حکومت ہند  (جی او آئی) مختلف قیمتوں کے طریقہ کار کا استعمال کرتے ہوئے قیمت پر مبنی نیلامی کے توسط سے 18000 کروڑ روپے مشتہر کردہ رقم (برائے نام)  کے لیے (i) ’’6.01 فیصد سرکاری تمسکات 2030‘‘ اور مختلف قیمتوں کے طریقہ کار کا استعمال کرتے ہوئے قیمت پر مبنی نیلامی کے توسط سے 12000 کروڑ روپے مشتہر کردہ رقم (برائے نام) کے لیے (ii) ’’7.09 فیصد سرکاری تمسکات 2074‘‘ کی فروخت (ازسر نو اجراء)  کا اعلان کیا ہے۔ حکومت ہند کے پاس مذکورہ بالا ہر ایک تمسک کے لیے 2000 کروڑ روپے تک کے اضافی سبسکرپشن برقرار رکھنے کا متبادل موجود ہوگا۔ نیلامی کا اہتمام ریزرو بینک آف انڈیا کے ذریعہ، 21 نومبر 2025 کو(بروز جمعہ) ممبئی دفتر، فورٹ ممبئی میں کیا جائے گا۔

سرکاری تمسکات کی نیلامی میں غیر مسابقتی بولی کی سہولت کی اسکیم  کے مطابق تمسکات کی فروخت  کی مشتہر کردہ رقم کا 5 فیصد تک حصہ مستحق افراد اور اداروں کے لیے مختص کیا جائے گا۔

مسابقتی اور غیر مسابقتی بولیوں، دونوں کے لیے نیلامی کو ریزرو بینک آف انڈیا کے کور بینکنگ سالیوشن (ای-کوبیر سسٹم) پر 21 نومبر 2025 کو الیکٹرانک فارمیٹ میں جمع کرایا جانا چاہئے۔ غیر مسابقتی بولیوں صبح ساڑھے دس اور گیارہ کے درمیان، اور مسابقتی بولیوں کو صبح ساڑھے دس اور ساڑھے گیارہ بجے کے درمیان جمع کرانا ہوگا۔

نیلامی کے نتائج کا اعلان 21 نومبر 2025 کو(بروزجمعہ) کیا جائے گا اور کامیاب بولی لگانے والوں کے ذریعہ ادائیگی 24 نومبر 2025 کو (بروز پیر) کی جائے گی۔

یہ تمسکات بھارتی ریزرو بینک کے ذریعہ جاری کردہ ’مرکزی حکومت کے تمسکات میں جب جاری کیے گئے لین دین‘ پر رہنما خطوط کے مطابق ’’جب جاری کیے گئے‘‘ تجرت کے لیے مستحق ہوں گے، جو وقتاً فوقتاً ترمیم شدہ 24 جولائی 2018 کے سرکلر نمبر آر بی آئی /2018-19/2025 کے توسط سے جاری کیے گئے تھے۔

**********

 

(ش ح –ا ب ن- ع ر)

U.No:1392

(Release ID: 2190988) Visitor Counter : 4