دفاع کے سکریٹری جناب راجیش کمار سنگھ اور نیشنل ڈفینس کے نائب وزیر لیفٹیننٹ جنرل ہوان ژوان چیئن کی مشترکہ صدارت میں، 10 نومبر 2025 کو ہنوئی میں 15ویں بھارت – ویتنام دفاعی پالیسی مکالمے (ڈی پی ڈی) کا اہتمام کیا گیا۔ طرفین نے ہائیڈروگرافی کو آپریشن، صلاحیت سازی اور تربیت، اقوام متحدہ کے قیام امن سے متعلق آپریشنوں، افزوں بندرگاہوں اور جہازوں کے دوروں، اور مخصوص شعبوں یعنی اے آئی اور شپ یارڈ کی جدید کاری، وغیرہ میں تعاون جیسے شعبوں میں ہوئی پیشرفت پر اطمینان کا اظہار کیا۔

طرفین نے سائبر سلامتی، ریئل ٹائم میں اطلاعات کا تبادلہ، ملٹری ادویات اور ماہرین کا تبادلہ، وغیرہ جیسے ابھرتے ہوئے شعبوں میں تعاون کو مزید مضبوط کرنے اور توسیع دینے  کا فیصلہ کیا۔ انہوں نے علاقائی سلامتی کی صورتحال پر نظریات کا تبادلہ کیا۔

اس موقع پر، باہمی آبدوز تلاش اور بچاؤ   میں حمایت اور تعاون کے لیے ایک مفاہمتی عرضداشت پر دستخط بھی کیے گئے ، تاکہ آبدوز کی تلاش اور بچاؤ کے آپریشنوں میں حمایت اور تعاون کے لیے ایک فریم ورک تشکیل دیا جا سکے ۔

طرفین نے تحقیق، مشترکہ کاروبار، دفاعی پیداوار کےلیے آلات اور ساز و سامان کی خریداری کے ساتھ ساتھ ماہرین اور ڈیزائن کے تبادلے، اور آلات کے پروڈکشن میں تکنالوجی کی منتقلی، اعلیٰ تکنالوجی اور بنیادی تکنالوجی کے شعبوں ، اور مشترکہ تعان کو فروغ دینے کے لیے دفاعی صنعتی تعاون کو مضبوط کرنے کی غرض سے منظوری نامے پر دستخط کیے ۔

بھارت کے دفاعی پروڈکشن کے محکمے اور ویتنام کے جنرل ڈپارٹمنٹ آف ڈفینس انڈسٹری کے مابین دفاعی صنعتی تعاون کے لیے جاری نفاذکاری بندوبست کے تحت طرفین نے دسمبر 2025 میں ایک میٹنگ کے انعقاد کا فیصلہ کیا ہے۔

بعد ازاں، دفاع کے سکریٹری نے نیشنل ڈفینس آف ویتنام کے وزیر جنرل پھام وین گیانگ کو فون کیا  اور انہیں 15ویں ڈی پی ڈی کے دوران لیے گئے اہم فیصلوں کے بارے میں بتایا۔ 16ویں ڈی پی ڈی کا اہتمام 2026میں بھارت میں کیا جائے گا۔

ڈی پی ڈی بھارت – ویتنام دفاعی شراکت داری کا جائزہ لینے اور رہنمائی کے لیے، اور بھارت – ویتنام مشترکہ وژن اسٹیٹمنٹ 2030 میں شامل پہل قدمیوں کو آگے بڑھانے کے لیے ایک اہم میکنزم کے طور پر کام کرتا ہے۔ باہمی دفاعی تعاون بھارت – ویتنام جامع کلیدی شراکت داری کا ایک اہم ستون ہے۔

ویتنام کو بھارت کی ایکٹ ایسٹ پالیسی میں کلیدی حیثیت حاصل ہے اور یہ بھارت کے انڈو-پیسفک وژن میں ایک اہم شراکت دار ہے۔ دفاعی سکریٹری کے دورۂ ویتنام نے دفاعی شعبے میں تعاون کو مزید مضبوط کیا ہے۔

**********

 

(ش ح –ا ب ن- ع ر)

U.No:1053

(Release ID: 2188539) Visitor Counter : 5