بجلی اور ہاؤسنگ اور شہری امور کے مرکزی وزیر جناب منوہر لال نے جنوبی افریقہ کی جی 20 صدارت کے تحت کوازولو-ناتال ، جنوبی افریقہ میں منعقدہ جی 20 انرجی ٹرانزیشن وزارتی میٹنگ میں ہندوستانی وفد کی قیادت کی ۔

اپنے خطاب میں ، مرکزی وزیر نے اس بات پر زور دیا کہ توانائی کی حفاظت خاص طور پر عالمی جنوب کے لیے سب سے زیادہ دباؤ ڈالنے والے عالمی چیلنجوں میں سے ایک ہے ، انہوں نے اقتصادی استحکام ، پائیداری اور توانائی تک مساوی رسائی کو یقینی بنانے کے لیے جی 20 تعاون کو مضبوط کرنے پر زور دیا ۔

جناب منوہر لال نے 2025 میں مقررہ وقت سے پانچ سال قبل ہی 50فیصد غیرفوسل ایندھن کی صلاحیت کے اپنے قومی سطح پر طے شدہ شراکت (این ڈی سی) کے ہدف کو حاصل کرنے میں ہندوستان کی قابل ذکر پیش رفت پر روشنی ڈالی ۔  انہوں نے خود کو گرین ہائیڈروجن کی پیداوار کے عالمی مرکز کے طور پر قائم کرنے ، پائیدار ترقی کو آگے بڑھانے اور 2047 تک 100 گیگاواٹ جوہری توانائی کی صلاحیت حاصل کرنے کے ہندوستان کے اہمیت کے حامل  صاف توانائی کے اہداف کا خاکہ پیش کیا ۔

 

انہوں نے اپنے خطاب میں بھارت کے بائیو فیول پروگرام کو بھی ایک بڑی کامیابی کے طور پر اجاگر کیا گیا ، جسے 20فیصد ایتھنول کی آمیزش اور عالمی بائیو فیول الائنس میں ملک کی قیادت کے حصول سے نشان زد کیا گیا ہے ، جس میں اب 32 ممالک اور 14 بین الاقوامی تنظیمیں شامل ہیں ۔

ترقی پذیر ممالک پر آب و ہوا کی تبدیلی کے غیر متناسب اثرات کو تسلیم کرتے ہوئے ، جناب منوہر لال نے پیرس معاہدے کے تحت آب و ہوا کی مالی اعانت اور ٹیکنالوجی کی منتقلی کے وعدوں کی اہمیت پر زور دیتے ہوئے آب و ہوا کے انصاف  اور اس کے ماحول دوست اثرات پر زور دیا ۔

افریقہ میں توانائی تک رسائی کے فرق کی طرف توجہ مبذول کراتے ہوئے ، وزیر موصوف نے افریقہ کے مشن 300 کے لیے ہندوستان کی حمایت کا اعادہ کیااور  یہ مشن 2030 تک 300 ملین افریقیوں کو بجلی فراہم کرنے سے متعلق ہے ۔

اپنی اختتامی تقریب میں جناب منوہر لال نے تمام ممالک سے لچکدار ، پائیدار اور مساوی توانائی کے نظام کی تعمیر کے لیے مل کر کام کرنے کی اپیل کی اور نئی دہلی ، بھارت میں مارچ 2026 میں ہونے والے آئندہ بھارت ارجا منتھن-ایک عالمی توانائی کنکلیو کے لیےلوگوں کو مدعو کیا ۔

مرکزی وزیرجناب منوہر لال نے جی 20 ای ٹی ایم ایم کے موقع پر جمہوریہ جنوبی افریقہ کے بجلی اور توانائی کے وزیر ڈاکٹر کگوسینشو راموکگوپا اور مملکت ڈنمارک کے آب و ہوا ، توانائی اور یوٹیلیٹیز کے وزیر جناب لارز آگارڈ مولر کے ساتھ دو طرفہ میٹنگیں کیں ۔

*****

ش ح۔ م م ع۔ ج

Uno -9823

(ریلیز آئی ڈی: 2178830) وزیٹر کاؤنٹر : 26