فوڈ پروسیسنگ انڈسٹریز کی وزارت کے ایک وفد نے 11 سے 13 دسمبر 2025 تک  تیونیشیا کے تیونس میں منعقدہ ‘افریقہ فوڈ 2025’میں شرکت کی۔اس  وفد کی قیادت  ڈپٹی سکریٹری جناب  وویک کمار سنگھ اور جناب ارونو سین گپتا نے کی۔

تقریب کے دوران، وفد نے انڈیا پویلین میں صنعت کے اسٹیک ہولڈرز کے ساتھ فعال طور پر بات چیت کی تاکہ فوڈ پروسیسنگ کے شعبے میں تجارت اور سرمایہ کاری کے مواقع پر تبادلہ خیال کیا جا سکے۔ وفد نے دوطرفہ تعاون اور مارکیٹ تک رسائی کو مضبوط بنانے کے مقصد سے تیونس کی حکومت اور صنعت کی مختلف انجمنوں کے نمائندوں سے بھی بات چیت کی۔

دورے کے ایک حصے کے طور پر، وفد نے تیونس میں فوڈ ٹیسٹنگ لیبارٹری کا دورہ کیا اور فوڈ سیفٹی انفراسٹرکچر اور کوالٹی ایشورنس کے نظام کو مضبوط بنانے پر بات چیت میں اہم کردار ادا کرتے ہوئے قیمتی معلومات اور تاثرات کا تبادلہ کیا۔

یہ شراکت داری فوڈ سیفٹی اور پروسیسنگ میں بین الاقوامی تعاون کو فروغ دینے، تجارتی تعلقات کو مضبوط بنانے اور عالمی بہترین طور طریقوں کی حمایت کے لیے وزارت خوراک اور فوڈ ٹیکنالوجی کی مسلسل کوششوں کی عکاسی کرتی ہے۔

***

ش ح۔ ک ا۔ ن ع

U.NO.3338

(रिलीज़ आईडी: 2205255) आगंतुक पटल : 7