ٹیکسٹائل کی وزارت کے نیشنل ٹیکنیکل ٹیکسٹائل مشن (این ٹی ٹی ایم) نے ایک تبدیلی لانے والے پروجیکٹ کی حمایت کی ہے  ، جو ٹیکنیکل ٹیکسٹائل کے شعبے میں پائیداری کو نئی شکل دے رہا ہے ۔ یہ پروجیکٹ ، جس کی وجہ سے پانی پت میں آئی آئی ٹی دلّی کے تحت اٹل سینٹر آف ٹیکسٹائل ری سائیکلنگ اینڈ سسٹین ایبلٹی کا قیام عمل میں آیا ، نے دو اہم اقدامات-نیشنل فلیگ ری سائیکلنگ انیشئیٹو اور ارامڈ فائبر ری سائیکلنگ پروگرام کے ذریعے ٹیکنالوجی ، اختراع اور قومی افادیت کو   یکجا کیا ہے ۔

 

 

پنجاب ، ہریانہ اور دلّی چیمبر آف کامرس اینڈ انڈسٹری (پی ایچ ڈی سی سی آئی) ان اختراعات اور ان کے حقیقی دنیا کے اثرات کو ظاہر کرنے کے لیے 28 نومبر  ، 2025  ء کو پانی پت میں ایک عدیم المثال  نمائشی تقریب کی میزبانی کریں گے ۔ یہ تقریب مشن کے تحت تیار کردہ ٹیکنالوجیز کو اجاگر کرے گی ، صنعت اور حکومت کے  متعلقہ فریقوں کو اکٹھا کرے گی  اور تکنیکی ٹیکسٹائل میں اختراع ، پائیداری اور صنعت کے انضمام کو آگے بڑھانے میں این ٹی ٹی ایم کے کردار کو تقویت دے گی ۔

بھارت میں پہلی بار ،نا قابلِ استعمال قومی جھنڈوں کی ڈیجیٹلائزڈ ری سائیکلنگ کے لیے ایک منظم اور سائنٹفک پروسیس  متعارف کرایا گیا ہے ۔ صنعتی شراکت داروں کے ذریعے نافذ کیا گیا یہ پروجیکٹ اس بات کو یقینی بناتا ہے کہ ترنگا کے تانے بانے اور ساختی سالمیت کو یا تو محفوظ رکھا جائے یا اس کے وقار سے سمجھوتہ کیے بغیر ذمہ داری کے ساتھ دوبارہ تیار کیا جائے ۔ یہ ماڈل اس بات کی ایک منفرد مثال ہے کہ کس طرح پائیداری کو حب الوطنی کی اقدار کے ساتھ مربوط کیا جا سکتا ہے اور ہر گھر ترنگا مہم کے جذبے کو مضبوطی سے پورا کرتا ہے ۔

اس کے ساتھ ساتھ ، پروجیکٹ کے مصنوعی فائبر ری سائیکلنگ پروگرام نے اعلی ٰ کارکردگی والے مصنوعی فضلے کے بندوبست کے لیے اہم حل فراہم کیے ہیں-یہ دفاعی ، ایرو اسپیس اور حفاظتی ٹیکسٹائل میں استعمال ہونے والا ایک اہم مواد ہے ۔ کئی تکنیکی ٹیکسٹائل صنعتوں نے پہلے ہی ان تحقیق و ترقی کے نتائج کو اپنانا شروع کر دیا ہے ، جو صنعت کے مضبوط اعتماد کا اشارہ ہے اور تحقیق کو توسیع پذیر تجارتی ایپلی کیشنز میں  بدلنے میں مشن کی کامیابی کی نشاندہی کرتا ہے ۔

 

..................................................... ...................................................

) ش ح –   ع و -  ع ا )

U.No. 1866

(Release ID: 2194884) Visitor Counter : 3