صحت اور خاندانی بہبود کی وزارت ، حکومت ہند  کے  تحت   غازی آباد کے انڈین فارماکوپیا کمیشن (آئی پی سی)   ، جو ایک خود مختار ادارہ ہے ،  اس نے ناگالینڈ میڈیکل کونسل ، ناگالینڈ اسٹیٹ ڈرگس کنٹرول ایڈمنسٹریشن (این ایس ڈی سی اے) صحت اور خاندانی بہبود  کے محکمہ ، ناگالینڈ اور اسٹیٹ فارمیسی کونسل، حکومت ناگالینڈ کے ساتھ تین مفاہمت ناموں پر دستخط کیے ۔ اس پروگرام کا مقصد  ، این ایس ڈی سی اے کے تحت ادویات  کی جانچ کرنے والی لیباریٹریوں میں انڈین فارماکوپیا ریفرنس سبسٹینس اور امپیوریٹی اسٹینڈرڈز کے استعمال کو آسان بنا کر ، ادویات کے محفوظ اور معقول استعمال ، فارماکو وجیلنس اور میٹریو وجیلنس سرگرمیوں کو بڑھا کر  اور  ریاست ناگالینڈ میں مریضوں کے تحفظ کے اقدامات کو  آگے بڑھا کر صحت عامہ کو فروغ دینے میں آئی پی سی کی باہمی کوششوں کو مضبوط کرنا تھا ۔

اس مفاہمت نامے پر ڈاکٹر وی کلائی سیلوان ، سکریٹری-کم-سائنٹفک ڈائریکٹر ، آئی پی سی نے ناگالینڈ میڈیکل کونسل کے رجسٹرار ڈاکٹر کیولہولی میئسے اور محترمہ  ایمللیلا ، اسسٹنٹ ڈرگس کنٹرولر ، این ایس ڈی سی اے  اور  جناب کھیلی تھوری ، رجسٹرار ، ناگالینڈ اسٹیٹ فارمیسی کونسل  کے نمائندوں کی موجودگی میں دستخط کیے  ۔ ایک روزہ تربیتی پروگرام کے افتتاحی اجلاس میں  ،جناب ہوویدا عباس ، اے ایس اینڈ ایف اے ، ایم او ایچ ایف ڈبلیو ، حکومت ہند اور جناب انوپ کھنچی ، سکریٹری ، وزارت صحت و خاندانی بہبود ، حکومت ناگالینڈ نے بھی شرکت کی ۔

قابل ذکر بات یہ ہے کہ ناگالینڈ ڈرگس کنٹرول ایڈمنسٹریشن کے ساتھ  یہ مفاہمت نامہ  ، یو پی ایف ڈی اے  کے بعد آئی پی سی کا دوسرا مفاہمت نامہ ہے  اور شمال مشرقی خطے میں اپنی نوعیت کا پہلا ہے ۔ ناگالینڈ میڈیکل کونسل کے ساتھ مفاہمت نامہ بھارت  کے فارماکو وجیلنس پروگرام اور بھارت  کے میٹریو وجیلنس پروگرام کے فروغ کے لیے  ، ملک کی کسی بھی ریاستی میڈیکل کونسل کے ساتھ پہلا مفاہمت نامہ ہے  ، جس کا مقصد ملک میں بنیادی صحت مراکز کی سطح تک مریضوں کے تحفظ کو فروغ دینا ہے ۔ ریاسی فارمیسی کونسل ، حکومت ناگالینڈ کے ساتھ مفاہمت نامہ  ، ملک کی چوتھی ریاستی فارمیسی کونسل ہے  ، جس نے ادویات کے محفوظ اور معقول استعمال ، فارماکو وجیلنس اور میٹریو وجیلنس سرگرمیوں  کو بڑھانے اور مریضوں کے تحفظ کے اقدامات کو آگے بڑھانے کے لیے ایک مفاہمت نامے پر دستخط کیے ہیں ۔

