روحانی اور ثقافتی شراکت داری کے ایک گہرے مظہر کے طور پر، بھارت کے نیشنل میوزیم، نئی دہلی میں رکھے گئے بھگوان بدھ کے مقدس آثار 8 تا 18 نومبر 2025 تک عوامی نمائش کے لیے مملکت بھوٹان پہنچ گئے ہیں۔

حکومت ہند کے سماجی انصاف اور تفویض اختیارات کے مرکزی وزیر ڈاکٹر وریندر کمار کی قیادت میں ہندوستانی وفد سینئر بدھ راہبوں اور عہدیداروں پر مشتمل ہے ۔  یہ نمائش ہندوستان اور بھوٹان کے درمیان پائیدار ثقافتی اور روحانی شراکت داری میں ایک اور سنگ میل کی نشاندہی کرتی ہے ۔

پارو انٹرنیشنل ایئرپورٹ پہنچنے پر مقدس آثار کا بھوٹان کی شاہی حکومت  کے وزیر داخلہ عزت مآب  ایچ۔ای۔ ٹشیرنگ، بھوٹان کے مرکزی خانقاہی ادارے کی ایچ۔ای۔ ٹشوکی لوپن، پارو (زونگکھگ) کے میئر نوربو وانگچک، بھارت کے بھوٹان میں سفیر جناب سندیپ آریہ اور بھوٹان کے سینئر عہدیداران و راہبوں کی جانب سے گہری عقیدت کے ساتھ استقبال کیا گیا۔تقریب کے دوران شاہی ملکہ کی والدہ آشی دورجی وانگمو وانگچک اور شاہی عظمت شہزادہ جیگیئل یوگین وانگچک نے بھی مقدس آثار کو خراج عقیدت پیش کیا ۔

رسمی استقبال کے بعد ، مقدس باقیات کو تھمپو میں تاشیچو زونگ کے گرینڈ کوینری ہال میں لے جایا گیا ، جہاں انہیں روایتی مذہبی رسومات کے ساتھ نصب کیا گیا ۔

اس موقع پر خطاب کرتے ہوئے ڈاکٹر وریندر کمار نے ہندوستانی وفد کی قیادت کرتے ہوئے اپنے گہرے اعزاز کا اظہار کرتے ہوئے کہا کہ’’یہ نمائش بھگوان بدھ سے متاثر امن اور ہمدردی کے مشترکہ ورثے کو تقویت دیتے ہوئے ہندوستان اور بھوٹان کے درمیان ثقافتی اور روحانی تعلقات کو مضبوط کرتی ہے۔’’

بھوٹان کے وزیرِ اعظم، ٹشیرنگ ٹوبگے نے مقدس آثار کو بھوٹان لانے پر حکومتِ بھارت کا دلی شکریہ ادا کیا۔ انہوں نے کہا کہ اس تہوار کا تصور بھوٹان کے بادشاہ نے عالمی امن اور ہم آہنگی کی علامت کے طور پر پیش کیا تھا۔ وزیرِ اعظم نے وزارتِ ثقافت، حکومتِ بھارت، اور انٹرنیشنل بدھ کنفیڈریشن (آئی بی سی) کی مشترکہ کوششوں کی تعریف کی اور اس تقریب کو ‘‘بھوٹان-بھارت تعلقات میں ایک اہم سنگِ میل’’ قرار دیا۔ انہوں نے اس مقدس دورے کی سہولت فراہم کرنے پر وزیرِ اعظم جناب نریندر مودی کا بھی شکریہ ادا کیا اور دونوں ممالک کے درمیان گہرے روحانی اور ثقافتی تعلقات پر زور دیا۔

 

 

نمائش کے دوران، انٹرنیشنل بدھ کنفیڈریشن (آئی بی سی) تین موضوعاتی نمائشیں منعقد کرے گی تاکہ روحانی تجربے کو مزید وسعت دی جا سکے: 1. گرو پدم سمبھو: ہندوستان میں 'روشن گرو' کی زندگی اور مقدس مقامات کا سراغ لگانا

2. شاکیوں کی مقدس میراث: بدھ کے آثار کی کھدائی اور اہمیت

3. بدھ کی زندگی اور تعلیمات: روشن خیالی کے راستے سے ایک سفر

بدھ مت صدیوں سے بھوٹانی شناخت کا بنیاد رہا ہے ، جو اس کی ثقافت ، حکمرانی اور مجموعی قومی خوشی (جی این ایچ) کے فلسفے کی تشکیل کرتا ہے۔   کیچو لہکھنگ (7 ویں صدی) جیسی قدیم پناہ گاہوں سے لے کر مشہور پارو تکتسانگ تک ، گرو پدم سمبھو کی تعلیمات بھوٹان کی روحانی زندگی اور قومی اخلاقیات کو متاثر کرتی رہتی ہیں ۔

 

 

یہ مقدس نمائش بھارت کی اس جاری روایت کا حصہ ہے جس کے تحت وہ اپنی بدھ مت وراثت کو دنیا کے ساتھ بانٹتا رہتا ہے۔ یہ نمائش منگولیا، تھائی لینڈ، ویتنام، اور روس کے کالمیکیا خطے میں کامیاب بین الاقوامی آثار کی نمائشوں کے بعد منعقد کی جا رہی ہے، نیز پپراہوا جیول ریلیکز کی بھارت واپسی کی تاریخی تقریب کے بعد، جسے وزیرِ اعظم جناب نریندر مودی نے قومی فخر کے لمحے کے طور پر منایا۔

بھوٹان میں یہ نمائش امن، ہمدردی اور اتحاد کی ایک لازوال علامت کے طور پر کھڑی ہے ۔ جو بھگوان بدھ کی ابدی تعلیمات کے ذریعے بھارت اور بھوٹان کے عوام کو جوڑنے والے روحانی رشتے کی تصدیق کرتی ہے۔

۔۔۔۔۔۔۔۔۔۔

ش ح۔ش آ۔ن م۔

U-1013

(ریلیز آئی ڈی: 2188309) وزیٹر کاؤنٹر : 43