ঙসি মনিপুরনা নুপী লালগী ইমাশিং ইকায়খুম্নবা উৎখ্রে। থৌরম অসিগী শরুক অমা ওইনা, মনিপুর সরকারনা শীন্দুনা ঙসি ইম্ফালগী জি.পি ৱুমেন্স কোলেজদা রাজ্য থাক্কী নুপী লাল নুমিৎ থৌরম অমা পাংথোকখ্রে।

থৌরম অদুদা মীয়ামদা ৱা ঙাংবদা মনিপুরগী চীফ সেক্রেতরি দোক্তর পুনিত কুমার গোয়েলনা হায়খি নুপী লাল অসি শক্তি পীনবা ইহৌ অমা খক ওইবতা নত্তনা ঐখোয়গী রাজনিতি, খুন্নাই, শেন্মিৎলোল অমসুং নাৎকী পুন্সিদা নুপীশিংনা লৌরিবা থৌদাং মশক তাক্লি। হিরম খুদিংমক্ত অহোংবা পুরক্নবা মনিপুরগী নুপীশিংনা ইথিল অমা ওইরি হায়বা নুপী লালনা খুদমনি। নুপী লাল হায়না খঙনবা মনিপুরগী নুপীশিংগী পুৱারি ওইরবা থৌনা অমসুং অৱাবা মায়োক্নবা ঙম্বা অসি মখোয়গী ইকায়খুম্নবা অমসুং নুংঙাইবদা শিংনরকপা অরানবগী মায়োক্ত লেপখিবা মরুওইবা ইহৌ অমনি।

মহাক্না মখা তানা হায়খি মদুদি তোঙান তোঙানবা হিরমশিংদা অহোংবা পুরকপদা, নহারোলশিংদা ইথিল পীবদা অমসুং নুপীশিং খক্তগী ইমা কৈথেলশিংগী খুৎথাংদা মসিগী থৌনা ফবগী পুৱারি অসি ঙসি ফাওবা মখা চৎথরি। নুপীশিং অশোই-অঙাম থোক্তনবা, ইকায়খুম্নবা ঙাক্নবা, লাইরিক-লাইশু তম্নবা অমসুং শেন-থুমগী মনিংতম্বা লৈনবা কেন্দ্র সরকার অমসুং রাজ্য সরকারগী থৌশিলশিংনা অকনবা মতেং পাংলি। সরকারনা খুদক্কী ওইবা মতেংশিং, আইনগী মতেং, হেল্পলাইশিং, অঙাংশিং শেন্নবা, স্কিল হেনগৎহনবা অমসুং সেল্ফ হেল্প গ্রুপশিংদা মতেং পাংলি অমসুং নুপীশিং সংসদ অমসুং বিধান সভাশিংদা সিত খাক্তুনা থম্নবা অমসুং শ্বাস্থ নারী সশক্ত পরিবার অভিয়ানগুম্বা থবকশিং পায়খৎলে অমসুং মসিনা নুপীশিংনা মাঙজিল থাদুনা চাউখৎপগী মাইকৈদা শিংথাবা য়াবা খোঙথাং অমা থাংজিল্লে। শেন-থুমগী মনিংতম্বা পুক্নিং থৌগৎনবা লাখপতি দিদি স্কিমনা মখা তানা মতেং পাংলি অমসুং বেতি বচাউ বেতি পরাউগুম্বা অভিয়ানশিংনা অঙাং নুপীমচাশিংদা হকশিং, লাইরিক-লাইশু তম্বা অমসুং য়াইফ থৌরাংশিং ফংহল্লে অমসুং লাইরিক-লাইশু, ওন্ত্রেপ্রেন্যুরশিপ অমসুং মীয়ামগী থবক্ত নুপীশিং শরুক য়াবা হেনগৎহল্লে।

থৌরম অদুদা নুপী লালগী ফম্বাক লিলা অমা উৎখি। থৌরম অদুদা ভারত সরকার অমসুং মনিপুর সরকারগী সিবিল অমসুং পুলিস ওফিসারশিং, মহৈরোয়শিং অমসুং তোঙান তোঙানবা লুপশিংগী মীওইশিং শরুক য়াখি।

***

(রিলিজ আই.দি.: 2203102) ভিজিতর কাউন্তর : 20