اسٹیل اتھارٹی آف انڈیا لمیٹڈ (ایس  اےآئی ایل-سیل) نے نومبر 2025 میں فروخت میں شاندار کارکردگی کا مظاہرہ کرتے ہوئے گزشتہ سال کی اسی مدت کے مقابلے میں 27فیصد کااضافہ درج کیا ۔ نومبر 2025 میں خوردہ فروخت 69فیصد بڑھ کر 0.14 ملین ٹن (ایم ٹی) ہوگئی جبکہ پچھلے سال اسی مہینے میں یہ فروخت0.084 ایم ٹی تھی ۔ ایسا مختلف زمروں کے پروڈکٹ اور ڈسٹریبیوشن چینلوں میں قابل ذکر اضافے کے سبب ممکن ہوا، جس میں گھریلو قابل فروخت اسٹیل اور روڈ ڈسپیچز اور گوداموں دروازوں کی ترسیل شامل ہیں۔ اس مہینے کے دوران ملک میں ٹی ایم ٹی سلاخوں/سریوں/ چھڑوں/ بارکی بھی سب سے زیادہ فروخت  ہوئی۔

اس مضبوط ماہانہ رفتار کو آگے بڑھاتے ہوئے ، سیل نے اپریل-نومبر 2025 کی مدت کے دوران ایک مضبوط مجموعی کارکردگی کا مظاہرہ کیا ، جس نے 12.7 ایم ٹی فروخت درج کی جو کہ گزشتہ سال کی اسی مدت (سی پی ایل وائی) میں 11.1 ایم ٹی کے مقابلے میں 14فیصد زیادہ ہے ۔

یہ عمدہ کارکردگی عالمی قیمتوں کے دباؤ اور مختلف عالمی تجارتی پالیسی کی غیر یقینی صورتحال اور جغرافیائی سیاسی تناؤ سے پیدا ہونے والے مانگ میں اتار چڑھاؤ سمیت بہت سے چیلنجوں کے باوجود مارکیٹ میں سیل کی ٹیم کی مسلسل کوششوں کے ساتھ ایک مضبوط سیلز حکمت عملی کی وجہ سے ممکن ہوئی ۔

اپریل-نومبر 2025 کے دوران ریٹیل چینل کی فروخت کافی مضبوط رہی ، جس میں 0.97 ایم ٹی کی فروخت ہوئی ، جو سی پی ایل وائی میں 0.86 ایم ٹی سے 13فیصد زیادہ ہے ۔ کمپنی نے مزید کہا کہ اس ترقی کو ملک بھر میں جاری برانڈ پروموشن مہموں کی بھی حمایت حاصل ہے ۔

یہ نتائج سیل کی صارف مرکزیت، مارکیٹ میں قیادت اور عملیاتی مہارت کو ظاہر کرتے ہیں، جو مشکل عالمی حالات کے باوجود ہر شعبے میں مسلسل ترقی فراہم کرنے میں کامیاب رہی ہے۔ سیل کی ٹیم مستقبل میں مزید اعلیٰ کارکردگی حاصل کرنے کے لیے کوشاں ہے۔

***

ش ح۔ م م –ص ج

U-3160

(ریلیز آئی ڈی: 2203908) وزیٹر کاؤنٹر : 32