ایئر مارشل یلا امیش ، ایئر آفیسر کمانڈنگ ان چیف ، مینٹی ننس کمانڈ نے 04 دسمبر 2025 کو بیس مرمت ڈپو ، تغلق آباد کا دورہ کیا ۔ ان کے ساتھ ایئر فورس فیملیز ویلفیئر ایسوسی ایشن (علاقائی) کی صدر محترمہ سریولی بھی موجود تھیں ۔ایئر آفیسر کمانڈنگ ایئر کموڈور ڈی این ساہو اور محترمہ پریتی ساہو  صدر اے ایف ایف ڈبلیو اے (مقامی)نےایئر فورس اسٹیشن تغلق آباد پران کا  پرتپاک استقبال کیا۔

وہاں پہنچنے پر ایئر مارشل کو گارڈ آف آنر پیش کیا گیا ۔انہیں ڈپو کے کام کاج ، اختراعات ، کامیابیوں اور جاری اقدامات کے بارے میں  تفصیلات سے آگاہ کیا گیا۔مختلف حصوں کے دورے کے دوران ، انہوں نے متعدد پروجیکٹوں کا جائزہ لیا اور مقامی کاری میں ڈپو کی کوششوں اور آپریشنل ضروریات کو پورا کرنے والے اختراعی حل کی ستائش کی ۔

انہوں نےاسٹیشن کے اہلکاروں کے ساتھ اپنی بات چیت میں ، ایئر مارشل نے درآمدی انحصار کو کم کرنے اور گھریلو صلاحیتوں کو مستحکم کرکے آتم نربھرتا کی سمت بتدریج آگے بڑھنے کی اہمیت پر زور دیا ۔ انہوں نے فیلڈ یونٹوں کو مضبوط تکنیکی اور آپریشنل سپورٹ کو یقینی بنانے میں تمام اہلکاروں کی شمولیت ، لگن اور پیشہ ورانہ مہارت کی تعریف کی ۔

انہوں نے تکنیکی مہارتوں کو مزید بڑھانے ، تمام کرداروں میں مہارت کو برقرار رکھنے اور مستعدی سے بہترین کارکردگی کے لیے کوشش جاری رکھنے کی ضرورت کو بھی  اجاگر کیا۔ایئر مارشل نے تمام فضائی جنگجوؤں پر زور دیا کہ وہ آپریشنل تیاری کو یقینی بنانے اور ابھرتے ہوئے سیکورٹی چیلنجوں کے خلاف چوکس رہنے کے لیے جسمانی طور پر فٹ اور ذہنی طور پر متحرک رہیں ۔

***

 

ش ح۔ش  م۔ م ذ

U NO:2402

(रिलीज़ आईडी: 2198985) आगंतुक पटल : 4