مصالحہ جات اور جڑی بوٹیوں سے متعلق کوڈیکس کمیٹی (سی سی ایس سی ایچ8) کا آٹھواں اجلاس گوہاٹی میں کامیابی کے ساتھ اختتام پذیر ہوا، جس نے عالمی سطح پر مصالحہ جات کے معیار سازی کے شعبے میں ایک اہم سنگ میل حاصل کیا ہے۔ اجلاس کی ایک اہم جھلک یہ تھی کہ بڑی الائچی، ونیلا اور دھنیا کے لئے تین نئے معیارات کو حتمی شکل دی گئی، جنہیں اب کوڈیکس ایلیمینٹیریس کمیشن کے ذریعے اپنانے کی سفارش  کی گئی ہے۔

2013 میں ہندوستان کی درخواست پر قائم کی گئی، کوڈیکس کمیٹی برائے مصالحہ جات اور جڑی بوٹیاں کوڈیکس ایلیمینٹیریس کمیشن کے تحت کام کرتی ہیں، جو ایف او اے اور ڈبلیو ایچ او کا مشترکہ ادارہ ہے۔ بھارت، جس کی نمائندگی وزارت تجارت اور صنعت کے تحت مصالحہ بورڈ کرتا ہے، کمیٹی کے سکریٹریٹ کے طور پر کام کرتا ہے اور مصالحوں اور جڑی بوٹیوں کے عالمی معیارات کو تشکیل دینے میں کلیدی کردار ادا کرتا ہے۔ موجودہ سیشن میں تین نئے معیارات کو حتمی شکل دینے کے ساتھ، کوڈیکس کمیٹی برائے مصالحہ جات اور جڑی بوٹیوں نے کالی مرچ، ہلدی، زیرہ، جائفل، الائچی اور زعفران سمیت 19 مصالحوں کے معیارات کو حتمی شکل دی ہے۔

خصوصاً ونیلا کے معیار پر متعدد اجلاس کے دوران بحث ہوتی رہی، جس کی وجہ ذائقہ کیمیا اور پروسیسنگ میں مختلف کیفیت کی تکنیکی پیچیدگیاں تھیں۔اس کی کامیاب تکمیل سائنسی اصولوں سے سمجھوتہ کیے بغیر مصالحوں کے معیار اور حفاظت کو یقینی بنانا ہے۔

مصالحہ بورڈ کی سکریٹری محترمہ پی ہیم لتا آئی اے ایس نے کہا کہ‘‘کوڈیکس میں اب ایک یکساں معیار کے ساتھ، دنیا بھر میں کاشتکاروں، پروسیسرز اور بڑی الائچی، ونیلا اور دھنیا کے برآمد کنندگان کے پاس عالمی سطح پر ایک تسلیم شدہ حوالہ نقاط ہوں گے، جو انہیں زیادہ وضاحت اور اعتماد کے ساتھ کام کرنے کے قابل بنائے گا، جس سے عالمی صارفین کو بھی فائدہ پہنچے گا’’۔

انہوں نے مزید کہا، ‘‘یہ نئے معیارات عالمی مصالحوں کی تجارت کے لیےبے حد اہم ہیں۔ بھارت، جو بڑے الائچی اور دھنیا کا اہم پیدا کرنے والا اور برآمد کنندہ ہے، یکساں عالمی معیار سے فائدہ اٹھانے کی توقع رکھتا ہے، جس سے مارکیٹ تک رسائی آسان ہوگی اور برآمداتی مسابقت مضبوط ہوگی۔ اگرچہ ونیلا بڑی حد تک بھارت میں درآمد کی جاتی ہے، یکساں معیار قائم کرنے سے عالمی تجارت میں مستقل مزاجی اور صارفین کے اعتماد کو یقینی بنایا جاتا ہے۔’’

