مرکزی حکومت نے مالی سال 2025-26 کے لیے پندرھویں مالیاتی کمیشن کے تحت غیر مشروط گرانٹس کی پہلی قسط بہار، ہماچل پردیش اور اتر پردیش کی دیہی مقامی اداروں کو جاری کر دی ہے۔ بہار کو ریاست کے 38 اہل ضلع پنچایتوں، 530 بلاک پنچایتوں اور 8046 گرام پنچایتوں کے لیے 801.009 کروڑ روپے موصول ہوئے۔ ہماچل پردیش کو 67.955 کروڑ روپے دیے گئے جو ریاست کی تمام 12 ضلع پنچایتوں، 80 اہل بلاک پنچایتوں اور 3576 گرام پنچایتوں پر محیط ہیں۔ اتر پردیش کو 1548.3836 کروڑ روپے موصول ہوئے جو 73 اہل ضلع پنچایتوں، 813 بلاک پنچایتوں اور 57,633 گرام پنچایتوں کے لیے مختص ہیں۔

حکومت ہند وزارت پنچایتی راج اور وزارت جل شکتی (محکمہ پینے کے پانی اور صفائی) کے ذریعے ریاستوں کے دیہی مقامی اداروں/ پنچایتی راج اداروں کو پندرھویں مالیاتی کمیشن کی گرانٹس کی سفارش کرتی ہے، جسے اس کے بعد وزارت خزانہ کی جانب سے جاری کیا جاتا ہے۔ یہ مختص گرانٹس مالی سال میں دو اقساط میں دی جاتی ہیں۔ غیر مشروط گرانٹس دیہی مقامی اداروں/ پنچایتی راج اداروں کی طرف سے علاقائی ضروریات کی تکمیل کے لیے استعمال کی جائیں گی، جیسا کہ دستور ہند کے گیارھویں شیڈول میں شامل 29 مضامین کے تحت ہے، تاہم تنخواہوں اور دیگر انتظامی اخراجات پر یہ استعمال نہیں کی جا سکتی۔ مشروط گرانٹس کا استعمال بنیادی خدمات پر کیا جا سکتا ہے، جن میں (a) صفائی ستھرائی اور او ڈی ایف (کھلے میں رفع حاجت سے پاک) درجے کی برقراری، گھریلو کچرے کا انتظام، انسانی فضلے اور سیوریج کے دباؤ کا مؤثر انتظام و علاج اور (b) پینے کے پانی کی فراہمی، بارش کے پانی کو محفوظ کرنے اور پانی کے دوبارہ استعمال کے اقدامات شامل ہیں۔

**********

ش ح۔ ف ش ع

 U: 6624

(Release ID: 2171439) Visitor Counter : 6