2023-24 کے دوران، بنیادی قیمتوں (2011-12) پر مجموعی قدرِ افزائش (جی وی اے) کے پہلے نظرِ ثانی شدہ تخمینوں (فرسٹ ریوائزڈ ایستیمیٹس — ایف آر ای) کے مطابق زرعی شعبے کا جی وی اے 2.7 فیصد رہا۔ 2024-25 کے لیے زرعی شعبے کے جی وی اے کا تخمینہ 23,67,287 کروڑ روپے ہے، جبکہ بنیادی قیمتوں (2011-12) پر جی وی اے کے عبوری تخمینوں کے مطابق یہ شرح 4.6 فیصد اضافہ کے ساتھ 24,76,805 کروڑ روپے رہی۔

اسی طرح، 2024-25 کے دوران ملک میں غذائی اجناس کی کل پیداوار 3577.32 لاکھ میٹرک ٹن ریکارڈ کی گئی جو 2023-24 میں حاصل شدہ 3322.98 لاکھ میٹرک ٹن کے مقابلے میں 7.65 فیصد (یعنی 254.34 لاکھ میٹرک ٹن) زیادہ ہے۔

مزید برآں، بیج، مزدوری، کیڑے مار ادویات اور کھادوں کی بڑھتی قیمتوں جیسے چیلنجوں سے نمٹنے کے لیے محکمۂ زراعت اور کسانوں کی بہبود متعدد مرکزی شعبہ جاتی اور مرکزی معاونت یافتہ اسکیمیں نافذ کر رہا ہے۔ بازار تک بہتر رسائی کے لیے حکومت نیشنل ایگریکلچر مارکیٹ (ای۔نیم) چلا رہی ہے تاکہ پورے ملک کی منڈیوں کو جوڑ کر کسانوں اور تاجروں کو شفاف اور مسابقتی ڈیجیٹل تجارتی پلیٹ فارم فراہم کیا جا سکے۔

نیشنل مشن برائے پائیدار زراعت، جو نیشنل ایکشن پلان آن کلائمیٹ چینج (این اے پی سی سی) کا حصہ ہے، اس مقصد سے نافذ کیا جا رہا ہے کہ بھارتی زراعت کو بدلتی آب و ہوا کے مطابق زیادہ لچکدار بنایا جا سکے۔

انڈین کونسل آف ایگریکلچرل ریسرچ (آئی سی اے آر) مقام و موسم کے مطابق پیداوار اور تحفظ کی ٹیکنالوجیز، زیادہ پیداوار دینے والی، آب و ہوا سے ہم آہنگ اور غذائیت سے بھرپور فصلوں کی اقسام کی تیاری پر کام کر رہی ہے۔ نئی اقسام اور ٹیکنالوجیز کو کسانوں تک پہنچانے کے لیے تربیتی پروگرام، آگاہی مہمات، فارم ٹرائلز، فرنٹ لائن مظاہرے، فیلڈ وزٹس اور سوشل میڈیا پلیٹ فارمز کے ذریعے بڑے پیمانے پر پھیلایا جا رہا ہے۔

پی ایم۔کسان اسکیم—جو ایک مرکزی شعبہ جاتی پروگرام ہے—فروری 2019 میں شروع کی گئی۔ اس کے تحت قابلِ کاشت زمین رکھنے والے کسانوں کو ہر سال تین مساوی قسطوں میں مجموعی طور پر 6000 روپے براہِ راست فائدہ منتقلی (ڈی بی ٹی) کے ذریعے اُن کے آدھار سے منسلک بینک کھاتوں میں منتقل کیے جاتے ہیں۔ زیادہ آمدنی والے کچھ زمروں کو اسکیم سے مستثنیٰ کیا گیا ہے۔

شفافیت کو یقینی بنانے کے لیے مختلف تکنیکی نظام شامل کیے گئے ہیں، جیسے پبلک فنانشل مینجمنٹ سسٹم (پی ایف ایم ایس)،
یونیک آئیڈنٹیفکیشن اتھارٹی آف انڈیا (یو آئی ڈی اے آئی)،
اور محکمۂ انکم ٹیکس کے ساتھ انضمام۔

اسی طرح زمین کی سیڈنگ، آدھار پر مبنی ادائیگیاں اور ای۔کے وائی سی کو بھی لازمی کیا گیا ہے۔

کوئی بھی اہل کسان اسکیم سے محروم نہ رہے، اس مقصد کے لیے حکومتِ ہند ریاستی حکومتوں کے ساتھ مل کر سیچوریشن مہمات چلاتی ہے۔ وکست بھارت سنکلپ یاترا (وی بی ایس وائی) کے دوران 1 کروڑ سے زائد کسانوں کو پی ایم۔کسان میں شامل کیا گیا۔ نئی حکومت کے 100 روزہ ایکشن پلان میں 25 لاکھ سے زیادہ اہل کسانوں کا اندراج کیا گیا، جبکہ خود رجسٹریشن کے زیر التواء معاملات نمٹانے کے لیے ستمبر 2024 میں خصوصی مہم چلائی گئی، جس میں 30 لاکھ سے زیادہ نئے کسان شامل ہوئے۔

