فوڈ کارپوریشن آف انڈیا (ایف سی آئی) نے ورلڈ فوڈ انڈیا 2025، بھارت منڈپم، نئی دہلی میں اپنی فلیگ شپ مارکیٹ مداخلتی پہل — اوپن مارکیٹ سیل اسکیم (گھریلو)، یا (ڈی)او ایم ایس ایس کی نمائش نے موثر نمائندگی درج کرائی۔حکومت ہند کی فوڈ پروسیسنگ انڈسٹریز کی وزارت کے زیر اہتمام  اس تقریب نے خوراک اور زرعی کاروبار کے شعبوں میں عالمی اسٹیک ہولڈرز کو اکٹھا کیا، جس نے ایف سی آئی کو (ڈی) او ایم ایس ایس میں بیداری اور شرکت کو فروغ دینے کے لیے ایک اسٹریٹجک پلیٹ فارم پیش کیا۔

ایف سی آئی کی شرکت کا مرکزی مقصد اس بات کو اجاگر کرنا تھا کہ کس طرح (ڈی) او ایم ایس ایس کھلی منڈی میں اناج کی وسیع دستیابی کو یقینی بنانے، قیمتوں کو اعتدال میں لانے اور ہندوستان بھر میں چھوٹے/بلک صارفین اور دکانداروں تک براہ راست رسائی فراہم کرنے میں اہم کردار ادا کرتا ہے۔ ایک مخصوص، معلوماتی اسٹال کے ذریعے، ایف سی آئی نے اسکیم کے ڈھانچے، اثرات اور فوائد کو قابل رسائی اور دل چسپ انداز میں پیش کیا۔ زائرین کو رجسٹریشن کے عمل، ای نیلامی کے طریقہ کار، اور لائیو مظاہروں، پرنٹ شدہ لٹریچر، اور ایف سی آئی افسران کے ساتھ ون آن ون بات چیت کے ذریعے اسکیم کے مجموعی بہاؤ کے ذریعے رہنمائی کی گئی۔

اس اسٹال نے عوامی دلچسپی حاصل کی اور اس تقریب میں بھیڑ کھینچنے والوں میں سے ایک کے طور پر ابھرا۔ وینڈرز، فوڈ پروسیسرز، تھوک فروش، اور یہاں تک کہ طلباء اور بین الاقوامی مندوبین نے ایف سی آئی ٹیم کے ساتھ جوش و خروش سے حصہ لیا، جو سوالات کے جوابات دینے، تکنیکی مدد فراہم کرنے، اور اسکیم کی وسیع تر قومی اہمیت کی وضاحت کے لیے پورے پروگرام میں موجود تھے۔ بہت سے شرکاء نے ((ڈی) او ایم ایس ایس آپریشنز کے حوالے سے اسٹال پر پیش کی گئی وضاحت اور آسانی کے لیے تعریف کی۔

اس دوران ایک اہم لمحہ بھی آیا جب فوڈ پروسیسنگ انڈسٹریز کے مرکزی وزیر شری چراغ پاسوان نے ایف سی آئی کے اسٹال کا دورہ کیا اور او ایم ایس ایس پر اس کے موضوعاتی توجہ کی تعریف کی۔ انہوں نے ایف سی آئی کی مضبوط عوامی رسائی اور اس طرح کی اچھی ساختہ مارکیٹ مداخلت کی اسکیم کے ذریعے غذائی اجناس کی قیمتوں کو مستحکم کرنے کی کوششوں کی تعریف کی۔ وزیر نے ایف سی آئی کی طرف سے پیش کردہ وسیع تر تھیم‘‘سب کے لیے کھانا، سب کے لیے زندگی’’ کی بھی پزیرائی کی–- جو خوراک کی حفاظت اور عوامی خدمت کے لیے تنظیم کی بنیادی وابستگی کا مظہر ہے۔

