حکومت ہند کی وزارتِ سیاحت،وزارتِ ثقافت، سنگیت ناٹک اکیڈمی کے اشتراک سے اور آندھرا پردیش  کے محکمہ سیاحت و محکمۂ ثقافت، حکومتِ آندھرا پردیش  کے تعاو سےکرشن وینی سنگیتھا نیراجنم 2025 کا تیسرا ایڈیشن وجئے واڑہ میں 6 اور 7 دسمبر 2025 کو منعقد کرنے جارہی ہے۔

اس سال کا موضوع، ’’ تیلگو موسیقی کی روایات کا جشن’’ہے،جس سے فیسٹیول کے اس مقصد کی عکاسی  ہوتی ہے کہ آندھرا پردیش کی ثقافتی شناخت کو مضبوط بنایا جائے، موسیقی کے سیاحت کو فروغ دیا جائے، ہنر مندوں اور بنکروں کی مدد کی جائے، اور وجے واڑا کو کرناتک موسیقی کا ممتازمقام کے طور پر متعارف کرایا جائے۔

میوزک فیسٹیول  کے اس ایڈیشن کا افتتاح جناب کندولا دُرگیش، وزیر سیاحت و ثقافت، حکومتِ آندھرا پردیش کریں گے، جس میں وجئے واڑہ کے منتخب نمائندگان، وزارتِ سیاحت کے سینئر افسران اور ریاستی  محکمہ سیاحت حکام بھی موجود ہوں گے۔

وزارتِ سیاحت نے اپنے علاقائی دفتر(جنوب) کو فیسٹیول کی منصوبہ بندی، ہم آہنگی اور نفاذ کی ذمہ داری سونپی ہے۔ میلے کے دو دنوں کے دوران مجموعی طور پر 18 کنسرٹس میں 98 فنکار شرکت کریں گے۔ میلے کامرکزی مقام تمالاپلی ویری چھیتریہ کلا کشترم ہے، جہاں پورے فیسٹیول کے دوران نمائشیں ہوں گی۔

7 دسمبر کوسویرے صبح 7 بجے دُرگا گھاٹ پنچ رتن کرییتس کی  خصوصی پیشکش کی جائے گی۔ اس پیشکش کی قیادت ملادی برادرس کریں گے، جن کے ساتھ  وجئے واڑہ  اور گنٹور کے گورنمنٹ میوزک کالج کے اساتذہ اور طلبہ شامل ہوں گے، جس سے فیسٹیول کے کمیونٹی موسیقی کے جذبے کو مزید مضبوطی ملے گی۔

ریاست بھر کی شرکت بڑھانے کے لیے، تین پیشگی کنسرٹس کامیابی سے ثقافتی اہمیت کے حامل مندروں کے مقامات پر منعقد کیے گئے ہیں:

• شریکلہستی میں 29 نومبر 2025 کو
• سمہاچلم میں یکم دسمبردسمبر 2025 کو
• سری سیلم میں 2 دسمبر 2025 کو

کنسرٹس کے ساتھ ساتھ ، آندھرا پردیش کے جی آئی ٹیگ یافتہ اور روایتی دستکاری اور ٹیکسٹائل کی ایک  خاکہ بند نمائش میں کونڈاپلی کھلونے ، ایٹی کوپکالیکرویئر ، ادےگری لکڑی کی کٹلری ، چمڑے کی  مصنوعات ، نرسا پور لیس اور منگلاگیری ، وینکٹاگیری، چیرالہ ، اپڈا اور موراگڑی سمیت مشہور ہینڈلوم کلسٹرز کی نمائش کی جائے گی ۔یہ نمائش ووکل فار لوکل کے قومی وژن کی حمایت کرتی ہے ، جو کاریگروں اور بنکروں کوخریدار اور بازاروں سے براہ راست جڑنے کے قابل بناتی ہے ۔
مقامی سیاحت اور مہمان نوازی کے اسٹیک ہولڈر فیسٹیول کو فروغ دینے اور اس کی حمایت کرنے میں فعال کردار ادا کر رہے ہیں ۔آندھرا پردیش اسٹار ہوٹلز ایسوسی ایشن (آشا) کی پریس سے بات چیت میں سہولت فراہم کرنے اور میلے کے پیغام کو عام کرنےکے لیے خصوصی ستائش  کی جاتی ہے ۔
قومی اور بین الاقوامی شائقین کے لیے ، اس میلے کو وزارت سیاحت کے آفیشل یوٹیوب چینل پر براہ راست نشر کیا جائے گا:

https://youtube.com/@ministryoftourismgoi?si=6oS9sJuiKXVtISCS

پروگرام کے شیڈول کے لیے ، ملاحظہ کریں: krishnavenimusicfest.com

****

ش ح۔ م ش ع ۔ش ا

UNO-2472

(रिलीज़ आईडी: 2199305) आगंतुक पटल : 6