محکمۂ سائنس و ٹیکنالوجی (ڈی ایس ٹی) نے متعدد قومی اقدامات کے ذریعے اعلیٰ درجے کے سائنس اور ٹیکنالوجی پر مبنی کاروباری افراد (انٹرپرینیورز) کو فروغ دیا ہے، جن میں قومی کوانٹم مشن (این کیو ایم)، قومی مشن برائے بین الشعبہ جاتی سائبر فزیکل سسٹمز (این ایم-آئی سی پی ایس)، اور قومی اقدام برائے ترقی و استفادۂ اختراعات (این آئی ڈی ایچ آئی) شامل ہیں۔

حکومتِ ہند نے قومی کوانٹم مشن (این کیو ایم) کا آغاز آٹھ برسوں کے دوران مجموعی طور پر 6003.65 کروڑ روپے کے مالی تخمینے کے ساتھ کیا ہے، تاکہ بھارت کو کوانٹم ٹیکنالوجیز کے شعبے میں عالمی سطح پر قائدانہ مقام دلایا جا سکے۔ مالی سال 2024–25 کے دوران، اعلیٰ درجے کی کاروباری سرگرمیوں کے فروغ کے لیے چار موضوعاتی مراکز (ٹی-ہبز) قائم کیے گئے ہیں۔ ان ٹی-ہبز کی تفصیل درج ذیل ہے:

• انڈین انسٹی ٹیوٹ آف سائنس (آئی آئی ایس سی)، بنگلورو — کوانٹم کمپیوٹنگ
• آئی آئی ٹی مدراس (سی-ڈاٹ، نئی دہلی کے اشتراک سے) — کوانٹم کمیونی کیشن
• آئی آئی ٹی بمبئی — کوانٹم سینسنگ و میٹرولوجی
• آئی آئی ٹی دہلی — کوانٹم مٹیریلز و ڈیوائسز

قومی کوانٹم مشن کے تحت کرناٹک، دہلی، مہاراشٹر اور اتر پردیش کی ریاستوں میں کوانٹم ٹیکنالوجی کے شعبے سے متعلق سات (07) کاروباری اسٹارٹ اپس کو معاونت فراہم کی گئی ہے۔

محکمۂ سائنس و ٹیکنالوجی کے قومی مشن برائے بین الشعبہ جاتی سائبر فزیکل سسٹمز (این ایم-آئی سی پی ایس) کے تحت، ملک بھر کے معتبر تعلیمی اداروں میں 25 ٹیکنالوجی انوویشن ہبز (ٹی آئی ایچز) قائم کیے گئے ہیں، جو اعلیٰ ٹیکنالوجی کے شعبوں میں کاروباری افراد کی معاونت کر رہے ہیں۔ ہر ٹی آئی ایچ کو قومی ترجیحات سے ہم آہنگ ایک مخصوص ٹیکنالوجی شعبہ تفویض کیا گیا ہے۔ یہ ٹی آئی ایچز جدید اور ابھرتی ہوئی ٹیکنالوجیز کے وسیع میدان کا احاطہ کرتے ہیں، جن میں مصنوعی ذہانت اور مشین لرننگ، روبوٹکس اور خودکار نظام، سائبر سیکیورٹی، ڈیٹا اینالیٹکس اور پیش گوئی پر مبنی ٹیکنالوجیز، ذہین اشتراکی نظام، زراعت اور آبی ٹیکنالوجیز، کان کنی کی ٹیکنالوجیز، جدید مواصلاتی نظام، کوانٹم ٹیکنالوجیز، فِن ٹیک، بایو-سی پی ایس، انسان–کمپیوٹر تعامل، کمپیوٹر وژن، خودکار نیویگیشن، سینسرز اور نیٹ ورکنگ وغیرہ شامل ہیں۔

ڈی ایس ٹی نے 27 ریاستوں/مرکزی خطوں میں 190 ٹیکنالوجی بزنس انکیوبیٹرز (ٹی بی آئیز) کی معاونت کی ہے، جو اجتماعی طور پر ٹیکنالوجی پر مبنی کاروباری افراد کی پرورش کرتے ہیں۔ این آئی ڈی ایچ آئی–پرایاس پروگرام کے تحت، تقریباً 2250 موجدین کو تصور کی جانچ (پروف آف کانسیپٹ) اور پروٹوٹائپ کی تیاری کے لیے معاونت فراہم کی گئی ہے۔ این آئی ڈی ایچ آئی–ای آئی آر (انٹرپرینیورز اِن ریزیڈنس) پروگرام کے تحت، سائنس و ٹیکنالوجی پر مبنی کاروبار کے لیے خواہش مند یا ابھرتے ہوئے کاروباری افراد کو معاونت فراہم کی گئی ہے۔ اس پروگرام کے تحت 1000 سے زائد کاروباری افراد مستفید ہو چکے ہیں۔ این آئی ڈی ایچ آئی–ای آئی آر اور این آئی ڈی ایچ آئی–پرایاس کے مستفیدین کی ریاست وار تفصیل ضمیمہ–I میں دی گئی ہے۔

ڈی ایس ٹی پسماندہ، امنگاتی (اسپیریشنل) اور محروم علاقوں پر خصوصی توجہ کے ساتھ سائنس و ٹیکنالوجی پر مبنی اختراعی معاونت فراہم کر رہا ہے۔ ڈی ایس ٹی کا جامع ٹیکنالوجی بزنس انکیوبیٹر (آئی-ٹی بی آئی) پروگرام بنیادی طور پر درجۂ دوم اور درجۂ سوم شہروں میں اختراع اور کاروباری ثقافت کو فروغ دینے کا مقصد رکھتا ہے، جس میں جغرافیائی شمولیت، صنفی شمولیت اور خصوصی صلاحیتوں کے حامل افراد پر خصوصی توجہ دی جاتی ہے۔

آئی-ٹی بی آئیز کے قیام کی مقامات کی تفصیل ضمیمہ–II میں درج ہے۔

محکمۂ سائنس و ٹیکنالوجی کے خود مختار اداروں میں تکنیکی تحقیقی مراکز (ٹی آر سیز) قائم کیے گئے ہیں، تاکہ تحقیق کو مصنوعات اور عملی طریقۂ کار میں منتقل کیا جا سکے اور معاشی و سماجی فوائد میں اضافہ ہو۔

ڈی ایس ٹی کے قائم کردہ تکنیکی تحقیقی مراکز (ٹی آر سیز) کی تفصیل درج ذیل ہے:

جدول: تکنیکی تحقیقی مراکز (TRCs)

حکومت کے پاس کسی نئے تکنیکی تحقیقی مرکز کے قیام کی کوئی تجویز زیر التواء نہیں ہے۔

این کے آر / اے کے

ضمیمہ – I

این آئی ڈی ایچ آئی–ای آئی آر فیلوز اور این آئی ڈی ایچ آئی–پرایاس مستفیدین کی ریاست وار تعداد

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ضمیمہ – II

آئی-ٹی بی آئیز کے قیام کے مقامات کی تفصیل

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 ***

(ش ح۔اس ک  )

UR-3518

(रिलीज़ आईडी: 2206225) आगंतुक पटल : 5