مرکزی وزیر تعلیم جناب دھرمیندر پردھان اور اتر پردیش کے وزیر اعلی جناب یوگی آدتیہ ناتھ 2 دسمبر کو بنارس میں مشترکہ طور پر کاشی-تمل سنگم (کے ٹی ایس 4.0) کے چوتھے ایڈیشن کا افتتاح کریں گے ۔  یہ  افتتاحی تقریب کاشی اور تمل ناڈو کے درمیان صدیوں پرانے تعلقات کے نئے جشن کی نشاندہی کرتی ہے ، جس سے تعلیم ، مذہبی سیاحت اور فنکارانہ اور تعلیمی تبادلے کو فروغ ملتا ہے ۔

افتتاحی تقریب میں تمل ناڈو کے گورنر جناب آر این روی اور پڈوچیری کے لیفٹیننٹ گورنر جناب کے کیلاشناتھن ، اتر پردیش کے نائب وزیر اعلی جناب برجیش پاٹھک اور وزارت اطلاعات و نشریات اور پارلیمانی امور کے مرکزی وزیر مملکت جناب ایل مروگن سمیت سینئر لیڈران شرکت کریں گے ، جس سے شمالی اور جنوبی ہندوستان کے درمیان ایک پل کے طور پر سنگم کی بڑھتی ہوئی قومی اہمیت کو اجاگر ہوتی ہے۔

تمل ناڈو کے مندوبین کاشی کے ثقافتی ، تعلیمی اور روحانی منظر نامے کا مشاہدہ کریں گے ۔  اس پروگرام میں یونیورسٹیوں ، وراثتی  مقامات ، دستکاری کے کلسٹروں ، مندروں اور علمی اداروں کے دورے کے ساتھ ساتھ اسکالرس ، طلبہ وطلابات اور مقامی برادریوں کے ساتھ بات چیت بھی شامل ہے ۔

کے ٹی ایس 4.0 کا چوتھا ایڈیشن ، جو اہم ثقافتی اور تعلیمی سنگم ہے ، وزارت تعلیم کے ذریعے ریلوے ، ثقافت ، سیاحت ، ٹیکسٹائل اور نوجوانوں کے امور اور کھیل سمیت دس مرکزی وزارتوں کے اشتراک سے منعقد کیا جا رہا ہے ۔  آئی آئی ٹی مدراس اور بی ایچ یو اس ایڈیشن کے لیے نالج پارٹنر کے طور پر کام کر رہے ہیں ۔

کاشی تمل سنگم کا 2025 ایڈیشن ‘‘لرن تمل-تمل کرکلم’’ کے موضوع پر مرکوز ہوگا ، جس کا مقصد پورے ہندوستان میں تمل تعلیم کو فروغ دینا اور ملک کے کلاسیکی لسانی اور ادبی وراثت سے واقفیت کو مضبوط کرنا ہے ۔  طلبہ، اساتذہ ، مصنفین اور میڈیا کے پیشہ ور افراد ، زراعت اور متعلقہ شعبوں ، پیشہ ور افراد اور کاریگروں ، خواتین ، اور مذہبی اسکالروں اور پریکٹیشنرز پر مشتمل تمل ناڈو کے 1400 سے زیادہ نمائندے وارانسی ، پریاگ راج اور اجودھیا کے آٹھ روزہ تجرباتی دورے میں شرکت کریں گے ۔

********

 

 ( ش ح ۔م ش ع۔رض)

U. No. 2173

(रिलीज़ आईडी: 2197485) आगंतुक पटल : 5