صلاحیت سازی سے متعلق کمیشن (سی بی سی) نے آج نئی دہلی میں ’’سنٹرل ٹریننگ انسٹی ٹیوٹ (سی ٹی آئی) کی مستقبل کی تیاری‘‘ کے موضوع پر ایک قومی ورکشاپ کا انعقاد کیا۔ اس  ورکشاپ کے افتتاحی اجلاس میں سول سروسز کی ٹریننگ کے مستقبل کا از سر نو تصورپیش کرنے اور نظم و نسق سے متعلق ابھرتے ہوئے چیلنجوں سے نمٹنے کے لیے ادارہ جاتی تیاری کو مضبوط کرنے پر توجہ مرکوز کی گئی۔

اس موقع پر خطاب کرتے ہوئے سی بی سی کی چیئرپرسن محترمہ ایس رادھا چوہان نے کہا کہ تربیتی ادارے مشن کرمیوگی کی کامیابی کے لیے اہمیت کے حامل ہیں۔  انہوں نے اس بات پر زور دیا کہ تربیتی اداروں کو بڑے چیلنجوں کا مقابلہ کرنے کے لیے کھڑے ہونے کی ضرورت ہے، انہوں نے مزید کہا کہ انہیں ہمیشہ تیار ہونے والے تربیتی ماحولیاتی نظام میں اپنے کرداروں کا نیا تصور پیش کرنے، از سر نو ترتیب دینے اور نئی توضیح پیش کرنے کی ضرورت ہے، جہاں مصنوعی ذہانت ایک اہم کردار ادا کر رہی ہے۔  انہوں نے مزید کہا کہ سیکھنے، سیکھا ہوا بھولنے اور دوبارہ سیکھنے پر توجہ مرکوز کرتے ہوئے تربیت کو متحرک ہونے کی ضرورت ہے۔  چیئرپرسن نے انسانی عنصر کی اہمیت پر روشنی ڈالی جس کو مجموعی طور پر ٹیکنالوجی پر مبنی ماحول میں وکست بھارت کے لیے شہریوں پر مرکوز حکمرانی کے مقصد کو پورا کرنے میں اپنا کردار ادا کرنے کی ضرورت ہے۔

اس سے قبل ورکشاپ کا سیاق و سباق ترتیب دیتے ہوئے، سی بی سی کی پرنسپل ایڈوائزر، محترمہ چندرلیکھا مکھرجی نے سنٹرل ٹریننگ انسٹی ٹیوٹ کی مستقبل کی تیاریوں پر ایک تفصیلی پریزنٹیشن پیش کی۔  انہوں نے بتایا کہ اب این ایس سی ایس ٹی آئی 2.O فریم ورک کے مطابق پانچ (5) سی ٹی آئی کو 5 اسٹار کی درجہ بندی کی گئی ہے۔  انہوں نے مزید کہا کہ اب توجہ درجہ بندی سے آگے بڑھ کر سینٹر آف ایکسی لینس ، اہلیت پر مبنی تربیت اور شہریوں پر مرکوز نتائج کی طرف بڑھ رہی ہے ۔  محترمہ مکھرجی نے اگلے مرحلے کے لیے تربیتی اداروں کی کایا پلٹ کی ضرورت پر زور دیا، جس میں کرداروں اور رہنمائی، ٹیکنالوجی کا فائدہ اٹھانے اور وسائل، اساتذہ، مواد اور بنیادی ڈھانچے کے اشتراک پر توجہ مرکوز کی جائے۔  انہوں نے مزید کہا کہ خصوصی ڈومین فوکسڈ صلاحیت، گورننس میں تبدیلی اور تیز رفتار تکنیکی تبدیلیوں، مسلسل تشخیص اور تطبیقی طریقوں کی ضرورت اور ڈیٹا پر مبنی بصیرت کی ضرورت کی بڑھتی ہوئی مانگ کو پورا کرنے کے لیے نئے معیارات قائم کرنے کی ضرورت ہے ۔

آن لائن موڈ کے ذریعے سامعین سے خطاب کرتے ہوئے سی بی سی کے سابق چیئرمین جناب عادل زینل بھائی نے تربیتی اداروں کو اس سفر کے لیے مبارکباد دی جس کا انہوں نے احاطہ کیا ہے۔  مستقبل کی تیاری کے لیے اداروں کے لیے تین اہداف کا تعین کرتے ہوئے، انہوں نے کہا کہ آگے بڑھتے ہوئے، ان سب کو فائیو اسٹار ریٹیڈ عالمی معیار کے تربیتی ادارے بننے کا ہدف مقررکرنے کی ضرورت ہے ؛ آپس میں اور تعلیمی اداروں اور تھنک ٹینکوں کے ساتھ تعاون کرنے ؛ طبیعی اور ڈیجیٹل تربیتی ماحولیاتی نظام کو ہموار طریقے سے مربوط کرنے میں قائدین بننے اور بالآخر اسے دنیا میں بہترین بنانے کا ہدف مقرر کرنے کی ضرورت ہے۔