ایف سی آئی اسٹال کی کامیابی ایف سی آئی دہلی ریجن کی انتھک کوششوں سے ممکن ہوئی، جسے پورے سیٹ اپ کو منظم کرنے کی ذمہ داری سونپی گئی تھی۔ محترمہ کے پی آشا، جنرل منیجر،کی قیادت میں دہلی ٹیم نے ایک ہموار اور پیشہ ورانہ پیشکش کو یقینی بنایا جو کارپوریشن کے اہداف سے ہم آہنگ ہو۔کارکردگی کو اس کی وضاحت، ڈیزائن اور رسائی کے لیے بڑے پیمانے پر سراہا گیا۔

 ایف سی آئی کی موجودگی میں مزید اہمیت کا اضافہ تنظیم کی سینئر قیادت کی شرکت تھی۔ اسٹال کا دورہ اہم محکموں کے ایگزیکٹو ڈائریکٹروں نے کیا، جس میں عملہ/ سیلز،ا سٹوریج اور کنٹریکٹ/ سیکورٹی، کوالٹی کنٹرول اور نارتھ زون کے ساتھ ساتھ ایف سی آئی ہیڈ کوارٹر اور نارتھ زون کے چیف جنرل منیجر اور جنرل منیجر کی سطح کے سینئر افسران موجود تھے۔ پنڈال میں اسٹیک ہولڈرز کے ساتھ ان کی مصروفیت ادارے کے متحد وژن اور عوامی رسائی اور پالیسی کے نفاذ کے لیے اعلیٰ سطحی عزم کی عکاسی کرتا ہے۔

او ایم ایس ایس سے آگے، اسٹال نے زائرین کوایف سی آئی کے وسیع تر آپریشنز کی ایک جھلک بھی پیش کی -  جس میں کم از کم  امدادی قیمت (ایم ایس پی) پر خریداری سے لے کر سائنسی گودام، لاجسٹکس اور ٹارگٹیڈ پبلک ڈسٹری بیوشن سسٹم (ٹی پی ڈی ایس) کے ذریعے تقسیم شامل تھی۔ لائیو ڈسپلے اور ڈیجیٹل ٹولز نےایف سی آئی کے ابھرتے ہوئے کوالٹی کنٹرول میکانزم اور ٹیکنالوجی کے انضمام کی نمائش کی، جس میں اے آئی سے چلنے والے مانیٹرنگ سسٹمز اور ڈپو آن لائن سسٹم (ڈی او ایس) شامل ہیں، جس سے اس کی تبدیلی کو ایک جدید، ڈیٹا پر مبنی تنظیم میں تقویت ملتی ہے۔

ورلڈ فوڈ انڈیا 2025 میں ایف سی آئی کی شرکت نہ صرف معلوماتی تھی بلکہ اثر انگیز تھی - تعمیری مکالمے کو قابل بنانا، نئے روابط قائم کرنا، اور عوام کی سمجھ میں اضافہ کرنا کہ کارپوریشن کس طرح نیشنز فوڈ اکانومی میں معاونت کرتی ہے۔ (ڈی) او ایم ایس ایس پر توجہ ایک بروقت اور متعلقہ پیغام کے طور پر کام کرتی ہے، خاص طور پر قیمت کی حساسیت اور مارکیٹ کے استحکام کے تناظر میں۔

تقریب میں اپنی موجودگی کے ذریعے، فوڈ کارپوریشن آف انڈیا نے غذائی اجناس کے انتظام میں شفافیت، کارکردگی اور اختراع کے لیے اپنی وابستگی کا اعادہ کیا، اور ‘‘سب کے لیے کھانا، سب کے لیے زندگی’’ کی تھیم کے ساتھ ملک کی خدمت جاری رکھنے کے عزم کا اعادہ کیا۔

*****

 ( ش ح ۔ ع و۔ اش ق)

U. No. 7132

(Release ID: 2175439) Visitor Counter : 10