محکمۂ زراعت و کسان بہبود 2015-16 سے فی بوند زیادہ فصل (پی ڈی ایم سی) کی مرکزی معاونت یافتہ اسکیم نافذ کر رہا ہے، جس کا مقصد مائیکرو آبپاشی جیسے ڈرِپ اور اسپرنکلر سسٹم کے ذریعے پانی کے استعمال کی کارکردگی بہتر بنانا ہے۔
2015-16 سے 2021-22 تک یہ اسکیم پردھان منتری کرشی سنچائی یوجنا (پی ایم کے ایس وائی) کا حصہ رہی، جبکہ 2022-23 سے اسے راشٹریہ کرشی وکاس یوجنا (آر کے وی وائی) کے تحت نافذ کیا جا رہا ہے۔ اسکیم کے تحت حکومت چھوٹے اور حاشیہ پر رہنے والے کسانوں کے لیے 55 فیصد جبکہ دیگر کسانوں کے لیے 45 فیصد مالی معاونت فراہم کرتی ہے۔

کابینہ نے 09 اپریل 2025 کو جل شکتی کی وزارت کے تحت نافذ کی جانے والی پردھان منتری کرشی سنچائی یوجنا کی ذیلی اسکیم کے طور پر ’’کمانڈ ایریا ڈیولپمنٹ اور واٹر مینجمنٹ‘‘ (ایم۔سی اے ڈی ڈبلیو ایم) کی جدید کاری کی منظوری دے دی ہے۔ اس اسکیم کا بنیادی مقصد آبپاشی کے پانی کی ترسیل کے نیٹ ورک کو جدید خطوط پر استوار کرنا ہے تاکہ موجودہ تقسیم شدہ نہروں یا پانی کے دیگر ذرائع سے آبپاشی کا پانی مخصوص علاقوں اور کلسٹرز تک باقاعدہ طور پر پہنچایا جا سکے۔

اس اسکیم کے تحت فارم گیٹ یعنی کھیت کے دروازے تک (تقریباً ایک ہیکٹر تک) وہ بنیادی ڈھانچہ قائم کرنے کا تصور کیا گیا ہے جو مائیکرو آبپاشی کے نظام کو خودکار طریقے سے سہارا دے سکے۔ اس میں دباؤ والے پائپوں پر مشتمل آبپاشی نیٹ ورک فراہم کرنا اور کسانوں کی حوصلہ افزائی کرنا شامل ہے تاکہ وہ پانی کے مؤثر استعمال کے لیے ڈرِپ یا اسپرنکلر نظام اپنائیں، جس کے ذریعے ’’کھیت میں پانی کے استعمال کی افادیت‘‘ بڑھائی جا سکے۔
ایم۔سی اے ڈی ڈبلیو ایم کا پائلٹ نفاذ ملک کی 23 ریاستوں اور مرکز کے زیرِ انتظام علاقوں میں کیا جا رہا ہے۔

حکومتِ ہند زرعی پیداوار اور وسائل کے مؤثر استعمال کو بہتر بنانے کے لیے صحت سے متعلق جدید کاشت کاری، سیٹلائٹ کی مدد سے فصلوں کی نگرانی، اور مصنوعی ذہانت پر مبنی زرعی مشوروں کو فروغ دینے کے مقصد سے ’’ڈیجیٹل ایگریکلچر مشن‘‘ نافذ کر رہی ہے۔ یہ مشن زراعت کے لیے مضبوط ’’ڈیجیٹل عوامی ڈھانچہ‘‘ قائم کرنے پر مرکوز ہے، جس میں زرعی معلومات کا مجموعی نظام، فیصلہ سازی میں معاون زرعی نظام، اور مٹی کے جامع نقشے تیار کرنا شامل ہے۔
زرعی معلومات کا یہ مجموعی نظام بنیادی ڈیٹا جیسے کسانوں کی رجسٹری، جغرافیائی حوالہ زدہ گاؤں کے نقشے، اور فصلوں کی بوائی کا ریکارڈ شامل کرتا ہے، جس سے کسانوں کو بروقت اور قابلِ بھروسہ معلومات فراہم کرنا ممکن ہوتا ہے۔

