بندرگاہوں ، جہاز رانی اور آبی گزرگاہوں کے مرکزی وزیر جناب سربانند سونووال نے آج ڈبرو گڑھ ضلع میں نامروپ فرٹیلائزر پلانٹ (بی وی ایف سی ایل) کا دورہ کیا تاکہ موجودہ سہولت کے ساتھ ساتھ جاری اور آئندہ توسیعی کاموں کے اہم پہلوؤں کا جائزہ لیا جا سکے ۔

جناب سونووال نے کہاکہ وزیر اعظم جناب نریندر مودی جی کی متحرک قیادت میں ، ہمارا نامروپ فرٹیلائزر پلانٹ ، جو کہ آسام کا فخر ہے ، 10,000 کروڑ روپے سے زیادہ کی سرمایہ کاری کے ساتھ نئے براؤن فیلڈ امونیا-یوریا کمپلیکس کے ساتھ نئی زندگی حاصل کر رہا ہے یہ بلند عزائم سے بھرپور منصوبہ زرعی پیداوار میں اضافہ کرے گا، بڑے پیمانے پر روزگار کے مواقع پیدا کرے گا اور صنعتی ڈھانچے کو مضبوط بنائے گا۔ یہ شمال مشرقی خطے کو جنوب مشرقی ایشیا کے اہم پیداواری مراکز میں سے ایک کے طور پر اُبھارنے میں نمایاں کردار ادا کرے گا۔

مرکزی وزیر نے مزید کہا کہ برہم پترا ویلی فرٹیلائزر کارپوریشن لمیٹڈ (بی وی ایف سی ایل) شمال مشرقی ہندوستان کا سب سے قدیم کھاد یونٹ ہے ، جو اپنے قیام سے ہی خطے کے کسانوں کی خدمت کر رہا ہے ۔ اس کی صلاحیت کو مزید بڑھانے کے لیے ، نامروپ سائٹ پر ایک چوتھا پلانٹ قائم کیا جائے گا ۔ حکومت ہند کے تعاون سے ، نئے پلانٹ کے اگلے پانچ برسوں میں مکمل ہونے کی امید ہے ، جس کی پیداواری صلاحیت 12.5 لاکھ میٹرک ٹن سالانہ ہے ۔

انہوں نے مزید کہا کہ توسیع اس سہولت کو ایک بڑے پیداواری مرکز میں تبدیل کر دے گی ، جو شمال مشرق میں کسانوں کی کھاد کی ضروریات کو پورا کرے گی ، جبکہ بھوٹان اور میانمار جیسے پڑوسی ممالک کے لیے برآمدات کو بھی قابل بنائے گی ۔ اس بڑھتی ہوئی صلاحیت کے ذریعے مغربی بنگال اور بہار میں اضافی بازاروں کو بھی خدمات فراہم کی جائیں گی ۔

جناب سونوال نے وزیر اعظم اور کیمیکلز و فرٹیلائزر کے مرکزی وزیر کا شکریہ ادا کرتے ہوئے کہا کہ یہ منصوبہ شمال مشرق کے عوام کی دیرینہ خواہش کی تکمیل ہے اور قومی ترقی میں نمایاں کردار ادا کرے گا۔

 

******

ش ح۔ ش ت۔   ص ج

U-N-1698

(रिलीज़ आईडी: 2193398) आगंतुक पटल : 6