سینٹر فار ڈیولپمنٹ آف ٹیلی میٹکس (سی-ڈاٹ) محکمہ ٹیلی مواصلات (ڈی او ٹی) کی وزارت مواصلات ، حکومت ہند کا اہم تحقیق و ترقی مرکز اور انڈین انسٹی ٹیوٹ آف ٹیکنالوجی ، گاندھی نگر (آئی آئی ٹی-جی این) جو حکومت ہند کے قائم کردہ اہم اداروں میں سے ایک ہے ،انھوں نے ٹیلی کام اور سائبر سیکورٹی کے شعبے میں دیسی مصنوعات کی جدید تحقیق ، اختراع اور ترقی کو فروغ دینے کے لیے ایک سینٹر آف ایکسی لینس (سی او ای) کے قیام کے لیے ایک مفاہمت نامے پر دستخط کیے ۔

سی-ڈاٹ کی سی او ای پہل کا مقصد معروف اداروں کی تعلیمی مہارت کے ساتھ سی-ڈاٹ کی مہارت کو ہم آہنگ کرکے ٹیلی مواصلات اور ٹکنالوجی میں ہندوستان کی قیادت کو تیز کرنا ہے ۔  یہ مرکز موبائل مواصلات ، سائبر سیکورٹی ، کوانٹم کمیونیکیشن ، ایڈوانسڈ اے آئی ، اور ایڈوانسڈ ٹیلی کام ایپلی کیشنز جیسے اہم شعبوں میں سی-ڈاٹ کی موجودہ مہارت کے ڈومینز میں مہارت حاصل کرنے پر توجہ مرکوز کرنے کے ساتھ بنیادی اور اطلاقی تحقیق دونوں کے لیے ایک مرکز کے طور پر کام کرے گا ۔

اس مرکز کا مقصد آئی آئی ٹی گاندھی نگر کے طلباء، فیکلٹی، محققین اور سی-ڈاٹ کے محققین کو ایک پلیٹ فارم پر جمع کرنا اور ٹیلی کام اور انفارمیشن اینڈ کمیونی کیشن ٹیکنالوجی (آئی سی ٹی) کے شعبے میں باہم تعاون کو فروغ دینا ہے۔ مجموعی طور پر، یہ مرکز تحقیق کے معیار کو بہتر بنائے گا اور ٹیلی کام اور آئی سی ٹی کے شعبے سے متعلق مسائل اور عملی استعمال کے معاملات کے لئے مؤثر اور قابلِ عمل حل تلاش کرے گا، جبکہ جدید اور ابھرتی ہوئی ٹیکنالوجیز سے استفادہ بھی کرے گا۔یہ مرکز اسٹارٹ اپس، صنعتوں اور تعلیمی اداروں کے ساتھ انکیوبیشن(مدد)، رہنمائی اور اشتراکِ عمل کی بھی حمایت کرے گا، تاکہ اختراع اور کاروباری ماحول کو مضبوط بنایا جا سکے۔ مزید برآں، یہ مرکز قومی ٹیلی کام، سیمی کنڈکٹر اور ڈیجیٹل ٹرانسفارمیشن مشنوں کے تحت تربیتی، صلاحیت سازی اور مہارت افزائی کے پروگرام بھی فراہم کرے گا تاکہ صنعت کے تقاضوں کے مطابق افرادی قوت تیار کی جا سکے۔دونوں ادارے علمی اشاعتوں، پیٹنٹ فائلنگ، مشترکہ سیمینارز اور حتمی مصنوعات کی تیاری میں بھی تعاون کریں گے۔

مفاہمتی یادداشت (ایم او یو) پر باضابطہ دستخط کی تقریب 8 نومبر 2025 کو آئی آئی ٹی گاندھی نگر میں منعقد ہوئی، جس میں ڈاکٹر راج کمار اُپادھیائے، سی-ڈاٹ کے سی ای او، اور ڈاکٹر راجت مونا، ڈائریکٹر آئی آئی ٹی گاندھی نگر نے شرکت کی۔ اس موقع پر سی-ڈاٹ کے سینئر عہدیداران، اور آئی آئی ٹی گاندھی نگر کے اساتذہ و طلباء بھی موجود تھے۔

اس موقع پر اظہارِ خیال کرتے ہوئے سی-ڈاٹ کے سی ای او ڈاکٹر راج کمار اُپادھیائے نے کہا کہ سی اوای کے قیام کا مقصد سی-ڈاٹ اور آئی آئی ٹی گاندھی نگر کی صلاحیتوں اور وسائل کو یکجا کرتے ہوئے ایک متحرک اور اشتراکی ماحول قائم کرنا ہے۔ اُنہوں نے کہا کہ ایسے اقدامات اگلی نسل کی ٹیلی کام ٹیکنالوجیز کے فروغ، دانشورانہ ملکیت کی تخلیق کے لیے حوصلہ افزائی، اور ٹیکنالوجی کے میدان میں بھارت کو عالمی رہنما بنانے میں اہم کردار ادا کرتے ہیں، جو ‘‘آتم نربھَر بھارت’’ اور ‘‘وکست بھارت’’ کے وژن کے مطابق ہے۔اُنہوں نے مزید کہا کہ سی-ڈاٹ ایک خود انحصار بھارت کا تصور رکھتا ہے، جو نہ صرف اپنی تکنیکی ضروریات خود پوری کرے بلکہ مقامی اختراع اور صلاحیت سازی کے ذریعے عالمی ترقی میں بھی مؤثر کردار ادا کرے، جیسا کہ حکومت کے ‘‘آتم نربھَر بھارت’’ کے وژن میں بیان کیا گیا ہے۔

اس موقع پر اظہارِ خیال کرتے ہوئے پروفیسر راجت مونا، ڈائریکٹر آئی آئی ٹی گاندھی نگر نے کہا کہ ڈیجیٹل اور مواصلاتی ٹیکنالوجیز میں خود انحصاری، ساتھ ہی سائبر سیکیورٹی، ہمارے ملک کی سلامتی، ترقی اور تعمیر کے لیے انتہائی ضروری ہے۔ یہ مفاہمتی یادداشت دونوں اداروں کی صلاحیتوں کو یکجا کرتی ہے اور مقامی صلاحیت، ترقی اور اختراع کو فروغ دینے کی سمت ایک اہم قدم ہے، جو نئی اختراعات کو فروغ دے گی اور جدید و ابھرتی ٹیکنالوجیز سے فائدہ اٹھانے میں مددگار ثابت ہوگی۔

سی-ڈاٹ کے سی ای او ڈاکٹر راجکمار اپادھیائے اور آئی آئی ٹی گاندھی نگر کے ڈائریکٹر ڈاکٹر رجت مونا مفاہمت نامے پر دستخط کی تقریب کے دوران ۔

سی-ڈاٹ کے سی ای او ڈاکٹر راجکمار اپادھیائے اور آئی آئی ٹی گاندھی نگر کے ڈائریکٹر ڈاکٹر رجت مونا مفاہمت نامے پر دستخط کی تقریب کے بعد ۔

آئی آئی ٹی گاندھی نگر میں سی-ڈاٹ کا وفد

 

ڈاکٹر راجکمار اُپادھیائے، سی-ڈاٹ کے سی ای او، آئی آئی ٹی گاندھی نگر میں ایک سیشن کے دوران اپنے خیالات کا اظہار کرتے ہوئے۔

 

ش ح۔ ش آ۔ن م

U. No-1012

(Release ID: 2188207) Visitor Counter : 6