ہندوستانی بحریہ کا جہاز (INS) ساوتری، ہندوستانی بحریہ کا ایک آف پیٹرول ویسل (OPV) بحر ہند کے علاقے میں اپنی آپریشنل  ڈپلائیمنٹ  کے ایک حصے کے طور پر پورٹ وکٹوریہ، سیشلز  پہنچا۔ سیشلز کوسٹ گارڈ کے اہلکاروں کی جانب سے جہاز کا پرتپاک استقبال کیا گیا جس میں دونوں ممالک کے درمیان گہرے باہمی احترام اور مضبوط دوطرفہ تعلقات پر زور دیا گیا۔

بحری جہاز نے ضروری اسپیئر پارٹس سیشلز کوسٹ گارڈ کو سونپے، مشترکہ میری ٹائم ڈومین میں استحکام اور سلامتی کو یقینی بنانے کے لیے اپنے بحری شراکت داروں کی آپریشنل تیاریوں اور صلاحیتوں کو بڑھانے کے لیے بھارت  کے مضبوط عزم کا اعادہ کیا۔

اپنی پورٹ کال کے دوران، جہاز نے بندرگاہ کی وسیع سرگرمیاں انجام دیں جن میں پیشہ ورانہ بات چیت ، موضوع کے ماہرین کے تبادلے اور سیشلز کوسٹ گارڈ کے ساتھ بہترین طریقوں کا اشتراک شامل ہے۔ یہ جہاز زائرین کے لیے بھی کھلا تھا جس میں آپریشنل صلاحیتوں اور ہندوستانی بحریہ کی بھرپور سمندری روایات کا مظاہرہ کیا گیا تھا۔

آئی این ایس ساوتری سیشلز کوسٹ گارڈ کے اہلکاروں کے ساتھ مشترکہ خصوصی اقتصادی زون (ای ای زیڈ) نگرانی کی کارروائیوں کا انعقاد کرے گی۔ اس باہمی تعاون کا مقصد سیشلز کے سمندری علاقوں  میں سمندری سلامتی اور حالات سے متعلق آگاہی کو نمایاں طور پر بڑھانا ہے۔ آئی این ایس ساوتری کی موجودگی 'خطے میں سلامتی اور ترقی کے لیے باہمی اور جامع ترقی' (مہاساگر) کے بھارت  کے وژن کے مطابق ہے، جو بحر ہند میں ترجیحی سیکورٹی پارٹنر اور پہلے جواب دہندہ کے طور پر بھارت  کی پوزیشن کو تقویت دیتا ہے۔

******

ش ح ۔ م ف  ۔ ت ع

U.No:1655

(Release ID: 2192990) Visitor Counter : 6