وزارت میری ٹائم انڈیا ویژن- 2030 اور امرت کال ویژن- 2047 کے ذریعے متوازن ترقی کو یقینی بناتی ہے، جس میں جہاز سازی، اندرون ملک آبی گزرگاہوں، کروز ٹورازم اور ڈجیٹل تبدیلی کے پروجیکٹ شامل ہیں۔ ساگرمالا اور سرشار نگرانی سیل اور میری ٹائم اسٹیٹ ڈیولپمنٹ کونسل بڑی اور سرکاری بندرگاہوں کے ساتھ ساتھ اندرون ملک آبی گزرگاہوں میں مساوی تقسیم کا کام انجام دے رہے ہیں۔

چنتن شوِر فریم ورک کو ایک مشاورتی اور اسٹریٹجک پلیٹ فارم کے طور پر ڈیزائن کیا گیا ہے جہاں محکمے کی ترجیحات طے کرنے اور پیشرفت کا جائزہ لینے کے لیے بات چیت کی جاتی ہے۔ شفافیت کو یقینی بنانے اور مطلوبہ منصوبوں اور شعبوں کے لیے وسائل کی مساوی تقسیم کو یقینی بنانے کے لیے حکومت کے پاس متعدد دیگر میکانزم ہیں۔

جہاز سازی اور سمندری منصوبوں سے وابستہ خطرات کو کم کرنے کے لیے وزارت نے ایک تہہ دار مالی معاونت کا فریم ورک متعارف کرایا ہے۔ میری ٹائم انویسٹمنٹ فنڈ (ایم آئی ایف) خطرے سے دوچار منصوبوں کے لیے ایکویٹی سپورٹ فراہم کرتا ہے، جب کہ انٹرسٹ انسیٹیوائزیشن فنڈ (آئی آئی ایف) شپ یارڈز کے لیے قرض لینے کے اخراجات کو کم کرتا ہے۔ اس کے علاوہ، شپ بلڈنگ فنانشل اسسٹنس اسکیم (ایس بی ایف اے ایس) سبز اور خصوصی جہازوں کے لیے اعلیٰ ترغیبات پیش کرتی ہے، جو براہ راست ان کے اعلیٰ اخراجات کو پورا کرتی ہے۔

یہ جانکاری بندرگاہوں کے جہاز رانی اور آبی گزرگاہوں کے مرکزی وزیر نے ایوان بالا- راجیہ سبھا میں ایک تحریری جواب میں دی۔

*******

ش ح-  ظ ا – ن ع

UR- No. 2730

 

(रिलीज़ आईडी: 2201017) आगंतुक पटल : 5