حکومت ہند (جی او آئی)نے  (1) مختلف قیمت کے طریقے کا استعمال کرتے ہوئے قیمت پر مبنی نیلامی کے ذریعہ 16000 کروڑ روپے (برائے نام) کی مشتہر کردہ رقم کے لیے 6.68 فیصد سرکاری تمسکات 2040(2) مختلف قیمت کے طریقے کا استعمال کرتے ہوئے قیمت پر مبنی نیلامی کے ذریعہ 16000 کروڑ روپے (برائے نام) کی مشتہر کردہ رقم کے لیے 6.90 فیصد سرکاری تمسکات 2065 کی فروخت (ازسر نو اجراء) کا اعلان کیا ہے۔ حکومت ہند کے پاس مذکورہ بالا ہر ایک سکیورٹی  کے مقابلے میں 2000 کروڑ روپے تک کی اضافی سبسکرپشن برقرار رکھنے کا اختیار ہوگا۔ یہ نیلامیاں 26 ستمبر 2025 (بروز جمعہ) کو ریزرو بینک آف انڈیا ، ممبئی آفس، فورٹ ممبئی کے ذریعہ منعقد کی جائے گی۔

سرکاری تمسکات کی نیلامی میں غیر مسابقتی بولی کی سہولت کی اسکیم کے مطابق سیکورٹیز کی فروخت کی مشتہر کردہ رقم کا 5 فیصد تک اہل افراد اور اداروں کو مختص کیا جائے گا۔

نیلامی کے لیے مسابقتی اور غیر مسابقتی بولیاں  26 ستمبر 2025 کو ریزرو بینک آف انڈیا کور بینکنگ سالیوشنز (ای-کبیر سسٹم) پر الیکٹرانک فارمیٹ میں داخل کرائی جائیں۔ غیر مسابقتی بولیاں صبح 10:30 اور 11:00 بجے کے درمیان داخل کرائی جائیں  اور مسابقتی بولیاں صبح 10:30 اور 11:30 کے درمیان داخل کرائی جائیں۔

نیلامی کے نتائج کا اعلان 26 ستمبر 2025 (بروز جمعہ) کو کیا جائے گا اور کامیاب بولی دہندگان کے ذریعہ ادائیگی 29 ستمبر 2025 (بروز پیر)کو کی جائے گی۔

تمسکات ریزرو بینک آف انڈیا کے ذریعہ ، جیسا کہ وقتاً فوقتاً ترمیم کی گئی ہے، سرکلر نمبر آر بی آئی / 2018-19/25 مورخہ 24 جولائی 2018 کے ذریعہ جاری کردہ ’’مرکزی حکومت کے تمسکات میں جب جاری کردہ لین دین‘‘ کے بارے میں رہنما خطوط کے مطابق ’’جب جاری کردہ‘‘ کاروبار کے لیے مستحق ہوں گی۔

*****

 (ش ح –ا ب ن)

U.No:6426

(Release ID: 2169825) Visitor Counter : 3