انتظامی اصلاحات اور عوامی شکایات کے محکمے کی رہنمائی میں محکمہ دیہی ترقی نے 02.10.2025 سے 31.10.2025 تک ایس سی ڈی پی ایم 5.0 کے تحت مختلف سرگرمیاں انجام دیں جس میں زیر التواء معاملات کو نمٹانے پر خصوصی توجہ دی گئی ۔ ان میں ایم پی حوالہ جات ، ریاستی حوالہ جات ، پی ایم او حوالہ جات ، پارلیمنٹ کی یقین دہانی ، عوامی شکایات ، عوامی شکایات کی اپیل اور بین وزارتی مشاورت (آئی ایم سی) کے معاملات شامل ہیں ۔

جاری مہم نے کلیدی شعبوں میں اہم نتائج حاصل کیے  جو صاف ستھرے ، فعال اور شہریوں پر مرکوز دفتری مقامات بنانے کے مقصد کے ساتھ موثر حکمرانی کے لیے مضبوط عزم کا مظاہرہ کرتے ہیں جو اچھی حکمرانی کے جذبے کو ظاہر کرتے ہیں ۔  خصوصی مہم 5.0 کی اہم کامیابیاں درج ذیل ہیں:

خصوصی مہم کے دوران محکمہ نے تمام  ہدف شدہ4,231 فزیکل فائلوں اور 2,176 الیکٹرانک فائلوں کا بھی جائزہ لیا۔ 1,123 فزیکل فائلیں ہٹا دی گئیں اور 502 الیکٹرانک فائلیں بند کر دی گئیں۔ اسکریپ؍ای-کچرے کو ٹھکانے لگانے سے کل 1,13,874 روپے کی آمدنی ہوئی۔ مہم کے دوران تقریباً 1,200 مربع فٹ فرش ایریا کوخالی کرایا گیا۔ محکمہ نے دیہی ترقیات کے محکمے کے عہدیداروں کے شرمدان کے ساتھ تمام 3 ٹارگٹ آؤٹ ڈور صفائی مہم بھی چلائی۔ روزانہ کی پیشرفت کی نگرانی ایک سرشار ٹیم کے ذریعہ کی گئی اورڈی اے آر پی جی کے زیر اہتمام ایس سی ڈی پی ایم پورٹل پر ڈیٹا اپ لوڈ کیا گیا۔

خصوصی مہم کے تحت کی جانے والی کوششوں کو مختلف سوشل میڈیا پلیٹ فارمز پر پوسٹ کیا گیا تاکہ اس مہم کے بارے میں لوگوں کو باخبرکیا جا سکے۔ محکمے نے اس موقع کو دفتر کے احاطے کو بے ترتیبی سے پاک کرنے، مشترکہ علاقوں کو صاف کرنے اور دفتری کمروں کو برقرار رکھنے کے لیے استعمال کیا۔

محکمہ دیہی ترقی نے صفائی کی خصوصی مہم کے لیے مقرر کردہ زیادہ تر اہداف حاصل کر لیے ہیں اور اپنے دفاتر میں زیر التواء معاملوں کو بھی کم کر دیا ہے۔

*****

(ش ح ۔‎م ح۔ت ع(

U. NO.843

(रिलीज़ आईडी: 2186872) आगंतुक पटल : 10