چھتیس گڑھ کے ضلع کبیر دھام کے انڈوری میں پرائمری ہیلتھ سینٹر میں ہفتہ کے روز’’سوستھ ناری، سشکت پریوارابھیان‘‘ کے تحت ایک کثیر الجہتی پروگرام کا انعقاد کیاگیا۔ مہمانِ خصوصی رکن اسمبلی محترمہ بھاوانا بوہرا نے موجود خواتین سے صحت مند طرزِ زندگی اپنانے اور مجموعی فلاح و بہبود کو فروغ دیں گی کا اجتماعی عہد لیا اور ساتھ ہی نہوں نے ات پر زور دیا کہ خواتین کی صحت اور غذائیت مضبوط خاندان کی بنیاد ہیں۔

پروگرام کے حصے کے طور پر، ‘نکشے میتر’ اقدام کے تحت ٹی بی کے مریضوں کو غذائی کٹس فراہم کی گئیں تاکہ علاج کے دوران مناسب غذائیت کویقینی بنایا جا سکے۔ اس کے علاوہ، مقامی رہائشیوں کو آیوشمان کارڈ جاری کیے گئے اور بزرگ شہریوں کو وے وندنا کارڈز دیے گئے تاکہ کمیونٹی میں صحت کی حفاظت کو بڑھایا جا سکے۔

سماجی خدمت کو فروغ دینے کے لیے ایک خون عطیہ کیمپ کا بھی انعقاد کیاگیا ، جس میں نوجوان شرکاء نے جوش و خروش کے ساتھ حصہ لیا اور زندگی بچانے کے عزم کا مظاہرہ کیا۔

اسی سلسلے میں، خواتین و بچوں کی ترقی کے محکمہ نے گود بھرائی اور انناپراشن کی تقریبات منعقد کیں، جو ماں اور بچے کی صحت پر مرکوز تھیں اور جن میں بڑی تعداد میں ماؤں نے حصہ لیا۔پروگرام سے خطاب کرتے ہوئے رکن اسمبلی محترمہ بھاوانا بوہرا نے کہاکہ ایک صحت مند عورت مضبوط معاشرے اور پائیدار قوم کی بنیاد ہے۔ حکومت کی اسکیمیں صرف تبھی مؤثر ہوں گی جب ہر عورت اپنی صحت کے بارے میں آگاہ ہو۔یہ کثیر الجہتی پہل، جو خواتین کی صحت، غذائیت اور سماجی خدمت کو یکجا کرتی ہے، ضلع میں مضبوط خاندانوں کی تخلیق کی طرف ایک اہم قدم ثابت ہوئی ہے۔

***

ش ح۔م ع ن۔ ش ب ن

U-No.1070

(Release ID: 2188653) Visitor Counter : 8