Ha ka:
21 MAY 2025 2:17PM by PIB Shillong
Shillong – La pynlong ia ka Assam Rifles Inspector General's Conference 2025 ha Headquarters Directorate General Assam Rifles ha Laitkor, Shillong ha ka 03 & 04 tarik u Naiwieng 2025. Ha kane ka conference, ba la pyniaid da u Lieutenant General Vikas Lakhera, AVSM, SM, u Director General jong ka Assam Rifles, la wan iashim bynta lang da ki Formation Commander, Battalion Commander, bad ki Staff Officer na ka Headquarters DGAR bad ki Formation.
U Lieutenant General Vikas Lakhera u la iaroh ia baroh ki kyrdan jong ka kynhun namar ka jingtrei kaba bha jong ki wat hapdeng ki jingeh. U la ban jur halor ka jingkongsan ban pynthikna ia ka jingshngain ha ki jaka khappud hapdeng ka India bad Myanmar bad u la ong ba ka Assam Rifles ka dei ban long kaba khreh na ka bynta kano kano ka jingjia bad ki jingeh ha ka jingshngain ha ki por ban wan.
Ki mat ba kongsan jong ka Assam Rifles Inspector General's Conference 2025 ki kynthup:
- Ka jingiakren halor ka jingpynkhlain ia ka bor treikam bad ka jinglah iakhun ka Assam Rifles.
- Ka jingpynkhreh ia ka rukom ban ioh ia ki atiar kiba katkum ka juk mynta bad ruh ki tiar iada ri na ka bynta ka Assam Rifles.
- Ka jingbatai shaphang ki rukom treikam kiba biang tam jong ki Formation/ Unit bad ruh ki jingshem ban kyntiew ia ka jingseisoh ki kam jong ka kynhun.
- Ka jingban jur halor ka jingai jinghikai bad ka jingkyntiew ia ki sap jong ki shipai.
U Director General u la iaroh ia ki Formation and Unit Commander kaba pynthikna ia ka shongsuk shongsain ha ki jaka ba ki dei peit. U la kyntu ruh ia ki ba kin long kiba peitngor ia ki jinglong jingman kiba kylla man ka por ha ki jaka ba trei ka kynhun.
Ka Assam Rifles Inspector General's Conference 2025 ka ai ia ka rynsan kaba kongsan ia ki Commander ba kin iamir jingmut shaphang ki kam ba kongsan kiba iadei bad ka bor iakhun, ka jingpynkhreh, ka jingpyniaid ia ki kam bad ruh ka jingpeit ia ki bynta kiba iadei bad ki shipai.
Ka conference ka la kut da ka jingkut jingmut na baroh kiba iashim bynta ban long kiba khreh na ka bynta ki kam bad ruh ban ialeh ban long kiba tbit ha baroh ki bynta.