پنچایتی راج کی وزارت 2 اکتوبر سے 31 اکتوبر 2025 تک خصوصی مہم 5.0 کے تحت سرگرمیاں انجام دے رہی ہے۔ وزارت نے عوامی شکایات کے ازالے، ریکارڈ کے انتظام اور صفائی جیسے اہم شعبوں میں نمایاں کامیابی حاصل کی ہے۔ 27 اکتوبر 2025 تک وزارت نے زیر التواء معاملات کے ازالے کے لیے خصوصی مہم کے تحت 299 عوامی شکایات اور 104 عوامی شکایتی اپیلوں کا 100 فیصد ازالہ کر لیا ہے۔ مہم کے دوران چار صفائی مہمات بھی چلائی گئیں اور تمام طے شدہ اہداف حاصل کیے گئے۔جائزے کے لیے شناخت کی گئی 150 فزیکل فائلوں میں سے 100 (یعنی 67 فیصد) فائلوں کا جائزہ مکمل کیا گیا، جب کہ مختلف شعبوں میں 460 ای-فائلوں میں سے 355 (یعنی 77 فیصد) فائلوں کی جانچ کی گئی۔ اب تک، باقاعدہ بعد کی کارروائی کے حصے کے طور پر، وزارتِ پنچایتی راج ریاستوں اور مرکز کے زیر انتظام علاقوں کی پنچایتی راج محکموں کے ساتھ مستقل رابطے میں ہے تاکہ عوامی شکایات کا بروقت حل یقینی بنایا جا سکے۔

وزارتِ پنچایتی راج کے سکریٹری، جناب وویک بھاردواج  نے 24 اکتوبر 2025 کو مہم کے جاری نفاذی مرحلے کا جائزہ بھی لیا۔ اب تک وزارت نے اپنے دہلی دفتر میں متعدد صفائی مہمات چلائی ہیں، جن کا آغاز 1 اکتوبر 2025 کو سکریٹری کی قیادت میں نئی دہلی کے کناٹ پلیس میں شرمدان پہل سے کیا گیا تھا۔دفاتر کے مجموعی ماحول میں بہتری کے حصے کے طور پر پرانی اشیاء اور آلات کو تلف کیا گیا، ریکارڈ مینجمنٹ پر ورکشاپ منعقد کی گئی وغیرہ۔ وزارت مکمل طور پر ای-آفس پلیٹ فارم پر کام کر رہی ہے، جس سے بروقت کارروائی، زیر التواء معاملات میں کمی، اور ریاستوں و مرکز کے زیر انتظام علاقوں کو پنچایت سطح پر اسی طرزِ عمل کو اپنانے کی ترغیب دی جا رہی ہے۔

 

************

ش ح ۔   م  د ۔  م  ص

(U :  370 )

(ریلیز آئی ڈی: 2183118) وزیٹر کاؤنٹر : 26