اندرا گاندھی نیشنل سینٹر فار دی آرٹس (آئی جی این سی اے) کے راج بھاشا انوبھاگ (سیکشن) کے زیرِ اہتمام ہندی ماہ 2025 کے ایک ماہ طویل جشن کا اختتام شاندار تقریب تقسیم انعامات کے ساتھ ہوا۔ اس موقع پر مختلف مقابلوں کے کامیاب شرکاء کو اعزازات سے نوازا گیا۔آئی جی این سی اے کی ڈائریکٹر (ایڈمنسٹریشن) ڈاکٹر پرینکا مشرا نے تمام جیتنے والوں کو مبارکباد پیش کی۔ تقریب میں تقریباً 50 شرکاء کو مختلف زمروں میں انعامات سے سرفراز کیا گیا۔ اس کے علاوہ آئی جی این سی اے کے مختلف کورسز کے طلباء نے دلکش ثقافتی پروگرام بھی پیش کیے۔تقریب میں جن پدا سمپدا ڈویژن کے سربراہ پروفیسر کے انل کمار نے بھی شرکت کی۔ پروگرام کی نظامت راج بھاشا سیکشن کے انچارج پروفیسر ارون کمار بھاردواج نے نہایت خوش اسلوبی سے انجام دی اور آخر میں حاضرین کا شکریہ ادا کیا۔

اس موقع پر ڈاکٹر پرینکا مشرا نے راج بھاشا سیکشن کو ہندی ماہ کی کامیاب تنظیم کے لیے مبارکباد دی۔‘‘ انہوں نے درگا اشٹمی پر مبارکباد پیش کی اور کہا کہ چونکہ یہ تقریب اس مقدس دن پر منعقد ہوئی تھی، اس لیے اس کی کامیابی یقینی تھی۔ اس نے کہا، ’’میرا ماننا ہے کہ خواتین شکتی کا مجسمہ ہیں، اور ہر کوئی ان کی طاقت سے فائدہ اٹھاتا ہے۔‘‘ انہوں نے مزید یاد کیا، ‘‘کچھ سال پہلے، ہم ہندی سپتاہ (ہندی ہفتہ) منایا کرتے تھے، پھر ہم نے ہندی فورنائٹ منانا شروع کیا۔ اس سال، ہم نے ہندی ماہ (ہندی مہینہ) کا اہتمام کیا جو ہندی زبان کے تئیں  آئی جی این سی اے کی وابستگی کو ظاہر کرتا ہے۔’’

پروگرام کا آغاز اندریش کمار شکلا کی سواستی وچن اور اروند کمار شرما کی سرسوتی وندنا سے ہوا۔ تقریب کا اختتام ادیش کے سریلی انداز میں پیش کیے گئے عقیدتی گیتوں اور منیش پال کی گٹار پر بھجن گائیکی کے ساتھ ہوا۔

قابلِ ذکر ہے کہ ہندی ماہ ہر سال 2 ستمبر سے 30 ستمبر تک منایا جاتا ہے۔ ڈاکٹر سچیدانند جوشی، ممبر سکریٹری آئی جی این سی اے کے مطابق، ہندی ماہ کے انعقاد کا مقصد ہندی زبان کے استعمال کو فروغ دینا اور عوام میں اس کے تئیں بیداری پیدا کرنا ہے۔ اس ایک ماہ کے دوران مختلف ثقافتی اور ادبی سرگرمیوں کے ساتھ ساتھ متعدد مقابلے منعقد کیے گئے، جن میں بھولی یا متروک ہندی الفاظ پر مبنی مقابلے، خود ساختہ شاعری، سواستی گان، منگلاچرن، عقیدتی گیت، روزمرہ زندگی میں استعمال ہونے والے علاقائی الفاظ پر تحریری مقابلے اور لسانی/سروے سے متعلق موضوعات پر مقابلے شامل تھے۔اندرا گاندھی نیشنل سینٹر فار دی آرٹس (آئی جی این سی اے) کے راج بھاشا انوبھاگ کے زیرِ اہتمام ہندی ماہ 2025 کا یہ ایک ماہ طویل جشن شاندار تقریب تقسیم انعامات کے ساتھ اختتام پذیر ہوا-

*******

ش ح۔ش ت ۔ رض

6872U-

(Release ID: 2173479) Visitor Counter : 3