بجلی کی وزارت (ایم او پی) حکومت ہند کی خصوصی مہم 5.0 پہل میں فعال طور پر حصہ لے رہی ہے جس کا مقصد صفائی ستھرائی (سوچھتا)کو فروغ دینا اور دفاتر میں زیر التواء معاملات  کی تعداد کو کم کرنا ہے ۔

سیکرٹری (بجلی) نے آج (14.10.2025) وزارت کے سینئر افسران اور اس کے مرکزی پبلک سیکٹر انٹرپرائزز (سی پی ایس ایز) کے سی ایم ڈی/ڈائریکٹرز، نیز منسلک، ماتحت اور خودمختار تنظیموں کے سربراہان کے ساتھ مہم کی پیشرفت کا جائزہ لیا۔جائزے کے دوران اعلیٰ اہداف طے کرنے، بہتر صفائی ستھرائی، ریکارڈ مینجمنٹ، اور زیرِ التواء معاملات کے بروقت نمٹارے کے لیے وزارت کے اقدامات کو بڑھانے پر زور دیا گیا۔

اس جائزے میں مہم کے نفاذ کے مرحلے (2 اکتوبر تا 31 اکتوبر 2025) کے مقاصد کے مطابق، وزارت کے تحت تمام دفاتر اور تنظیموں کی سرگرمیوں کا احاطہ کیا گیا۔سیکرٹری (بجلی) نے تمام شرکاء کو تیاری کے مرحلے میں طے شدہ اہداف کے حصول کے لیے ہر ممکن کوشش کرنے کی تلقین کی۔

جاری مرحلہ اراکینِ پارلیمنٹ کے حوالہ جات، وزیرِ اعظم دفتر(پی ایم او)، بین الوزارتی مراسلات، عوامی شکایات، اور پارلیمانی یقین دہانیوں جیسے زیرِ التواء معاملات کے ازالے پر مرکوز ہے۔ تمام شریک دفاتر قریبی نگرانی کے تحت باقاعدگی سے پیش رفت رپورٹس جمع کروا رہے ہیں، تاکہ اہداف کی بروقت تکمیل کو یقینی بنایا جا سکے۔مہم کے نفاذ کے مرحلے (2 اکتوبر تا 31 اکتوبر 2025) کے دوران اب تک 310 صفائی مہمات کا انعقاد، 10,249 فائلوں کی صفائی و بندش، 56,381 مربع فٹ رقبے کو غیر ضروری اشیاء سے خالی کرنا، اراکینِ پارلیمنٹ کے 22 حوالہ جات اور 301 عوامی شکایات کا ازالہ، 16 قواعد و ضوابط کو آسان بنانا، اور سکریپ کی نیلامی کے ذریعے 13.6 کروڑ روپے کی آمدنی حاصل کی گئی ہے۔

گزشتہ مہمات کی کامیابیوں کو بنیاد بناتے ہوئے، وزارتِ توانائی خصوصی مہم 5.0 کو مزید مؤثر بنانے کے لیے پُرعزم ہے، تاکہ انتظامی کارکردگی اور پائیداری کے نئے معیارات قائم کیے جا سکیں۔ اس مہم کا مقصد ڈیجیٹلائزیشن کی کوششوں کو مزید مضبوط کرنا، ای-کچرے کے مؤثر انتظام کو یقینی بنانا، اور بجلی کے شعبے میں صفائی و کارکردگی کے کلچر کو فروغ دینا ہے، تاکہ خصوصی مہم 4.0 کی کامیابیوں کو پیچھے چھوڑا جا سکے۔

وزارتِ توانائی ملک گیر سطح پر صفائی ستھرائی اور بہتر طرزِ حکمرانی کے فروغ میں مسلسل شرکت کے ذریعے ایک صاف، مؤثر اور جواب دہ سرکاری نظام کے وژن کو عملی جامہ پہنانے کے لیے پُرعزم ہے۔

***

 

UR-9854

(ش ح۔اس ک  )

(Release ID: 2179116) Visitor Counter : 5