کوڈیکس ایلیمینٹیریس کمیشن کی سینئر فوڈ سیفٹی آفیسر ڈاکٹر ہلڈے کروس نے کہا کہ ‘‘سی سی ایس سی ایچ کے آٹھویں سیشن میں 30 ممالک اور مبصرین نے فعال شرکت کی، جو کہ عالمی مصالحہ کی تجارت میں معیار، حفاظت اور اصلیت کو یقینی بنانے کی اہمیت کے بارے میں بڑھتی ہوئی بین الاقوامی بیداری کی عکاسی کرتی ہے۔ وہ معیارات جو صارفین کی حفاظت کرتے ہیں اور منصفانہ تجارت کو فروغ دیتے ہیں، یہ مضبوط شرکت اس تحریک میں سب سے آگے سب سے زیادہ تجارت کی جانے والی اشیاء میں سے ایک کے طور پر، مصالحہ جات کے ساتھ، کھانے کی مصنوعات میں تصدیق شدہ معیار اور ٹریس ایبلٹی کی بڑھتی ہوئی عالمی مانگ کو بھی اجاگر کرتی ہے۔’’

سی سی ایس سی ایچ کے میزبان ملک کے طور پر، بھارت سائنسی اور ریگولیٹری معلومات کو مربوط کرتے ہوئے تمام کوڈیکس ممبر ممالک کی شرکت کو ممکن بنا رہا ہے، تاکہ اس بات کو یقینی بنایا جا سکے کہ مصالحے کے لیے اجتماعی عالمی معیار بین الاقوامی بہترین طور طریقوں اور اس شعبے میں بھارت کی دیرینہ مہارت کی عکاسی کرتے ہیں۔ کوڈیکس کے معیار کسانوں، پروسیسرز اور برآمد کنندگان کے لیے واضح معیارات فراہم کرتے ہیں، بہترین طریقوں کی حوصلہ افزائی کرتے ہیں، تجارتی رکاوٹوں کو کم کرتے ہیں، اور عالمی مصالحہ جات کی سپلائی چین میں صارفین کے اعتماد کو بڑھاتے ہیں۔ سی سی ایس سی ایچ میں ہندوستان کی قیادت ملکی معیار کے نظام کو بین الاقوامی معیارات کے ساتھ ہم آہنگ کرتی ہے، محفوظ، اعلیٰ معیار کے مصالحوں کے قابل بھروسہ سپلائر کے طور پر ملک کی پوزیشن کو مضبوط کرتی ہے۔

سی سی ایس سی ایچ کے سیکرٹریٹ کے طور پر، ہندوستانی مصالحہ بورڈ  نے سیشن کو منظم کرنے، شرکت کو مربوط کرنے، ورکنگ دستاویز کی تیاری، اور کوڈیکس کے طریقہ کار کی پابندی کو یقینی بنانے میں کلیدی کردار ادا کیا۔ اپنی مسلسل کوششوں کے ذریعے، اسپائسز بورڈ عالمی سطح پر مصالحہ جات کے معیارات کی تشکیل اور دنیا بھر میں مصالحہ کی منصفانہ، محفوظ اور شفاف تجارت کو فروغ دینے میں ہندوستان کے اہم کردار کو بڑھانا جاری رکھے ہوئے ہے۔

تقریباً 30 ممالک اور مبصرین نے اس سیشن میں حصہ لیا، جو کہ ہم آہنگ، سائنس پر مبنی معیارات کے لیے مضبوط بین الاقوامی عزم کی عکاسی کرتا ہے جو خوراک کی حفاظت اور مصالحوں کی منصفانہ تجارت کو فروغ دیتے ہیں۔سی سی ایس سی ایچ آٹھ کی میزبانی کے ذریعے بھارت نے عالمی مصالحہ جات کے شعبے میں ایک قابل اعتماد شراکت دار کے طور پر اپنی حیثیت کو اجاگر کیا، جس سے بین الاقوامی مارکیٹوں میں تعاون اور اعتماد کو فروغ ملتا ہے۔

***

ش ح۔ ک ا۔ ش ب ن

U.NO.30

 

(रिलीज़ आईडी: 2180494) आगंतुक पटल : 19