ریلوے کی وزارت
مرکزی وزیر اشونی ویشنو کا آنند وہار ریلوے اسٹیشن پر ہجوم کے نظم و نسق کا معائنہ، مسافروں سے راست گفتگو
ریلوے سے متعلق جعلی ویڈیوز پھیلانے والوں کے خلاف سخت کارروائی: اشونی ویشنو
تہواروں کے موسم میں 12 لاکھ ریلوے ملازمین دن رات خدمات انجام دے رہے ہیں: وزیرِ ریلوے
Posted On:
19 OCT 2025 9:34PM by PIB Delhi
ریلوے، اطلاعات و نشریات اور الیکٹرانکس و انفارمیشن ٹیکنالوجی کے مرکزی وزیر جناب اشوِنی ویشنو نے آج آنند وہار ریلوے اسٹیشن کا اچانک معائنہ کیا تاکہ تہواروں کے موسم میں مسافروں کی سلامتی اور سہولت کو یقینی بنایا جا سکے۔
مرکزی وزیر نے اسٹیشن کے ہولڈنگ ایریا کا معائنہ کیا اور مسافروں سے براہِ راست گفتگو بھی کی۔ اس دوران انہوں نے اسٹیشن کے احاطے کی صفائی اور فراہم کی جا رہی سہولیات کے بارے میں مسافروں سے رائے حاصل کی۔
میڈیا سے گفتگو کرتے ہوئے جناب ویشنو نے کہا کہ ریلوے نے بڑے پیمانے پر انتظامات کیے ہیں تاکہ زبردست بھیڑ کے باوجود مسافروں کو کسی قسم کی دقت کا سامنا نہ کرنا پڑے۔ انہوں نے کہا کہ مسافروں کی سہولت اور حفاظت ریلوے کی اولین ترجیحات میں شامل ہیں۔ انہوں نے یہ بھی بتایا کہ سوشل میڈیا پر ریلوے کے بارے میں جعلی ویڈیوز پھیلانے والوں کے خلاف سخت کارروائی کی جا رہی ہے اور عوام سے اپیل کی کہ وہ اس طرح کی ویڈیوز کو ہرگز شیئر نہ کریں۔
مرکزی وزیر نے اعتماد ظاہر کیا کہ ہجوم کے نظم و نسق اور مسافروں کی سہولت کے لیے کیے گئے یہ جامع انتظامات آنے والے بڑے تہواروں، جیسے دیوالی اور چھٹھ کے دوران لاکھوں مسافروں کے لیے محفوظ اور ہموار سفر کو یقینی بنائیں گے۔
مرکزی وزیر نے کہا کہ تہواروں کے موسم میں 12 لاکھ ریلوے ملازمین دن رات کام کر رہے ہیں اور زیادہ سے زیادہ ٹرینیں چلانے کی کوشش کی جا رہی ہے۔
معائنے کے دوران، ریلوے بورڈ کے چیئرمین اور سی ای او جناب ستیش کمار اور شمالی ریلوے کے جنرل منیجر جناب اشوک کمار ورما دیگر کئی سینئر ریلوے افسران کے ہمراہ موجود تھے۔
*****
ش ح۔ ش ا ر۔ ول
Uno- 89
(Release ID: 2180957)
Visitor Counter : 6