Ka kynhun ki 14 ngut ki nongthoh khubor na Meghalaya bad Tripura, kiba don mynta ha ka jingleit jngoh ia ka jylla Karnataka, ki la leit jngoh ia ka Bharat Earth Movers Limited (BEML) ha Bengaluru mynta ka sngi.

Ka kynhun ka la ïoh ban ïakren bad u Chairman and Managing Director ka BEML, u Shantanu Roy, uba la ïaroh ïa ki sienjam jong ka Press Information Bureau (PIB) ha kaba pynlong ïa kum kine ki kam kiba ïarap ban kyntiew ïa ka jingsngewthuh ia ka ri bad kyntiew ïa ki bor jong ka India ha ka teknoloji bad ki karkhana. Ka la don ruh ka jingai sngewbha ruh na ka PIB Shillong ban rakhe ia kane ka sngi.

Ha ka jingïakren, u Gupta bad ki heh ophisar ki la ai ka jingbatai lyngkot shaphang ka bynta ba kongsan jong ka BEML ha ki kam ba kongsan, kynthup ïa ka kam tih mar poh khyndew bad ka kam tei jingtei bad ka kam rel bad metro. La ai jingtip lyngkot ïa ka kynhun shaphang ki jingnoh synñiang ba kongsan jong ka BEML sha ka jinglah kyrshan dalade (Aatmanirbhar) ka ri India, da kaba ban jur ha ka jingsaindur tynrai bad ka jinglong tynrai kaba iar ha kylleng ki jait mar bapher bapher jong ka.

Ka BEML ka dei kawei na ki nongpynmih ïa ki kali rel ha India, kynthup ïa ki rel Vande Bharat bad ki kali metro kiba kyrshan ïa ka leit ka wan jong ki paidbah ha ki nongbah ba heh ha kylleng ka ri.

Nangta la ialam ia ki nongthoh khubor ban leit jngoh ia ki jaka shna tiar jong ka BEML, ha kaba ki la sakhi ia ka rukom shna ia ki kali metro, ki rel Vande Bharat bad ki tiar shna jingshna kiba heh. Ka kynhun ka la ai jingiaroh ïa ka jingkut jingmut jong ka BEML na ka bynta ka jingtbit ha ka kam shna tiar, ka jingpynthikna ïa ka jingbha, bad ki jinglong jingman jong ka jingshna tiar kiba iahap bad ki jinglong ha kylleng ka pyrthei.

La ai jingtip ruh ia ka kynhun shaphang ka jingkiew ka jingiashim bynta jong ki nongtrei kynthei ha ka kam ba iadei bad ka teknikal bad ka jingpyniaid kam hapoh ka jaka treikam. Ka BEML ka la pyntreikam ia ki polisi kiba khlain ban pynthikna ia ka jaka trei kaba shngain, kaba ryntih, bad kaba pynkupbor ia ki kynthei, ba la kyrshan da ka jingkyntiew ia ki sap treikam bad ki sienjam ba iadei bad ka jingshngain ha ka jaka trei.

Ki nongthoh khubor ki la pynpaw ka jingsngewnguh ïa ka bynta ba kongsan jong ka BEML ha kaba pynkhlain ïa ka kam ïada ri jong ka India, ki kam ba iadei bad ki rel bad ki jingdon jingem, katba ki buh ïa ki nongrim ha ka jingsaindur thymmai, ka jingïadon bynta lang bad ka jingbha ha ka jaka trei.

****

(Release ID: 2189832) visitor counter : 2