میزورم کے اپنے دورے کے اختتام سے قبل، مرکزی وزیر ڈاکٹر جتیندر سنگھ نے راج بھون میں میزورم کے گورنر جنرل (ریٹائرڈ) وی کے سنگھ سے ملاقات کی، جہاں دونوں رہنماؤں نے شمال مشرقی خطے میں امن اور خوشحالی کو مزید فروغ دینے کے مقصد سے مختلف ترقیاتی اور سماجی اقدامات پر گفتگو کی۔

ملاقات کے دوران، گورنر نے شمال مشرق میں امن اور استحکام کو مضبوط بنانے کے لیے مودی حکومت کی مسلسل کوششوں کی تعریف کی اور مشاہدہ کیا کہ خطے نے گزشتہ دہائی میں نمایاں تبدیلی دیکھی ہے۔

گفتگو کا ایک اہم پہلو اَروما مشن کے تحت لیونڈر کی کاشت کے پروگرام کو میزورم میں متعارف کرانے کی تجویز تھا۔ یہ پہل جموں و کشمیر میں شروع ہوئی اور بعد ازاں دیگر ہمالیائی ریاستوں تک پھیلائی گئی، جہاں اس نے دیہی روزگار پیدا کرنے اور زرعی بنیادوں پر کاروباری سرگرمیوں کو فروغ دینے کے حوالے سے حوصلہ افزا نتائج دکھائے ہیں۔

گورنر نے اروناچل پردیش اور ناگالینڈ میں اس کے کامیاب نفاذ کے بعد میزورم کے بالائی علاقوں میں اس ماڈل کو دہرانے میں دلچسپی ظاہر کی۔

ڈاکٹر جتیندر سنگھ نے اس تجویز کا خیرمقدم کرتے ہوئے کہا کہ وزارتِ سائنس و ٹیکنالوجی، سی ایس آئی آر کے ذریعے، جلد ہی میزورم میں لیونڈر کے کاروباری پروگرام کے آغاز کے لیے ایک عملی منصوبہ تیار کرے گی۔ انہوں نے کہا کہ ایسے اقدامات نہ صرف مقامی نوجوانوں اور کسانوں کو بااختیار بناتے ہیں بلکہ شمال مشرق جیسے ماحولیاتی طور پر زرخیز خطوں میں پائیدار روزگار کے مواقع بھی فراہم کرتے ہیں۔

وزیر نے نشاندہی کی کہ وزیرِ اعظم نریندر مودی نے عہدہ سنبھالنے کے بعد شمال مشرق کا تقریباً 60 مرتبہ دورہ کیا—جو تمام سابقہ وزرائے اعظم کے مجموعی دوروں سے بھی زیادہ ہے—یہ اس بات کی علامت ہے کہ حکومت اس خطے کی ترقی اور  ملکی  ترقیاتی ایجنڈے کے ساتھ اس کے انضمام کے لیے کتنی گہری وابستگی رکھتی ہے۔

ملاقات نے جامع ترقی، علاقائی امن، اور اختراعی بنیادوں پر مبنی ترقی پر مرکز کی مسلسل توجہ کو اجاگر کیا۔ میزورم میں لیونڈر کی کاشت کے مجوزہ پروگرام سے توقع ہے کہ یہ ریاست کے کسانوں کے لیے نئے مواقع پیدا کرے گا، جبکہ شمال مشرق بھر میں خود انحصار اور ماحولیاتی لحاظ سے پائیدار ترقی کے وسیع تر مشن کو بھی تقویت دے گا۔

*****

 

 ( ش ح۔ اس ک۔ ن ع)

U.No.566

(Release ID: 2184787) Visitor Counter : 10