مرکزی وزیر ثقافت جناب گجیندر سنگھ شیخاوت نے آج ’پروجیکٹ موسم‘پر دو روزہ قومی ورکشاپ کا افتتاح کیا۔’’بحیرہ ہند کی حدودمیں سمندری نیٹ ورکس کے سنگم پر جزیرے‘‘ کے عنوان سے ایک ورکشاپ کا اہتمام آرکیالوجیکل سروے آف انڈیا (اے ایس آئی)کے ذریعہ ہمایوں کے مقبرے پر واقع عالمی ثقافتی ورثہ میوزیم میں کیا گیا۔

اپنے افتتاحی خطاب میں جناب شیخاوت نے ثقافتی تبادلے اور مشترکہ شناخت کے متحرک مراکز کے طور پر جزائر کی تاریخی اہمیت پر زور دیا ۔  انہوں نے کہا کہ پروجیکٹ موسم ورثے کے مطالعے ، سائنسی تحقیق اور کمیونٹی کی شمولیت کے ایک منفرد امتزاج کی نمائندگی کرتا ہے ، جو سمندری ورثے کے تحفظ کے لیے ہندوستان کے عزم کو واضح کرتا ہے ۔

وزیر موصوف نے سمندر سے منسلک ثقافتی مناظر کی دستاویز سازی اور تحفظ کے لیے نئے راستے کھولنے کے اقدام کے مقصد پر روشنی ڈالی اور اسے ایک متحرک ، باہمی تعاون پر مبنی تحریک کے طور پر پیش کیا ۔

اس تقریب میں وزارت ثقافت کے سکریٹری جناب وویک اگروال اور یونیسکو کے نئی دہلی علاقائی دفتر برائے جنوبی ایشیا کے ڈائریکٹر ڈاکٹر ٹم کرٹس سمیت اہم شخصیات نے شرکت کی ۔اس موقع پر  ڈائریکٹر جنرل جناب یدوبیر سنگھ راوت سمیت وزارت ثقافت اور اے ایس آئی کے سینئر عہدیدار بھی موجود  رہے ۔

یہ ورکشاپ ساحلی علاقوں سے آرکیالوجیکل سروے آف انڈیا (اے ایس آئی) کے سپرنٹنڈنگ آثار قدیمہ کے ماہرین اور علاقائی ڈائریکٹروں کو یکجاکرکے ملک گیر تعاون کے فریم ورک کو فروغ دے گی۔ دو دنوں کے دوران سمندری ورثے کے ماہرین، ثقافتی نیٹ ورکس اور بحر ہند کے علاقے میں ہندوستان کی مصروفیت کو مزید وسیع کرنےکی حکمت عملیوں پر تبادلہ خیال کریں گے۔

***

 

 

ش ح۔  م ح۔خ م

UNO-1468

(रिलीज़ आईडी: 2191545) आगंतुक पटल : 5