مشن سکشم آنگن واڑی اور پوشن  2.0   ( مشن  پوشن   2.0 )  ایک مرکزی اسپانسر شدہ اسکیم ہے  ، جسے غذائیت کی کمی کے چیلنج سے نمٹنے کے لیے نافذ کیا جا رہا ہے ۔ پالیسی  سازی اور منصوبہ بندی کے  کام مرکزی حکومت   کے تحت ہیں اور روزمرہ کے پروگراموں کے نفاذ کا عمل ریاستی حکومتوں /مرکز کے زیر انتظام علاقوں کے تحت ہے ۔

مشن پوشن 2.0 کے تحت ، لوگوں کو غذائیت کے پہلوؤں کے بارے میں معلومات فراہم کرنے کے لیے کمیونٹی موبلائزیشن اور بیداری  پیدا کی جاتی ہے کیونکہ اچھی غذائیت کی عادت کو اپنانے کے لیے رویے میں تبدیلی کی مسلسل کوششوں کی ضرورت ہوتی ہے ۔ ریاستیں اور مرکز کے زیر انتظام علاقے بالترتیب ستمبر اور مارچ-اپریل کے مہینوں میں منائے جانے والے پوشن ماہ اور پوشن پکھواڑوں کے دوران   جَن آندولن کے تحت باقاعدگی سے حساسیت کی سرگرمیاں انجام دے رہے ہیں  ۔  سماجی برادری پر مبنی پروگرام  ( سی بی ای )  نے غذائیت کے طور طریقوں کو تبدیل کرنے میں ایک اہم حکمت عملی کے طور پر کام کیا ہے اور تمام آنگن واڑی کارکنوں کو ہر ماہ دو سماجی برادری پر مبنی پروگرام  منعقد کرنے کی ضرورت  پر زور دیا ہے ۔

مشن پوشن 2.0 کے تحت 15 ویں مالیاتی کمیشن سائیکل میں بہتر غذائیت کی فراہمی اور  ابتدائی بچپن کی دیکھ بھال اور تعلیم کے لیے سرکاری عمارتوں میں قائم دو لاکھ آنگن واڑی مراکز   میں سے   ہر سال @40000 اے ڈبلیو سیز   کو  سکشم آنگن واڑیوں کے طور پر  فروغ دیا گیا ہے ۔ سکشم آنگن واڑیوں کو ایل ای ڈی اسکرین ، واٹر فلٹریشن  نظام  ، پوشن واٹیکا ، ای سی سی ای میٹریل اور بالا  پینٹنگز کے ساتھ روایتی آنگن واڑی مراکز کے مقابلے بہتر بنیادی ڈھانچہ فراہم کیا جاتا ہے ۔

پی ایم جن من کے تحت 75 خاص  طور پر کمزور قبائلی گروپوں  (  پی وی ٹی جی )  کی نشان زد   ترقی کے لیے ملک بھر میں تعمیر کے لیے کل 2500 آنگن واڑی مراکز (  اے ڈبلیو سی )  کو منظوری دی گئی ہے ۔

دھرتی آبھا جن جاتی گرام انّت ابھیان کے تحت قبائلی برادریوں کے سماجی و اقتصادی حالات کو بہتر بنانے کے لیے  ، ملک بھر میں تعمیر کے لیے 875 اے ڈبلیو سی کو منظوری دی گئی ہے ۔

آنگن واڑی مراکز  (  اے ڈبلیو سیز ) کی بنیادی ڈھانچے کی سہولت کو بہتر بنانے کے لیے  ، وزارت کی طرف سے مختلف اقدامات کیے گئے ہیں  ، جن میں دیگر باتوں کے ساتھ آنگن واڑی مراکز میں پینے کے پانی کی سہولیات اور بیت الخلاء کے لیے فنڈ کو بالترتیب 10000  روپے سے بڑھا کر 17000 روپے  اور 12000 روپے  سے  36000 روپے  کرنا شامل ہے ۔