اس مفاہمت نامے کے ذریعے ، آئی پی سی تینوں تنظیموں ، این ایس ڈی سی اے اور ناگالینڈ اسٹیٹ فارمیسی کونسل اور ناگالینڈ میڈیکل کونسل کے ساتھ مل کر کام کرنے کے لیے پرعزم ہے تاکہ فارماکو وجیلنس اور میٹریو وجیلنس سرگرمیوں کو مضبوط کیا جا سکے ،  ادویات /طبی آلات کے استعمال کے ساتھ نا موافق  واقعات کی رپورٹنگ  میں اضافہ کیا جا سکے ، ناگالینڈ میں صحت کی دیکھ بھال کی سہولیات میں ایک معیاری حوالہ دستاویز کے طور پر نیشنل فارمولری آف انڈیا (این ایف آئی) کا استعمال کیا جا سکے  ، جو معقول تقسیم اور ادویات کے محفوظ طور طریقوں کی حمایت کرتا ہے ۔

اس کے علاوہ ، یہ مفاہمت نامہ تمام  متعلقہ فریقوں بشمول صحت کی دیکھ بھال کرنے والے پیشہ ور افراد (معالجین ، فارماسسٹ ، نرسیں وغیرہ) کے لیے صلاحیت سازی کو فروغ دے گا ، جو فارماکو وجیلنس اور میٹریو وجیلنس کے  طور طریقوں میں شامل ہیں اور  طبی مصنوعات کے معیار پر قابو پانے میں شامل سائنسی اہلکار  اور نیشنل فارمولری آف انڈیا کے لازمی استعمال کے ذریعے ادویات کے محفوظ استعمال اور آئی پی سی کے تعاون سے نیشنل فارماکو وجیلنس ویک کے سالانہ انعقاد کی سہولت فراہم کرے گا ۔

توقع ہے کہ اس مفاہمت نامے سے پیشہ ورانہ مشغولیت میں اضافہ ہوگا ، اے ڈی آر نگرانی مراکز/طبی آلات نگرانی مراکز کے قیام کے ذریعے اے ڈی آر رپورٹنگ میں وسیع تر شرکت کی حوصلہ افزائی ہوگی  اور خطے میں ادویات کی حفاظت کی نگرانی کے طریقہ کار کو تقویت ملے گی ۔ آئی پی سی ان اقدامات کے لیے ہر ممکن تکنیکی رہنمائی اور ماہرین کی مدد فراہم کرنے کے لیے پرعزم ہے ،  جب کہ این ایس ڈی سی اے اور ناگالینڈ ریاستی فارمیسی کونسل میڈیکل کالجوں/اسپتالوں/فارماسسٹوں/ڈرگس انسپکٹرز/انڈسٹری  کے متعلقہ فریقین  اور سرکاری اور نجی صحت کی دیکھ بھال کے اداروں میں صحت کی دیکھ بھال کے دیگر پیشہ ور افراد کے ساتھ ہم آہنگی  قائم کریں گے تاکہ  جامع  سرگرمیوں کے موثر نفاذ کو یقینی بنایا جا سکے ۔

آئی پی سی اور این ایس ڈی سی اے ، ناگالینڈ اسٹیٹ فارمیسی کونسل  اور ناگالینڈ میڈیکل کونسل کے درمیان  اشتراک ، خطے میں ادویات کے محفوظ استعمال کو فروغ دینے اور منظم صلاحیت سازی کے ذریعے ادویات کے تحفظ کو بہتر بنانے اور مریضوں کے تحفظ کو  مستحکم کرنے کے لیے آئی پی سی کے مشترکہ عزم کی عکاسی کرتا ہے ۔

....................

) ش ح –   ا ع  خ -  ع ا )

U.No. 1980

(रिलीज़ आईडी: 2195846) आगंतुक पटल : 5