قبائلی امور کے مرکزی وزیر جناب جوئیل اوراؤں نے آج پارلیمنٹ ہاؤس میں نائب صدر جمہوریہ ہند جناب سی پی رادھا کرشنن سے وزارت کے سینئر افسران کے ساتھ ملاقات کی۔

Hon’ble Union Minister for Tribal Affairs, Shri Jual Oram, called on the Hon’ble Vice-President Shri C. P. Radhakrishnan, at Parliament House today, along with senior officials of the Ministry.

During the meeting, the Vice-President was briefed on various initiatives of the… pic.twitter.com/xlYcjfmc3b

— Vice-President of India (@VPIndia) November 24, 2025

میٹنگ کے دوران، نائب صدر جمہوریہ کو قبائلی آبادی کی فلاح و بہبود کے لیے وزارت کے ذریعہ انجام دی گئیں مختلف پہل قدمیوں کے بارے میں بتایا۔ پرزنٹیشن کے دوران قبائلی حقوق کے تحفظ؛ تعلیم اور صحتی نتائج میں اضافے کے لیے اقدامات؛ قبائلی طلبا کے لیے اسکالرشپ؛ قبائلی ثقافت کی بازبحالی کے لیے مختلف پروگراموں؛ روزی روٹی سے متعلق اسکیمیں مثلاً مالی تعاون اور صنعتوں کے طور پر روایتی ہنرمندی کا فروغ؛ ملک بھر میں ایکلویہ ماڈل رہائشی اسکولوں کی جدیدکاری اور توسیع کے لیے وزارت کے منصوبے؛ اور دھرتی آبا جن جاتیہ گرام اُتکرش ابھیان، پی ایم- جن من، اور آدی کرم یوگی ابھیان جیسی کلیدی اسکیموں  پر احاطہ کیا گیا۔

نائب صدر جمہوریہ کو خاص طور پر خستہ حال قبائلی گروپوں(پی وی ٹی جیز) کی فلاح و بہبود کے لیے ہدف بنائے گئے اقدامات سے بھی آگاہ کیا گیا، جس میں ان کے رہائش کے حقوق کو محفوظ بنانے کے اقدامات بھی شامل ہیں۔

نائب صدر نے گزشتہ گیارہ سالوں میں وزارت کے بجٹ میں تین گنا اضافے کی تعریف کی اور قبائلی طلباء کے لیے معیاری اعلیٰ تعلیم تک رسائی کو بڑھانے کی ضرورت پر زور دیا۔ انہوں نے مسلسل تعلیمی مدد اور نگرانی کی اہمیت پر زور دیا، اسکول چھوڑنے کی روک تھام، اور یونیورسٹیوں اور اسکولوں کے درمیان مضبوط روابط استوار کرنے کے لیے قبائلی طلباء کی اعلیٰ تعلیم میں آسانی سے منتقلی کو یقینی بنایا جائے۔

نائب صدر نے قبائلی برادریوں میں سیکل سیل انیمیا سے نمٹنے اور صحت کے بنیادی ڈھانچے میں اہم خلا کو دور کرنے کے لیے وزارت کی توجہ مرکوز کرنے والی کوششوں کی ستائش کی۔ انہوں نے وزارت سے مختلف قبائلی برادریوں کے فراموش کیے جاچکے سورماؤں کو اجاگر کرنے اور انہیں مقبول عام بنانے اور ان کے تعاون کو قوم کے سامنے پیش کرنے کی اپیل کی۔

اس بات کا اعادہ کرتے ہوئے کہ فلاحی اسکیموں کے فوائد قبائلی آبادی کے تمام طبقوں تک پہنچنے چاہئیں، نائب صدر نے کہا کہ وکست بھارت کا وژن اسی وقت حاصل کیا جا سکتا ہے جب قبائلی برادری کی ترقی اور بہبود کو مکمل طور پر یقینی بنایا جائے۔

**********

 (ش ح –ا ب ن- ع ر)

U.No:1736

(Release ID: 2193722) Visitor Counter : 13