کمپیٹیشن کمیشن آف انڈیا (سی سی آئی) نے گرنار فنسر پرائیویٹ لمیٹڈ، گرنار انشورنس بروکرز پرائیویٹ لمیٹڈ، ڈی ٹو سی کنسلٹنگ سروسز پرائیویٹ لمیٹڈ، اور آر بی اِنفو سروسز پرائیویٹ لمیٹڈ کے آرٹیویٹک ڈیٹا لیبز پرائیویٹ لمیٹڈ میں مجوزہ انضمام کی منظوری دے دی ہے۔

گرنار فنسر پرائیویٹ لمیٹڈ (گرنار فنسر) ایک پرائیویٹ لمیٹڈ کمپنی ہے جو گرنار سافٹ ویئر پرائیویٹ لمیٹڈ (جی ایس پی ایل) کے زیرِ کنٹرول ہے۔ یہ کمپنی بھارت میں مارکیٹنگ اور مواصلاتی خدمات فراہم کرتی ہے۔

گرنار انشورنس بروکرز پرائیویٹ لمیٹڈ (گرنار انشورنس) بھی ایک پرائیویٹ لمیٹڈ کمپنی ہے اور یہ بھی جی ایس پی ایل کے زیرِ کنٹرول ہے۔ یہ کمپنی اپنے پلیٹ فارم انشورنس دیکھو کے ذریعے بھارت میں مختلف انشورنس مصنوعات کی تقسیم میں مصروف ہے۔ انشورنس دیکھو کے پاس انشورنس ریگولیٹری اینڈ ڈیولپمنٹ اتھارٹی آف انڈیا (آئی آر ڈی اے آئی) سے کمپوزٹ بروکنگ لائسنس حاصل ہے۔

گرنار سافٹ ویئر پرائیویٹ لمیٹڈ (جی ایس پی ایل) ایک پرائیویٹ لمیٹڈ کمپنی ہے جو مختلف ڈیجیٹل پلیٹ فارمز کی مالک اور منتظم ہے، جن میں کار دیکھو، بائیک دیکھو، ٹریکٹر دیکھو، ٹرک دیکھو، بائیسائیکل دیکھو، بس دیکھو، بیٹری دیکھو، روپی، کار دیکھو آکشنز، پاور ڈرفٹ، زیگ وہیلز، ریو، کالج دیکھو، اور کریک ایڈ وغیرہ شامل ہیں۔

ڈی ٹو سی انشورنس بروکنگ پرائیویٹ لمیٹڈ (ڈی ٹو سی انشورنس) آن لائن اور آف لائن دونوں ذرائع سے انشورنس بروکریج خدمات فراہم کرتی ہے۔ یہ کمپنی آئی آر ڈی اے آئی بروکر ریگولیشنز کے تحت ڈائریکٹ بروکر (لائف اینڈ جنرل انشورنس) کے طور پر لائسنس یافتہ ہے۔

ڈی ٹو سی کنسلٹنگ سروسز پرائیویٹ لمیٹڈ (ڈی ٹو سی کنسلٹنگ) مارکیٹنگ اور انتظامی مشاورتی خدمات فراہم کرتی ہے۔

آر بی اِنفو سروسز پرائیویٹ لمیٹڈ (آر بی اِنفو) صحت و تندرستی سے متعلق مصنوعات کی فروخت میں سرگرم ہے اور قرضوں اور کریڈٹ کارڈز کے لیے براہِ راست فروخت کنندہ ایجنٹ کے طور پر کام کرتی ہے۔ ڈی ٹو سی کنسلٹنگ، ڈی ٹو سی انشورنس، اور آر بی اِنفو مل کر رینو بائی پلیٹ فارم چلاتی ہیں، جو انشورنس اور مالیاتی مصنوعات کو آسان بناتا ہے اور اپنے ڈیجیٹل طور پر فعال مشیروں کے ذریعے صارفین تک رسائی فراہم کرتا ہے۔

آرٹیویٹک ڈیٹا لیبز پرائیویٹ لمیٹڈ (آرٹیویٹک) بیمہ سے متعلق آئی ٹی خدمات فراہم کرنے والی کمپنی ہے، جو اے پی آئی پر مبنی اور ایس اے اے ایس حل پیش کرتی ہے، تاکہ ضمانت اور دعووں کے عمل میں سہولت فراہم کی جا سکے۔

مجوزہ امتزاج کے تحت یہ منصوبہ بنایا گیا ہے کہ گرنار فنسر، گرنار انشورنس، ڈی ٹو سی کنسلٹنگ، اور آر بی اِنفو کو آرٹیویٹک ڈیٹا لیبز پرائیویٹ لمیٹڈ میں ضم کر دیا جائے گا، جیسا کہ 12 مئی 2025 کو کیے گئے انضمام کے فریم ورک معاہدے (ایم ایف اے) میں طے کیا گیا ہے۔

کمیشن کا تفصیلی حکم بعد میں جاری کیا جائے گا۔

***

(ش ح۔اس ک  )

UR-953

(Release ID: 2187607) Visitor Counter : 6