کرم یوگی بھارت کے چیف آپریٹنگ آفیسر جناب راکیش ورما نے اے آئی سے چلنے والا صلاحیت سازی کا منصوبہ (سی بی پی) ٹول متعارف کرایا ، جس میں تربیتی اداروں، وزارتوں، محکموں اور تنظیموں کی متحرک ضروریات کے مطابق اہلیت پر مبنی تربیتی منصوبوں کو ڈیزائن کرنے میں اداروں کی مدد کرنے کی صلاحیت کو اجاگر کیا گیا۔

اس ورکشاپ کی کلیدی خصوصیت تین متوازی بریک آؤٹ سیشن تھے، جہاں کرداروں، ذمہ داریوں اور ٹیکنالوجی سے چلنے والی تربیت کے معیار کے ذریعے مہارت پیدا کرنے، این ایس سی ایس ٹی آئی فریم ورک کو مضبوط بنانے اور وسائل کی فراہمی کو فعال کرنے اور اے آئی ٹولز اور ڈومین کورس کی شناخت کے ذریعے آئی جی او ٹی پر کورسز کو بڑھانے سے متعلق مستقبل کی تیاری کے اہم پہلوؤں پر توجہ مرکوز کرکے تبادلۂ خیال کیا گیا۔ سیشنوں کی نظامت سی بی سی کی پرنسپل ایڈوائزر، محترمہ چندرلیکھا مکھرجی اور سی ٹی آئیز کی سینئر فیکلٹی نے کی، جن میں محترمہ مادھوی داس، ڈی جی، این سی اے-ایف، محترمہ شنموگا پریا مشرا، ڈپٹی ڈائریکٹر (سینئر) ایل بی ایس این اے اے، محترمہ ارچنا گوپی ناتھ، جوائنٹ ڈائریکٹر، آر اے کے این پی اے، جناب راکیش ورما، سی او او، کے بی، محترمہ اوما ایس، ایڈوائزر ، سی بی سی اور سی بی سی کی ٹیم کے دیگر ممبران شامل تھے۔  بات چیت میں مہارت حاصل کرنے کے بعد اداروں کے لیے کرداروں، ذمہ داریوں اور راستوں کو تبدیل کرنے، تربیتی معیار کو بلند کرنے کے لیے ٹیکنالوجی سے استفادہ کرنے، مستقبل کے لیے تیار تربیتی معیارات، حکومت کا مکمل نقطۂ نظر، سی بی پی اور انسٹی ٹیوٹ کے تناظر اور کورس کی شناخت اور معیارات میں اس کا استعمال کرنے پر توجہ مرکوز کی گئی۔

تینوں بریک آؤٹ سیشنوں کے نتائج سامعین کے سامنے پیش کیے گئے جس سے قابل عمل سفارشات اور عمل درآمد کے طریقوں پر ہم آہنگی پیدا ہوئی۔

اختتامی اجلاس کے دوران، ڈاکٹر الکا متل، ممبر (ایڈمن) سی بی سی نے بات چیت کے دوران فعال مشغولیت کے لیے تمام گروپوں کی تعریف کی۔  انہوں نے بتایا کہ آگے بڑھنے کے لیے بہت سارے ان پٹ ہیں۔  انہوں نے کہا کہ  ایک مہارت ہدف نہیں ہے ، بلکہ ایک ذمہ داری ہے۔  انہوں نے مزید کہا کہ اس وراثت کو آگے بڑھایا جانا چاہیے اور اسے آنے والی نسلوں تک پہنچایا جانا چاہیے۔   انہوں نے مزید کہا کہ اداروں کو نہ صرف معیارات کو برقرار رکھنا چاہیے بلکہ سرپرستوں کا کردار ادا کرنا چاہیے۔  انہوں نے اپیل کی کہ ہمیں اس بات کو یقینی بنانا چاہیے کہ ہم سب ایک ساتھ آئیں ۔  انہوں نے کہا کہ تربیت کا مستقبل کورسز کی تعداد پر نہیں بلکہ ان صلاحیتوں پر منحصر ہے جو ہم بناتے ہیں اور یہ کردار اداروں کو ادا کرنے کی ضرورت ہے۔

اس ورکشاپ کا اختتام سی بی سی کے سکریٹری جناب ایس پی رائے کے اختتامی کلمات کے ساتھ ہوا، جنہوں نے مشن کرمیوگی کے تحت سی ٹی آئیز کو مستعد، ٹیکنالوجی پر مبنی اور مستقبل کے لیے تیار ادارے بننے میں مدد کرنے کے لیے سی بی سی کے عزم کا اعادہ کیا۔  انہوں نے وسائل کے اشتراک اور اہلیت کی ضرورت پر مبنی تربیت پر زور دیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  ک  ح۔ع ن)

U. No. 3236

(ریلیز آئی ڈی: 2204451) وزیٹر کاؤنٹر : 23