’’محلنوبس نیشنل کراپ فورکاسٹ سینٹر‘‘ حکومت کے منصوبہ ’’فصل کی پیشگی پیشن گوئی‘‘ کے تحت سیٹلائٹ پر مبنی فصلوں کی پیش گوئی، خشک سالی کی نگرانی، اور مختلف ڈیجیٹل فصل کاٹنے کے تجربات کے ذریعے فصل بیمہ یوجنا کو تکنیکی مدد فراہم کرتا ہے۔ حکومت مصنوعی ذہانت اور انٹرنیٹ سے منسلک آلات پر مبنی حل بھی فروغ دے رہی ہے تاکہ کسانوں کو ذاتی مشورے دیے جا سکیں اور کھیت کا انتظام بہتر طریقے سے کیا جا سکے۔
اہم اقدامات میں کسانوں کے سوالات کے لیے مصنوعی ذہانت سے چلنے والا ’’کسان ای۔مترا چیٹ بوٹ‘‘ اور ’’قومی کیٹوں کی نگرانی کا نظام‘‘ شامل ہیں، جو کیڑوں کے حملوں کی بروقت نشاندہی کرنے اور فصلوں کے نقصان کو کم کرنے کے لیے جدید تکنیکی آلات استعمال کرتے ہیں۔

حکومتِ ہند ’’دس ہزار کسان پروڈیوسر تنظیموں‘‘ کی تشکیل اور فروغ کے لیے ایک مرکزی شعبہ جاتی اسکیم بھی نافذ کر رہی ہے۔ اس اسکیم کے تحت ملک بھر میں دس ہزار کسان پروڈیوسر تنظیمیں رجسٹرڈ کی جا چکی ہیں۔
اس اسکیم میں ہر کسان پروڈیوسر تنظیم کے لیے تین برس تک 18 لاکھ روپے کی انتظامی لاگت فراہم کی جاتی ہے۔ اس کے علاوہ، ہر تنظیم کو 15 لاکھ روپے تک کی مساوی سرمایہ جاتی گرانٹ فراہم کی جاتی ہے، جس کے لیے ہر کسان کو 2000 روپے بطور حصہ داری جمع کرنا ہوتی ہے۔
مزید برآں، اسکیم اہل قرض دہندہ اداروں سے دو کروڑ روپے تک کی قرض ضمانت کی سہولت بھی فراہم کرتی ہے۔

محکمہ زراعت اور کسانوں کی بہبود کی بڑی اسکیمیں/پروگرام

1. پردھان منتری کسان سمان ندھی (پی ایم-کسان)

2. پردھان منتری کسان مان دھن یوجنا (پی ایم-کے ایم وائی)

3. پردھان منتری فصل بیمہ یوجنا (پی ایم ایف بی وائی)/ری اسٹرکچرڈ ویدر بیسڈ کراپ انشورنس اسکیم (آر ڈبلیو بی سی آئی ایس)

4. ترمیم شدہ سود سبونشن اسکیم (ایم آئی ایس ایس)

5. زرعی انفراسٹرکچر فنڈ (اے آئی ایف)

6. 10, 000 نئی فارمر پروڈیوسرز آرگنائزیشنز (ایف پی اوز) کی تشکیل اور فروغ

7. نیشنل بی کیپنگ اینڈ ہنی مشن (این بی ایچ ایم)

8. نمو ڈرون دیدی

9. نیشنل مشن آن نیچرل فارمنگ (این ایم این ایف)

10. پردھان منتری اناداتا اےے سنراکس ہان ابھیان (پی ایم-آشا)

11. ایگری فنڈ فار اسٹارٹ اپس اینڈ رورل انٹرپرائزز (ایگری سیور)

12. فی قطرہ زیادہ فصل (پی ڈی ایم سی)

13. زرعی میکانائزیشن پر ذیلی مشن (ایس ایم اے ایم)

14. پرمپراگت کرشی وکاس یوجنا (پی کے وی وائی)

15. مٹی کی صحت اور زرخیزی (SH & F)

16. رینفیڈ ایریا ڈویلپمنٹ (RAD)

17. زرعی جنگلات

18. فصلوں کی تنوع کا پروگرام (سی ڈی پی)

19. زرعی توسیع پر ذیلی مشن (ایس ایم اے ای)

20. بیج اور پودے لگانے کے مواد پر ذیلی مشن (ایس ایم ایس پی)

21. نیشنل فوڈ سیکیورٹی اینڈ نیوٹریشن مشن (این ایف ایس این ایم)

22. زرعی مارکیٹنگ کے لیے مربوط اسکیم (آئی ایس اے ایم)

23. باغبانی کی مربوط ترقی کے لیے مشن (ایم آئی ڈی ایچ)

24. خوردنی تیل پر قومی مشن (این ایم ای او)-آئل پام

25. خوردنی تیل پر قومی مشن (این ایم ای او)-تلہن

26. شمال مشرقی خطے کے لیے مشن آرگینک ویلیو چین ڈیولپمنٹ

27. ڈیجیٹل زرعی مشن

28. قومی بانس مشن

یہ معلومات زراعت اور کسانوں کی بہبود کے وزیر مملکت جناب رام ناتھ ٹھاکر نے آج لوک سبھا میں ایک تحریری جواب میں دی ۔

 

***

UR-2762

(ش ح۔اس ک  )

 

(रिलीज़ आईडी: 2201141) आगंतुक पटल : 7