فارماکوپیا کمیشن فار انڈین میڈیسن اینڈ ہومیوپیتھی(پی سی آئی ایم اینڈ ایچ)نے آج آیوروید ، سدھا ، یونانی اور ہومیوپیتھی (اے ایس یو اینڈ ایچ) ادویات کے ضوابط ، تعلیمی ، معیارات کے انضباط اور مینوفیکچرنگ کے شعبے میں مصروف عمل شراکت داروں کے لیے پانچ روزہ صلاحیت سازی تربیتی پروگرام کا افتتاح کیا ۔ 24 نومبر سے 28 نومبر 2025 تک منعقد ہونے والا یہ خصوصی پروگرام ، ادویات کے ضوابط ، نفاذ سے متعلق اتھارٹیز ، معیارات کے انضباط سے متعلق اہلکاروں ، تکنیکی ماہرین ، سرکاری تجزیہ کاروں ،محققین اور اے ایس یو اینڈ ایچ ادویات کی ترقی اور معیار کی یقین دہانی کے لئے وقف سائنسدانوں کے علم اور مہارت کو مضبوط بنانے کے لئے تیار کیا گیا ہے ۔

آیوش کی وزارت کی مشیر (ہومیوپیتھی) ڈاکٹر پریتھا کزاکوٹل نے افتتاحی اجلاس میں مہمان خصوصی کے طور پر شرکت کی ۔ اپنے خطاب میں  انہوں نے اے ایس یو اینڈ ایچ ادویات کے لیے معیارات کو طے  کرنے میں ، خاص طور پر جدید آلات اور جدید تجزیاتی تکنیکوں کو اپنانے کے ذریعے ، پی سی آئی ایم اینڈ ایچ کے اہم کردار کی تعریف کی ۔

آیوش کی وزارت کے مورارجی دیسائی نیشنل انسٹی ٹیوٹ آف یوگا اینڈ نیچروپیتھی کے ڈائریکٹر پروفیسر (ڈاکٹر) کاشیناتھ سماگنڈی نے پی سی آئی ایم اینڈ ایچ کے ذریعہ تیار کردہ فارماکوپیا(ادویات کی تفصیلات سے متعلق اشاعتوں) اور فارمولوں کی بڑھتی ہوئی عالمی قبولیت پر روشنی ڈالی ۔ انہوں نے زور دے کر کہا کہ اے ایس یو اینڈ ایچ نظاموں میں بڑھتی ہوئی بین الاقوامی دلچسپی روایتی ادویات میں ہندوستان کی قیادت کی عکاسی کرتی ہے ۔

معززین اور شرکاء کا خیرمقدم کرتے ہوئے ، ڈاکٹر رمن موہن سنگھ ، ڈائریکٹر ، پی سی آئی ایم اینڈ ایچ نے کمیشن کے کام کاج ، جاری اقدامات  اور ہندوستانی نظام طب کے معیار کی ترتیب اور کوالٹی کنٹرول میں اس کے کردار کا ایک جائزہ پیش کیا ۔ اس تقریب میں سینٹرل ڈرگ ٹیسٹنگ لیباریٹری (سی ڈی ٹی ایل) چنئی کے سابق ڈائریکٹر ڈاکٹر این مروگیسن نے بھی خصوصی مہمان کے طور پر شرکت کی ۔

اگلے پانچ دنوں میں ، شرکاء کو ماہرین کی قیادت میں لیکچرس، نمائش کے دورے  اور بروقت اجلاس کا تجربہ فراہم ہوگا، جن میں این اے بی ایل ایکریڈیشن اینڈ کوالٹی مینجمنٹ سسٹم (کیو ایم ایس) گڈ مینوفیکچرنگ پریکٹس (جی ایم پی) فارماکگنوسٹک ، فزیکو کیمیکل ، فائٹو کیمیکل ، مائیکرو بائیولوجیکل اور اے ایس یو اینڈ ایچ ادویات کی فارماکولوجیکل تشخیص ، ہربل ادویات کی معیاری کاری اور اس کے معیارات سے متعلق ضوابط، ریگولیٹری اور فارماکوپیئل اسٹینڈرڈز اور شیلف لائف اسٹڈیز شامل ہیں ۔

اس پروگرام میں پی سی آئی ایم اینڈ ایچ لیبارٹریوں میں عملی تربیت اور اے ایس یو اینڈ ایچ ڈرگ مینوفیکچرنگ یونٹس شامل ہیں، جن میں ڈاکٹر ولمر شوابے انڈیا پرائیویٹ لمیٹڈ، نوئیڈا اور ہمدرد لیبارٹریز انڈیا، غازی آباد جیسے ادارے شامل ہیں۔ ان سرگرمیوں کا مقصد شرکاء کو اس شعبے میں دستیاب جدید ٹیکنالوجیز اور بہترین طریقہ کار سے روشناس کرا کر ان کی تکنیکی مہارت میں اضافہ کرنا ہے۔

ملک بھر سے کل 35 شرکاء تربیت میں شرکت کر رہے ہیں ، جن میں ریاستی ڈرگ کنٹرولرز ، ڈرگ انسپکٹرز ، پروفیسرز ، فیکلٹی ممبران ، ریسرچ آفیسرز ، آیوش سے تسلیم شدہ ڈرگ ٹیسٹنگ لیبارٹریز ، نیشنل انسٹی ٹیوٹ اور ریسرچ سینٹرز بشمول نیشنل انسٹی ٹیوٹ آف سدھا (چنئی)، نیشنل انسٹی ٹیوٹ آف آیوروید (جے پور)، سدھا سینٹرل ریسرچ انسٹی ٹیوٹ (چنئی)، نیشنل ریسرچ انسٹی ٹیوٹ آف یونانی میڈیسن فار اِسکن ڈس آرڈرز (حیدرآباد)، ڈاکٹر ڈی پی رستوگی سینٹرل ریسرچ انسٹی ٹیوٹ فار ہومیوپیتھی (نوئیڈا)، ریجنل ریسرچ انسٹی ٹیوٹ آف یونانی میڈیسن (سری نگر) اور اتر پردیش ، تلنگانہ ، آسام ، کانپور اور دیگر خطوں کے کئی آیوش کالج اور اسپتال  شامل ہیں۔

پی سی آئی ایم اینڈ ایچ کا یہ صلاحیت سازی تربیتی پروگرام ہندوستان میں اے ایس یو اینڈ ایچ ادویات کے  ضوابط سے متعلق ماحولیاتی نظام کو مضبوط کرنے کی طرف ایک اہم قدم ہے ۔ پیشہ ور افراد کو بہتر علم اور عملی مہارتوں سے آراستہ کرکے ، یہ پہل اعلیٰ معیارات کو برقرار رکھنے اور عالمی سطح پر طب کے روایتی نظام کو آگے بڑھانے کے لیے ملک کے عزم کی حمایت کرتی ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –م–ش،ص –ج)

U. No. 1758

(रिलीज़ आईडी: 2193953) आगंतुक पटल : 14