آنگن واڑی مراکز (  اے ڈبلیو سی ) اور مستفیدین کو متعین اشارے پر بنیادی ڈھانچے اور خدمات کی فراہمی کی نگرانی اور ٹریکنگ کے لیے ایک آئی سی ٹی ٹول پوشن ٹریکر کو نافذ کیا گیا ہے ۔ پوشن ٹریکر کو بچوں میں اسٹنٹنگ ،  ویسٹنگ ،  عمر کے لحاظ سے کم وزن  کے  کیسز کی متحرک  طور پر شناخت کے لیے استعمال کیا جاتا ہے ۔ اس نے آنگن واڑی خدمات کے لیے تقریبا ً حقیقی وقت میں ڈیٹا اکٹھا کرنے کی سہولت فراہم کی ہے  ، جیسے کہ روزانہ حاضری ، ای سی سی ای ، گرم پکا ہوا کھانا (  ایچ سی ایم )  /  ٹیک ہوم راشن (  ٹی ایچ آر   -خام راشن نہیں)  ،  بڑھوتری  کی پیمائش ، ماہانہ پیش رفت کی رپورٹیں  (  ایم پی آر )  پروگرام کی کارکردگی کے بارے میں تفصیلی بصیرت فراہم کرنا ، نگرانی کے لیے فوٹو کیپچر کے ساتھ اے ڈبلیو سی سرگرمیوں کی روزانہ ٹریکنگ وغیرہ  کا عمل شامل ہے ۔

پوشن ٹریکر کو ایک مخصوص پوشن ہیلپ لائن نمبر  1515  کی مدد حاصل ہے ۔  ایک کثیر لسانی معاون نظام  ، جو  بھارت  کے متنوع خطوں میں مستفیدین اور آنگن واڑی کارکنوں کے لیے رسائی اور شکایت کے طریقہ کار کو یقینی بناتا ہے ۔

ریاستوں اور مرکز کے زیر انتظام علاقوں سے درخواست کی گئی ہے کہ وہ مستقل وقفوں  کے لحاظ سے  مسلسل  سرگرمیوں اور میٹنگوں کے ذریعے ، مستفیدین بچوں  سمیت مستفیدین کی کوریج کو بہتر بنائیں اور اسکیم کے موثر نفاذ کو یقینی بنائیں ۔

اسکولی تعلیم اور خواندگی کے محکمے کے ساتھ مل کر ، ای سی سی ای اور بنیادی خواندگی اور عددی  (  ایف ایل این )  خدمات کو مستحکم کرنے کے لیے سرکاری پرائمری اسکولوں کے اندر آنگن واڑی مراکز کو مربوط کرنے کے لیے  ، وزارت تعلیم کے رہنما خطوط 3 ستمبر  ، 2025  ء کو مشترکہ طور پر شروع کیے گئے ہیں ۔ رہنما خطوط اس طریقے کی وضاحت کرتے ہیں  ، جس میں جہاں بھی ممکن ہو  ، ان اے ڈبلیو سیز کا مشترکہ مقام  فراہم کیا جا سکتا ہے ۔ ایسی جگہوں پر  ، جہاں فزیکل  طور پر ایک ہی مرکز میں دونوں سہولیات ممکن نہیں ہے ، اے ڈبلیو سی کو قریبی پرائمری اسکول کے ساتھ  منسلک کیا جانا ہے ۔ یہ نقطہ ٔنظر قومی تعلیمی پالیسی  (  این ای پی)  2020  ء کے ویژن سے ہم آہنگ ہے ، جس کا مقصد  نوجوان اور صحت مند سیکھنے والوں کے لیے ایک مضبوط بنیاد بنانا ہے ۔

یونیفائیڈ ڈسٹرکٹ انفارمیشن سسٹم فار ایجوکیشن  (  یو ڈی آئی ایس ای  + ) پورٹل کے مطابق ملک بھر کے سرکاری پرائمری اسکولوں کے ساتھ مل کر 299546 آنگن واڑی مراکز قائم کیے گئے ہیں ۔

یہ معلومات خواتین اور بچوں کی ترقی کی وزیر مملکت محترمہ  ساوتری ٹھاکر کے ذریعے آج لوک سبھا میں ایک سوال کے جواب میں فراہم کی گئیں ۔

 

..................................................... ...................................................

) ش ح –    ش  ب     -  ع ا )

U.No. 3059

(रिलीज़ आईडी: 2203195) आगंतुक पटल : 6