1950 میں اپنے آغاز کے بعد سے، نیشنل سیمپل سروے (این ایس ایس)، جو قومی شماریات کے دفتر (این ایس او)کے ذریعے وزارت شماریات اور پروگرام کے نفاذ (ایم او ایس پی آئی)کے تحت کیا جاتا ہے، سماجی و اقتصادی موضوعات کی ایک وسیع رینج پر بڑے پیمانے پر گھریلو سروے کر رہا ہے۔ کئی دہائیوں کے دوران،این ایس ایس سرکاری اعدادوشمار کا سنگ بنیاد بن گیا ہے، جو شواہد پر مبنی پالیسی سازی اور گھریلو استعمال، روزگار، تعلیم، صحت، اور سماجی و اقتصادی ترقی کے دیگر پہلوؤں کے اہم جہتوں کو حاصل کرنے کے لیے قیمتی معلومات فراہم کرتا ہے۔

اس کوشش کے تسلسل میں این ایس او نے جولائی 2026- جون 2027 کے دوران نقل مکانی پر ایک سروے کرنے کی تجویز پیش کی ہے۔سروے کا مقصد نقل مکانی کی شرحوں، نقل مکانی کی وجوہات، مختصر مدت کی نقل مکانی اور ملک بھر میں گھرانوں اور افراد کی دیگر متعلقہ خصوصیات کے بارے میں قابل اعتماد تخمینہ لگانا ہے۔

این ایس ایس کی طرف سے 9ویں راؤنڈ (1955)سے نقل مکانی کے سروے کیے جا رہے ہیں،جن میں 18ویں(64-1963)اور 64ویں (08-2007) جیسے وقف شدہ راؤنڈز نقل مکانی کے مختلف پہلوؤں پر تفصیلی معلومات اکٹھا کرتے ہیں۔ نقل مکانی کے بارے میں تازہ ترین ڈیٹا متواتر لیبر فورس سروے(پی ایل ایف ایس) 2020-21 اور ایک سے زیادہ اشارے سروے (2020-21)کے ذریعے جمع کیا گیا تھا۔

نقل مکانی کے بارے میں آئندہ سروے میں نقل مکانی کی وجوہات، قیام کی مدت، واپسی کی نقل مکانی، روزگار اور نقل مکانی کرنے والوں کی آمدنی کے پروفائل اور گھر والوں پر نقل مکانی کے اثرات کے ساتھ- دیہی-شہری اور بین ریاستی دونوں طرح کی نقل مکانی کی حد اور نمونوں کے بارے میں جامع اور تازہ ترین ڈیٹا فراہم کرنے کی توقع ہے۔ نتائج مزدوروں کی نقل و حرکت، شہری کاری کے رجحانات، ترسیلات زر کے بہاؤ اور تارکین وطن کی آبادی کے سماجی اور اقتصادی انضمام کو سمجھنے میں معاون ثابت ہوں گے۔

اس طرح کی معلومات سے پالیسی سازوں، منصوبہ سازوں، محققین اور ترقیاتی ماہرین کو شہری منصوبہ بندی، رہائش، نقل و حمل، روزگار پیدا کرنے، سماجی تحفظ اور مہارت کی ترقی جیسے شعبوں میں زیادہ عمل در آمد کو یقینی بنا کر بہت فائدہ پہنچے گا۔ اعداد و شمار جامع ترقی اور علاقائی ترقی کے لیے نقل مکانی کے مضمرات کا اندازہ لگانے میں بھی مدد کرے گا، اس طرح ہندوستان کے سماجی و اقتصادی پالیسی کے فریم ورک کو مضبوط کرے گا۔

نقل مکانی کے بارے میں آئندہ سروے کی جامعیت اور افادیت کو یقینی بنانے کے لیے این ایس او نے سروے کے آلات تیار کرنے کا عمل شروع کر دیا ہے۔ مسودہ شیڈول وسیع تر مشاورت کے لیے ایم او ایس پی آئی کی ویب سائٹ (www.mospi.gov.in) پر اَپ لوڈ کر دیا گیا ہے۔ پالیسی سازوں، محققین، تعلیمی اداروںاور عام لوگوں کو شیڈول کا جائزہ لینے اور اس کے ڈھانچے، مواد اور کوریج پر اپنے تاثرات یا تجاویز کا اشتراک کرنے کے لیے مدعو کیا جاتا ہے۔

تبصرے اور مشورے مقررہ فارمیٹ میں ای میل پتوں nssocpd.coord@mospi.gov.in اور tc.sdrd-mospi[at]gov[dot]in پر 30 نومبر 2025 تک بھیجے جا سکتے ہیں۔ مسودہ سوالنامہ اور تاثرات کی شکل ایم او ایس پی آئی ویب سائٹ پر فراہم کردہ لنک پر حاصل کی جا سکتی ہے۔

لنک 1: نقل مکانی سروے کے ڈرافٹ شیڈول کے ساتھ منصوبے کے تعارفی خاکہ سے متعلق نوٹ

https://www.mospi.gov.in/sites/default/files/announcements/Concept%20Note%20along%20with%20draft%20schedule%20on%20Migration%20Survey.pdf}

لنک 2: فیڈ بیک فارم

https://www.mospi.gov.in/sites/default/files/announcements/Feedback%20form_0.pdf

 

 

********

ش ح۔ع و۔ن ع

U-1211

(Release ID: 2189687) Visitor Counter : 6