وزارت دفاع (ایم او ڈی) نے ہندوستان ایروناٹکس لمیٹڈ (ایچ اے ایل) کے ساتھ 25 ستمبر 2025 کو 62,370 کروڑ روپے (ٹیکسوں کو چھوڑ کر)  97 ہلکے لڑاکاطیارے (ایل سی اے) ایم کے 1 اے کی خریداری کے معاہدے پر دستخط کیے  ہیں، جس میں 68 لڑاکا طیارے اوردو سیٹوں والے 29 طیارے شامل ہیں ۔ان طیاروں کی فراہمی 2027-28 کے دوران شروع ہوگی اور  یہ چھ سال کی مدت میں مکمل ہوگی ۔

طیارے میں 64فیصد سے زیادہ مقامی کل پرزے ہوں گے۔جس میں پچھلے ایل سی اے ایم کے 1 اے معاہدے کے علاوہ 67 اضافی اشیاء شامل ہوں گی  جنوری 2021 میں دستخط کیے گئے یو ٹی ٹی اے ایم ایکٹیو الیکٹرانک اسکینڈ ارے (اے ای ایس اے) ریڈار ، سویم رکشا کوچ ، اور کنٹرول سرفیس ایکچوئیٹرز جیسے جدید مقامی طور پر تیار کردہ نظاموں کا انضمام آتم نربھرتا اقدامات کو مزید مضبوط کرے گا ۔

اس پروجیکٹ کو تقریبا 105 ہندوستانی کمپنیوں کے مضبوط وینڈر بیس کی طرف سے تعاون فراہم کیا جا رہا ہے جو براہ راست تفصیلی اجزاء کی تیاری میں مصروف ہیں ۔ توقع ہے کہ اس پیداوار سے چھ سال کی مدت کے لیے ہر سال تقریبا 11,750 براہ راست اور بالواسطہ ملازمتیں پیدا ہوں گی ، جس سے گھریلو ایرو اسپیس ماحولیاتی نظام کو بڑا فروغ ملے گا ۔

یہ حصول ، دفاعی حصول کے طریقہ کار 2020 کے 'خرید (انڈیا-آئی ڈی ڈی ایم)' زمرے کے تحت ، حکومت کے مقامی  کل پرزے بنانے پر زور دینے کے مطابق ہے ۔ ایل سی اے ایم کے 1 اے مقامی طور پر ڈیزائن اور تیار کردہ لڑاکا طیاروں کا سب سے جدید ورژن ہے اور یہ آئی اے ایف کی آپریشنل ضروریات کو پورا کرنے کے لیے ایک طاقتور پلیٹ فارم کے طور پر کام کرے گا ۔

 

 

ش ح، ا س ۔ ج

Uno-6584

 

(Release ID: 2171133) Visitor Counter : 24