے دوچار لوک فن کی شکلوں کی ریکارڈنگ اور دستاویزات کے ساتھ ساتھ لوک داستانوں اور زبانی تاریخ سے متعلق کتابیں ، رپورٹیں اور کہانیاں پرنٹ کرنا شامل ہے ۔

یہ معلومات ثقافت اور سیاحت کے مرکزی وزیر جناب گجیندر سنگھ شیخاوت نے آج راجیہ سبھا میں ایک تحریری جواب میں فراہم کیں ۔

********

ش ح۔ع و۔ ج ا

U-3556

(रिलीज़ आईडी: 2206407) आगंतुक पटल : 6